Бугун вилоятимиздаги барча масжидларда анъанавий тарзда фуқароларни қабул қилиш жараёнлари бўлиб ўтди. Ҳар ҳафтанинг чоршанбаси куни масжидларда ташкил этиладиган мазкур учрашувларда имом-хатиблар аҳоли билан юзма-юз мулоқот қилиш, уларни ўйлантираётган масалаларни тинглаш ва шаръий ечим таклиф этиш имкониятига эга бўладилар.
Фуқароларнинг мурожаатлари асосан диний, ижтимоий ва оилавий ҳаётга оид бўлиб, улар ичида ибодат масалалари, фарзанд тарбияси, оилавий муносабатлар, қариндошчилик алоқалари ҳамда жамиятдаги умумий ахлоқий муҳитга доир саволлар асосий ўринни эгалламоқда.
Масжидларда ташкил этилаётган бугунги фуқаролар қабули жараёнида имомлар ҳар бир мурожаатни диққат билан тинглаб, уларга маслаҳат беришган бўлса, айрим ҳолларда эса мурожаатчининг муаммосини ҳал этиш мақсадида тегишли ташкилотлар ва жамоатчилик вакиллари билан ҳамкорлик қилиш белгиланди.
***
Bugun viloyatimizdagi barcha masjidlarda an’anaviy tarzda fuqarolarni qabul qilish jarayonlari bo‘lib o‘tdi. Har haftaning chorshanbasi kuni masjidlarda tashkil etiladigan mazkur uchrashuvlarda imom-xatiblar aholi bilan yuzma-yuz muloqot qilish, ularni o‘ylantirayotgan masalalarni tinglash va shar’iy yechim taklif etish imkoniyatiga ega bo‘ladilar.
Fuqarolarning murojaatlari asosan diniy, ijtimoiy va oilaviy hayotga oid bo‘lib, ular ichida ibodat masalalari, farzand tarbiyasi, oilaviy munosabatlar, qarindoshchilik aloqalari hamda jamiyatdagi umumiy axloqiy muhitga doir savollar asosiy o‘rinni egallamoqda.
Masjidlarda tashkil etilayotgan bugungi fuqarolar qabuli jarayonida imomlar har bir murojaatni diqqat bilan tinglab, ularga maslahat berishgan bo‘lsa, ayrim hollarda esa murojaatchining muammosini hal etish maqsadida tegishli tashkilotlar va jamoatchilik vakillari bilan hamkorlik qilish belgilandi.
