Бугун, 29 февраль куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Андижон вилояти сафари давомида “Саййид Муҳйиддин махдум” мадрасаси фаолияти билан яқиндан танишдилар ва вилоят имом-хатибларининг навбатдаги йиғилишида иштирок этдилар. Андижон вилояти бош имом-хатиби Мирзамақсуд домла Алимов меҳмонларга доимий ҳамроҳлик қилди.
Муфтий ҳазратлари дастлаб педагог-ўқитувчилар ва талаба ёшларга яратилган шарт-шароитлар ҳамда янги барпо этилган синф хоналари, мажлислар зали, спорт зал билан танишдилар.
Шайх Нуриддин Холиқназар ҳазратлари билим юрти мударрисларига йиғилиш ўтказиб, толиби илмларга пухта билим бериш баробарида бугунги неъматлар қадрига етиш, берилган имкониятлардан тўғри фойдаланиш, кенг дунёқарашни шакллантириш ва келажакда ҳар жиҳатдан имомлик мақомига муносиб бўлишга ҳам ўргатишни алоҳида таъкидладилар.
Ташриф давомида Андижон вилоятида фаолият юритаётган имом-хатиблар мажлиси бўлиб ўтди. Қуръони карим тиловати ва хайрли дуолар ила бошланган йиғилишда Шайх Нуриддин Холиқназар ҳазратлари имом-хатиблик масъулияти, ватан, дин ва халқ равнақи учун хизмат қилиш ҳамда кейинги йилларда диний-маърифий соҳада бўлаётган ўзгаришларнинг қадрига етиш ҳақида сўз юритдилар…
* * *
Bugun, 29 fevral kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Andijon viloyati safari davomida “Sayyid Muhyiddin maxdum” madrasasi faoliyati bilan yaqindan tanishdilar va viloyat imom-xatiblarining navbatdagi yig‘ilishida ishtirok etdilar. Andijon viloyati bosh imom-xatibi Mirzamaqsud domla Alimov mehmonlarga doimiy hamrohlik qildi.
Muftiy hazratlari dastlab pedagog-o‘qituvchilar va talaba yoshlarga yaratilgan shart-sharoitlar hamda yangi barpo etilgan sinf xonalari, majlislar zali, sport zal bilan tanishdilar.
Shayx Nuriddin Xoliqnazar hazratlari bilim yurti mudarrislariga yig‘ilish o‘tkazib, tolibi ilmlarga puxta bilim berish barobarida bugungi ne’matlar qadriga yetish, berilgan imkoniyatlardan to‘g‘ri foydalanish, keng dunyoqarashni shakllantirish va kelajakda har jihatdan imomlik maqomiga munosib bo‘lishga ham o‘rgatishni alohida ta’kidladilar.
Tashrif davomida Andijon viloyatida faoliyat yuritayotgan imom-xatiblar majlisi bo‘lib o‘tdi. Qur’oni karim tilovati va xayrli duolar ila boshlangan yig‘ilishda Shayx Nuriddin Xoliqnazar hazratlari imom-xatiblik mas’uliyati, vatan, din va xalq ravnaqi uchun xizmat qilish hamda keyingi yillarda diniy-ma’rifiy sohada bo‘layotgan o‘zgarishlarning qadriga yetish haqida so‘z yuritdilar…
