Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчиликлардаги бир гуруҳ уламоларнинг Фарғона вилояти ҳудудларидаги аҳоли билан учрашувлари давом этмоқда. Шу йил, 23-июл сешанба куни Муфтий ҳазратлари Қўқон шаҳридаги “Дегрезлик” масжидига бориб, хуфтон намозидан аввал мухлисларга мавъиза қилиб бердилар.
Шайх Нуриддин Холиқназар ҳазратлари йиғилганларга юртимизда диний соҳада олиб борилаётган ўзгаришлар, янги очилган масжид-мадрасалар, Қуръони карим курслари, ҳаж-умра сафарларидаги қулайликларни сўзлаш баробарида ёшларнинг таълим-тарбиясига эътибор бериш, ота-онага хизмат қилиш, бировнинг ҳаққидан қўрқиш, амалларга риё аралаштирмасдан холис Аллоҳ учун қилиш фазилати ҳақида маъруза қилиб бердилар.
Шунингдек, Ўзбекистон мусулмонлари идораси раиси ўринбосари Зайниддин домла Эшонқулов ва бир қатор уламоларимиз Қўқон шаҳридаги марказий масжидларда пешин ва хуфтон намозида муҳим мавзуларда суҳбат қилиб бермоқда.
***
O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiliklardagi bir guruh ulamolarning Farg‘ona viloyati hududlaridagi aholi bilan uchrashuvlari davom etmoqda. Bugun, Muftiy hazratlari Qo‘qon shahridagi “Degrezlik” masjidiga borib, xufton namozidan avval muxlislarga mav’iza qilib berdilar.
Shayx Nuriddin Xoliqnazar hazratlari yig‘ilganlarga yurtimizda diniy sohada olib borilayotgan o‘zgarishlar, yangi ochilgan masjid-madrasalar, Qur’oni karim kurslari, haj-umra safarlaridagi qulayliklarni so‘zlash barobarida yoshlarning ta’lim-tarbiyasiga e’tibor berish, ota-onaga xizmat qilish, birovning haqqidan qo‘rqish, amallarga riyo aralashtirmasdan xolis Alloh uchun qilish fazilati haqida ma’ruza qilib berdilar.
Shuningdek, O‘zbekiston musulmonlari idorasi raisi o‘rinbosari Zayniddin domla Eshonqulov va bir qator ulamolarimiz Qo‘qon shahridagi markaziy masjidlarda peshin va xufton namozida muhim mavzularda suhbat qilib bermoqda.
