Қобилхон Дадахўжаев ва Ғанижон Умрзақовлар умрини дин хизмати, халқни маънавиятини оширишга бағишлаганлардан. Аммо улар ҳаётдан эрта кетди. Узоқ умр кўра олмаган бўлсада, кўплаб хайрли ишлар қилишга улгура олишди. Аҳли илмлар уларни яхши хотирлайди.
Муборак Қурбон ҳайити кунлари вилоят бош имом-хатиби Убайдуллоҳ домла Абдуллаев бошчилигидаги бир гуруҳ имом-хатиблар марҳум имом домлаларнинг хонадонига ташриф буюриб, яқинлари ҳолидан хабар олишди.
Марҳум имом домлалар ҳаққига Қуръон тиловат қилиниб, уларнинг амалга оширган хайрли ишлари хотирланди. Яқинларига диний идора ҳамда вакиллик томонидан моддий ва маънавий кўмак кўрсатилди.
Шунингдек, вилоят бош имом-хатиби ўринбосари Алишер домла Наимов диний идоранинг фахрийлар кенгаши аъзоси бўлган, узоқ йиллар диний соҳада хизмат қилиб келган Абдували домла Ҳафизов хонадонига ташриф буюриб, устозни зиёрат қилишди. Абдували домладан ҳол сўралиб, муфтий ҳазратларининг салом ва дуолари етказилди.
Ўз ўрнида, Абдували домла Уламолар, хусусан, муфтий ҳазратнинг эътиборларидан кўп мамнун бўлганликлари, бугунги кунда динимиз ривожи йўлида амалга оширилаётган ишларни эътироф этиб, юртимиз ва халқимиз ҳаққига дуо қилдилар.