Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг Ислом умматини Рамазон ойи билан муборакбод этган табриклари нуфузли халқаро ташкилот – Мусулмон донишмандлар кенгашининг ижтимоий тармоқларида эълон қилинди.
– Аллоҳ таолога беадад шукрлар бўлсинки, Ҳақ таолонинг раҳмат ойи – муборак Рамазон ойи кириб келди. Бу ой ахлоқни сайқаллаш, гўзал хулқлар билан зийнатланиш учун ғанимат фурсатдир. Зеро, бу ой – раҳмат, мағфират, ўзаро ҳамжиҳатлик ва раҳм-шафқат ойидир, – дейилади қутлов муқаддимасида.
Муфтий ҳазратлари ўз табрикларида бу ойда кичик бир яхшиликка кўп ажр-савоб бериладиган, хато-ю гуноҳлар кечириладиган ой эканини эслатиб, рўза ибодатини иймон билан савоб умидида тутиш, кечаларни қоим қилиш гуноҳларга каффорат бўлади, дея бу вақтларни унумли ўтказишга чорлаганлар. Шунингдек, мусулмонлар йил давомида Рамазон ойини интизорлик билан кутиши, ўзгача завқ ва шавқ, тоат-ибодат билан ўтказишларини ҳам алоҳида қайд этганлар.
“…Имом Бухорий ватани бўлган Ўзбекистон халқи, қолаверса, Ўзбекистон мусулмонлари идораси номидан жамики мўмин-мусулмонларни Рамазон ойи кириб келиши билан самимий қутлайман. Аллоҳ таолодан бу ойнинг фазилатларидан тўлиқ истифода қилишга тавфиқ бериши сўрайман”, – дейилади табрик хотимасида.
🌐 Мазкур табрикни қуйидаги ҳаволалар орқали кўриш мумкин:
🌐 https://www.facebook.com/share/v/kXkpMif6CkG2Hb61/?mibextid=WaXdOe
🌐 https://x.com/muslimelders/status/1766857556197093489?s=46
🌐 https://www.instagram.com/reel/C4VwqdTs6w-/?igsh=MWtpMXp0azFoNzBrbQ==
* * *
O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining Islom ummatini Ramazon oyi bilan muborakbod etgan tabriklari nufuzli xalqaro tashkilot – Musulmon donishmandlar kengashining ijtimoiy tarmoqlarida e’lon qilindi.
– Alloh taologa beadad shukrlar bo‘lsinki, Haq taoloning rahmat oyi – muborak Ramazon oyi kirib keldi. Bu oy axloqni sayqallash, go‘zal xulqlar bilan ziynatlanish uchun g‘animat fursatdir. Zero, bu oy – rahmat, mag‘firat, o‘zaro hamjihatlik va rahm-shafqat oyidir, – deyiladi qutlov muqaddimasida.
Muftiy hazratlari o‘z tabriklarida bu oyda kichik bir yaxshilikka ko‘p ajr-savob beriladigan, xato-yu gunohlar kechiriladigan oy ekanini eslatib, ro‘za ibodatini iymon bilan savob umidida tutish, kechalarni qoim qilish gunohlarga kafforat bo‘ladi, deya bu vaqtlarni unumli o‘tkazishga chorlaganlar. Shuningdek, musulmonlar yil davomida Ramazon oyini intizorlik bilan kutishi, o‘zgacha zavq va shavq, toat-ibodat bilan o‘tkazishlarini ham alohida qayd etganlar.
“…Imom Buxoriy vatani bo‘lgan O‘zbekiston xalqi, qolaversa, O‘zbekiston musulmonlari idorasi nomidan jamiki mo‘min-musulmonlarni Ramazon oyi kirib kelishi bilan samimiy qutlayman. Alloh taolodan bu oyning fazilatlaridan to‘liq istifoda qilishga tavfiq berishi so‘rayman”, – deyiladi tabrik xotimasida.
🌐 Mazkur tabrikni quyidagi havolalar orqali ko‘rish mumkin:
🌐 https://www.facebook.com/share/v/kXkpMif6CkG2Hb61/?mibextid=WaXdOe
🌐https://x.com/muslimelders/status/1766857556197093489?s=46
🌐 https://www.instagram.com/reel/C4VwqdTs6w-/?igsh=MWtpMXp0azFoNzBrbQ==
