Бугун диний соҳа ходимлари олдидаги вазифа ва масъулиятлар талайгина. Улар халқимизнинг ибодатга оид масалаларини ҳал этиш билан бирга, ижтимоий масалаларга жавоб топишда ҳам халққа кўмакчи бўлмоқдалар.
Марғилон шаҳрида фаолият юритаётган имом-хатиблар ҳамда масжид ходимлари иштирокида ўтказилган тадбирда соҳа ходимларининг 2021 йил давомида амалга оширган ишлари таҳлил қилинди. Тадбирда Марғилон шаҳар ҳокими Адҳамжон Зиявутдинов ҳам иштирок этди.
Марғилон шаҳар бош имом-хатиби Абдулфаттоҳ домла Олимов барча имом-хатиблар ва масжид ходимларига халқимизнинг дину диёнатини ошириш, соф Ислом таълимотларни етказиш, масжидларда мўмин-мусулмонларга қулай шарт-шароитларни ҳозирлашда олиб бораётган беминнат хизматлари учун ташаккур билдириб, келгусида ҳам бунданда хайрли ишларни амалга оширишда Аллоҳ тоалодан ёрдам сўраб, ҳақларига дуо қилинди.
Тадбир якунида соҳа ходимларидан 2021 йил давомида фаоллик кўрсатган ҳамда ҳамда фахрий устозларга ташаккурнома ва эсдалик совғалари топширилди.
