Бугун, 4 сентябрь санасидан юртимиздаги таълим даргоҳларида 2023-2024 ўқув йили бошланди. Мустақилликнинг 32 йиллиги ҳамда 2023-2024 ўқув йилининг очилиши муносабати билан диний таълим муассасаларида ҳам тадбир ўтказилди. Жумладан, Тошкент ислом институтида ўтказилган тадбирда Дин ишлари бўйича қўмита раисининг биринчи ўринбосари Даврон Мақсудов, бўлим бошлиғи Муҳиддин Ҳакимов, қўмита ходими Муҳаммадбобур Йўлдошев, Ўзбекистон мусулмонлари идораси раисининг биринчи ўринбосари Ҳомиджон домла Ишматбеков, ТИИ ректори Муҳаммадолим домла Муҳаммадсиддиқов, «Кўкалдош» ўрта махсус ислом билим юртида бўлиб ўтган тадбирда эса Ўзбекистон мусулмонлари идораси раисининг ёшлар ишлари бўйича ўринбосари Уйғун домла Ғофуров, билим юрти мудири Абдуҳақим қори Матқулов ҳамда устоз ва талабалар иштирок этди.
Янги ўқув йили бошланиши муносабати билан Тошкент ислом институтида 1-курсга қабул қилинган талабаларга Ўзбекистон мусулмонлари идораси раиси, муфтий шайх Нуриддин Холиқназар ҳазратларининг совғалари топширилди.
Шунингдек, Др. Шайх Саййид Раҳматуллоҳ Термизий ва Шайх Исмоил Муҳаммад Содиқ Муҳаммад Юсуф ҳазратлари «Кўкалдош» ўрта махсус ислом билим юрти томонидан «Фахрий устоз» даражаси билан тақдирландилар.
Бу каби тадбирлари юртимиздаги барча олий ва ўрта махсус диний таълим муассасаларида бўлиб ўтди.
Маросимлар якунида Ҳақ таолодан юртимиз тинчлиги, халқимиз фаровонлиги ҳамда янги ўқув йили хайрли ва баракали бўлишини сўраб хайрли дуолар қилинди.
