Жорий йил, 19 февраль куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Қатар давлатининг Ўзбекистондаги фавқулодда ва мухтор элчиси Ҳасан бин Ҳамза Ҳошим жанобларини қабул қилдилар.
Муфтий ҳазратлари Ўзбекистон ва Қатар давлатлари алоқалари охирги йилларда ривожланаётгани, Тошкент ва Доҳа шаҳарларида элчихоналарнинг очилиши кўп томонлама муносабатларни мустаҳкамлашга ҳисса қўшаётгани, Ўзбекистон мусулмонлари идорасининг Қатар давлатидаги диний-маърифий йўналишдаги ташкилотлар, жумладан, Халқаро мусулмон уламолари кенгаши билан ҳамкорлик йўлга қўйилганини таъкидладилар.
* * *
Joriy yil, 19 fevral kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Qatar davlatining O‘zbekistondagi favqulodda va muxtor elchisi Hasan bin Hamza Hoshim janoblarini qabul qildilar.
Muftiy hazratlari O‘zbekiston va Qatar davlatlari aloqalari oxirgi yillarda rivojlanayotgani, Toshkent va Doha shaharlarida elchixonalarning ochilishi ko‘p tomonlama munosabatlarni mustahkamlashga hissa qo‘shayotgani, O‘zbekiston musulmonlari idorasining Qatar davlatidagi diniy-ma’rifiy yo‘nalishdagi tashkilotlar, jumladan, Xalqaro musulmon ulamolari kengashi bilan hamkorlik yo‘lga qo‘yilganini ta’kidladilar.
