Ўзбекистонда 2025 йилнинг 1 майидан Ислом мамлакатлари стандартлари ва метрология институти (SMIIC) стандартлари талаблари асосида сертификатлаштирилган маҳсулот ва хизматларни «Ҳалол» белгиси билан тамғалашга рухсат берилади.
Бу борада Ҳукуматнинг жорий йил 1 февраль куни 57-сон қарори қабул қилинди.
Мазкур ҳужжат билан, жумладан, Маҳсулотлар ва хизматларни «Ҳалол» талабларига мувофиқ сертификатлаштириш тартиби тўғрисидаги низом тасдиқланди.
Шунингдек, Техник жиҳатдан тартибга солиш агентлиги ҳузурида давлат муассасаси шаклида маҳсулот ва хизматларни «Ҳалол» талабларига мувофиқ сертификатлаштириш органи ташкил этилади ва аккредитациядан ўтказилади.
***
O‘zbekistonda 2025 yilning 1 mayidan Islom mamlakatlari standartlari va metrologiya instituti (SMIIC) standartlari talablari asosida sertifikatlashtirilgan mahsulot va xizmatlarni «Halol» belgisi bilan tamg‘alashga ruxsat beriladi.
Bu borada Hukumatning joriy yil 1 fevral kuni 57-son qarori qabul qilindi.
Mazkur hujjat bilan, jumladan, Mahsulotlar va xizmatlarni «Halol» talablariga muvofiq sertifikatlashtirish tartibi to‘g‘risidagi nizom tasdiqlandi.
Shuningdek, Texnik jihatdan tartibga solish agentligi huzurida davlat muassasasi shaklida mahsulot va xizmatlarni «Halol» talablariga muvofiq sertifikatlashtirish organi tashkil etiladi va akkreditatsiyadan o‘tkaziladi.
