Ўзбекистон Республикаси мустақиллигининг 35 йиллиги муносабати билан юртимизда турли соҳаларда самарали меҳнат қилиб, ўз фаолияти билан жамият ривожига муносиб ҳисса қўшиб келаётган юртдошларимиз меҳнати эътироф этилмоқда.
Истиқлол байрами арафасида диний-маърифий соҳада фаолият олиб бораётган бир гуруҳ устозлар, имом-хатиблар ҳамда отинойилар ҳам “Ўзбекистон Республикаси мустақиллигининг 35 йиллиги” кўкрак нишони билан тақдирландилар.
Мукофотларни тантанали тадбирда Фарғона вилояти ҳокими ўринбосари Бурҳонжон Қўлдошев ўз эгаларига топширди. Уларнинг диний-маърифий соҳадаги самарали меҳнати, аҳоли, айниқса, ёшлар маънавиятини юксалтириш, оилавий қадриятларни мустаҳкамлаш ҳамда жамиятда тинчлик ва тотувликни қарор топтиришга қўшаётган ҳиссалари муносиб эътироф этилди.
Мазкур эътироф диний соҳа вакилларини ўз фаолиятини янада сидқидилдан давом эттириш, илм-маърифат ва эзгулик йўлида янги ташаббуслар билан чиқишга руҳлантириши шубҳасиз.
Фурсатдан фойдаланиб, Фарғона вилояти вакиллиги ҳамда Alhidoya.uz сайти жамоаси мукофот билан тақдирланган барча илм аҳлларини чин дилдан муборакбод этади. Устоз ва уламоларимизга мустаҳкам соғлик, оилавий хотиржамлик, масъулиятли ва шарафли фаолиятларида улкан муваффақиятлар тилаймиз.
***
O‘zbekiston Respublikasi mustaqilligining 35 yilligi munosabati bilan yurtimizda turli sohalarda samarali mehnat qilib, o‘z faoliyati bilan jamiyat rivojiga munosib hissa qo‘shib kelayotgan yurtdoshlarimiz mehnati e’tirof etilmoqda.
Istiqlol bayrami arafasida diniy-ma’rifiy sohada faoliyat olib borayotgan bir guruh ustozlar, imom-xatiblar hamda otinoyilar ham “O‘zbekiston Respublikasi mustaqilligining 35 yilligi” ko‘krak nishoni bilan taqdirlandilar.
Mukofotlarni tantanali tadbirda Farg‘ona viloyati hokimi o‘rinbosari Burhonjon Qo‘ldoshev o‘z egalariga topshirdi. Ularning diniy-ma’rifiy sohadagi samarali mehnati, aholi, ayniqsa, yoshlar ma’naviyatini yuksaltirish, oilaviy qadriyatlarni mustahkamlash hamda jamiyatda tinchlik va totuvlikni qaror toptirishga qo‘shayotgan hissalari munosib e’tirof etildi.
Mazkur e’tirof diniy soha vakillarini o‘z faoliyatini yanada sidqidildan davom ettirish, ilm-ma’rifat va ezgulik yo‘lida yangi tashabbuslar bilan chiqishga ruhlantirishi shubhasiz.
Fursatdan foydalanib, Farg‘ona viloyati vakilligi hamda Alhidoya.uz sayti jamoasi mukofot bilan taqdirlangan barcha ilm ahllarini chin dildan muborakbod etadi. Ustoz va ulamolarimizga mustahkam sog‘lik, oilaviy xotirjamlik, mas’uliyatli va sharafli faoliyatlarida ulkan muvaffaqiyatlar tilaymiz.
