Бирлашган Aраб Aмирликларидаги Зайд миллий музейи мутахассислари гуруҳи Қуръони каримнинг эрамизнинг 800-900 йилларгача бўлган тарихий қўлёзма нусхасини аниқлади.
“IQNA”нинг “ Al-Ittihad ”га таяниб ёзишича, бу Қуръон тилла қоғоз ва кўк варақда ёзилган бўлиб, Қуръоннинг дунёдаги энг машҳур қўлёзма нусхаларидан бири ва ислом хаттотлигининг йирик намунасидир.
Оятларни аниқлаш учун мултиспектрал тасвирлаш усулларидан фойдаланган Қуръоннинг ушбу шаклида “Нисо” сурасидаги оятлар кўринади. Ушбу услуб вақт ўтиши билан ўчиб кетган ва билинмас даражадаги кўзга кўринмайдиган матн ва тасвирларни таъкидлайди.
Ушбу қўлёзма нусханинг санаси милодий 800-900 йилларга тўғри келади ва ёрқин кўк ёки индиго саҳифалар, олтин куфий хаттотлик ва кумуш безаклар ушбу Қуръоннинг хусусиятлари ҳисобланади.
Мазкур Қуръон куфий ёзувида ёзилган бўлиб, нуқта ва унлиларсиз араб ҳарфлари қўлланилгани сабабли уни ўқиш қийиндир.
Қуръоннинг бу нусхаси дастлаб терига ёзилган 600 саҳифадан иборат бўлиб, бугунги кунда улардан атиги 100 саҳифаси музейлар ва шахсий коллекцияларда сақланмоқда, 5 саҳифаси эса Зайд миллий музейида намойиш этилмоқда.
Ўзбекистон мусулмонлари идораси
Матбуот хизмати
***
Birlashgan Arab Amirliklaridagi Zayd milliy muzeyi mutaxassislari guruhi Qur’oni karimning eramizning 800-900 yillargacha bo‘lgan tarixiy qo‘lyozma nusxasini aniqladi.
“IQNA”ning “ Al-Ittihad ”ga tayanib yozishicha, bu Qur’on tilla qog‘oz va ko‘k varaqda yozilgan bo‘lib, Qur’onning dunyodagi eng mashhur qo‘lyozma nusxalaridan biri va islom xattotligining yirik namunasidir.
Oyatlarni aniqlash uchun multispektral tasvirlash usullaridan foydalangan Qur’onning ushbu shaklida “Niso” surasidagi oyatlar ko‘rinadi. Ushbu uslub vaqt o‘tishi bilan o‘chib ketgan va bilinmas darajadagi ko‘zga ko‘rinmaydigan matn va tasvirlarni ta’kidlaydi.
Ushbu qo‘lyozma nusxaning sanasi milodiy 800-900 yillarga to‘g‘ri keladi va yorqin ko‘k yoki indigo sahifalar, oltin kufiy xattotlik va kumush bezaklar ushbu Qur’onning xususiyatlari hisoblanadi.
Mazkur Qur’on kufiy yozuvida yozilgan bo‘lib, nuqta va unlilarsiz arab harflari qo‘llanilgani sababli uni o‘qish qiyindir.
Qur’onning bu nusxasi dastlab teriga yozilgan 600 sahifadan iborat bo‘lib, bugungi kunda ulardan atigi 100 sahifasi muzeylar va shaxsiy kolleksiyalarda saqlanmoqda, 5 sahifasi esa Zayd milliy muzeyida namoyish etilmoqda.
O‘zbekiston musulmonlari idorasi
Matbuot xizmati
