Ўзбекистон мусулмонлари идораси «Шамсуддинхон Бобохонов» нашриёт-матбаа ижодий уйининг «Ҳидоят» ва «Мўминалар» журналлари ҳамда «Ислом нури» газетаси халқимизга маърифат ва ҳидоят улашиб келаётган нашр ҳисобланади. Дарҳақиқат, мазкур нашрларни халқимизга кенг тарзда етиб боришида имом-хатиблар ва масжидларнинг ўрни катта ҳисобланиб, ўқувчи ва нашрлар ўртасидаги энг асосий кўприк вазифасини бажаради десак муболаға бўлмайди.
Ўтган ҳафтада «Шамсуддинхон Бобохонов» нашриёт-матбаа ижодий уйи масъуллари иштирокида вилоят вакиллиги мажлислар залида тадбир бўлиб ўтди. Унда «Ҳидоят» ва «Мўминалар» журналлари ҳамда «Ислом нури» газетасининг халқимиз ҳаётидаги ўрни, унда бериб борилаётган турли мавзудаги илмий-оммабоп мақолаларни ўқувчилар катта қизиқиш билан қарши олаётганлари, таҳририятга келаётган мурожаатлар ҳам буни тасдиқлаши, фарғоналик ўқувчилар жуда ҳам фаол экани эътироф этилди.
Шунингдек, мазкур нашрларга 2025 йил учун обуна мавсуми бошлангани эълон қилиниб, жорий йилдаги тарғибот ишларида фаоллик кўрсатганлар нашриёт томонидан тақдирланишди.
***
O‘zbekiston musulmonlari idorasi «Shamsuddinxon Boboxonov» nashriyot-matbaa ijodiy uyining «Hidoyat» va «Mo‘minalar» jurnallari hamda «Islom nuri» gazetasi xalqimizga ma’rifat va hidoyat ulashib kelayotgan nashr hisoblanadi. Darhaqiqat, mazkur nashrlarni xalqimizga keng tarzda yetib borishida imom-xatiblar va masjidlarning o‘rni katta hisoblanadi. O‘quvchi va nashrlar o‘rtasidagi eng asosiy ko‘prik vazifasini bajaradi desak mubolag‘a bo‘lmaydi.
O‘tgan haftada «Shamsuddinxon Boboxonov» nashriyot-matbaa ijodiy uyi mas’ullari ishtirokida viloyat vakilligi majlislar zalida tadbir bo‘lib o‘tdi. Unda «Hidoyat» va «Mo‘minalar» jurnallari hamda «Islom nuri» gazetasining xalqimiz hayotidagi o‘rni, unda berib borilayotgan turli mavzudagi ilmiy-ommabop maqolalarni o‘quvchilar katta qiziqish bilan qarshi olayotganlari, tahririyatga kelayotgan murojaatlar ham buni tasdiqlashi, farg‘onalik o‘quvchilar juda ham faol ekani e’tirof etildi.
Shuningdek, mazkur nashrlarga 2025 yil uchun obuna mavsumi boshlangani e’lon qilinib, joriy yildagi targ‘ibot ishlarida faollik ko‘rsatganlar nashriyot tomonidan taqdirlanishdi.
