Шу йил, 9 январь куни Фарғона вилояти бош имом-хатиби Убайдуллоҳ домла Абдуллаев бошчилигида вакиллик ходимлари, шаҳар-туман бош имом-хатиблари ҳамда иқтидорли имомлар иштирокида тузилган ишчи гуруҳ Ўзбекистон туманига ташриф буюрди.
Дастлаб, тумандаги 7 та масжид ҳамда 7 та маҳаллаларда, шунингдек, “Ҳаж — 2024” зиёратчилари ва маҳалла фуқаролар йиғини раислари иштирокида йиғилиш ўтказилиб, амалий тадбирлар режаси тузилди.
Ишчи гуруҳ аъзолари ҳамда имом-хатибларга бириктирилган маҳалла ҳудудидан “Ҳаж — 2024” зиёратчисини маънавий-маърифий тадбирларга жалб этдилар. Биргаликда маҳалланинг энг камида 3 тагача муаммоли хонадонларига кириб, у ерда яшаётганлардан ҳол-аҳвол сўрадилар. Уларнинг муаммоларини ўргандилар, таклиф, фикр-мулоҳазаларини тингладилар. Имом-хатиблар 22 та оилага кириб, маънавий-маърифий тарғибот ҳамда амалий ёрдам тадбирларини олиб бордилар.
Шунингдек, тумандаги «Қудаш» мурувват уйига ташриф буюрилиб, ташриф чоғида мурувват уйида яшовчи имконияти чекланган, меҳр-мурувватга муҳтожларни ҳолидан хабар олиниб, мурувват уйи учун маиший техника ва маиший жиҳозлар ҳамда бошқа турдаги зарурий ашёлар хайрия қилинди.
Шу билан бирга, мурувват уйида «Яшил макон» дастури доирасида 100 туп мевали ва манзарали кўчатлар экилди.
Туманнинг «Боғи Эрам» маҳалласида яшовчи кам таъминланган оилага ҳомийлар кўмаги билан замонавий қулай шароитларга эга бир хоналик уй қуриб берилди. Ишчи гуруҳ мазкур хонадонга ташриф буюриб, хонадон эгалари билан мулоқот қилдилар.
Пешин намози сўнгида масжидларда жамоатга маъруза қилиниб, одамларга манфаат етказишнинг фазилати, офият улкан неъмат экани, ёшлар тарбияси доимий эътибор марказда бўлиши зарурлиги, бу борада ота-оналарнинг ўрни ҳақида илмий ва ҳаётий мисоллар ёрдамида тушунтирилди.
Масжидлар ва имомлар фаолияти кўздан кечирилди ҳамда мавжуд камчиликларни бартараф этиш юзасидан керакли тавсиялар берилди.
Фарғона вилояти вакиллиги Матбуот хизмати
***
Shu yil, 9 yanvar kuni Farg‘ona viloyati bosh imom-xatibi Ubaydulloh domla Abdullayev boshchiligida vakillik xodimlari, shahar-tuman bosh imom-xatiblari hamda iqtidorli imomlar ishtirokida tuzilgan ishchi guruh O‘zbekiston tumaniga tashrif buyurdi.
Dastlab, tumandagi 7 ta masjid hamda 7 ta mahallalarda, shuningdek, “Haj — 2024” ziyoratchilari va mahalla fuqarolar yig‘ini raislari ishtirokida yig‘ilish o‘tkazilib, amaliy tadbirlar rejasi tuzildi.
Ishchi guruh a’zolari hamda imom-xatiblarga biriktirilgan mahalla hududidan “Haj — 2024” ziyoratchisini ma’naviy-ma’rifiy tadbirlarga jalb etdilar. Birgalikda mahallaning eng kamida 3 tagacha muammoli xonadonlariga kirib, u yerda yashayotganlardan hol-ahvol so‘radilar. Ularning muammolarini o‘rgandilar, taklif, fikr-mulohazalarini tingladilar. Imom-xatiblar 22 ta oilaga kirib, ma’naviy-ma’rifiy targ‘ibot hamda amaliy yordam tadbirlarini olib bordilar.
Shuningdek, tumandagi «Qudash» muruvvat uyiga tashrif buyurilib, tashrif chog‘ida muruvvat uyida yashovchi imkoniyati cheklangan, mehr-muruvvatga muhtojlarni holidan xabar olinib, muruvvat uyi uchun maishiy texnika va maishiy jihozlar hamda boshqa turdagi zaruriy ashyolar xayriya qilindi.
Shu bilan birga, muruvvat uyida «Yashil makon» dasturi doirasida 100 tup mevali va manzarali ko‘chatlar ekildi.
Tumanning «Bog‘i Eram» mahallasida yashovchi kam ta’minlangan oilaga homiylar ko‘magi bilan zamonaviy qulay sharoitlarga ega bir xonalik uy qurib berildi. Ishchi guruh mazkur xonadonga tashrif buyurib, xonadon egalari bilan muloqot qildilar.
Peshin namozi so‘ngida masjidlarda jamoatga ma’ruza qilinib, odamlarga manfaat yetkazishning fazilati, ofiyat ulkan ne’mat ekani, yoshlar tarbiyasi doimiy e’tibor markazda bo‘lishi zarurligi, bu borada ota-onalarning o‘rni haqida ilmiy va hayotiy misollar yordamida tushuntirildi.
Masjidlar va imomlar faoliyati ko‘zdan kechirildi hamda mavjud kamchiliklarni bartaraf etish yuzasidan kerakli tavsiyalar berildi.
Farg‘ona viloyati vakilligi Matbuot xizmati
