Ислом олами уюшмаси Бош котиби ўринбосари, Ислом фиқҳи уюшмаси бош котиби, доктор Абдураҳмон бин Абдуллоҳ ал-Зайд пойтахтимизда бўлиб ўтаётган “Ислом – тинчлик ва эзгулик дини” мавзусидаги нуфузли халқаро конференциянинг яна бир мартабали меҳмонидир.
Доктор Абдураҳмон бин Абдуллоҳ ал-Зайд халқаро анжуман юзасидан ушбу фикрларни билдирди:
– Аллоҳ бутун инсониятни меҳр-оқибат ва тинч-тотув яшашга чақирди. Натижада ислом динининг нури Шарқ ва Ғарб бўйлаб тарқалди. Айниқса, унинг нури ўз илми ва маърифати ила порлашига хизмат қилган юртингиз уламоларини алоҳида таъкидлаб ўтиш лозим.
Мовароуннаҳр буюк уламоларидан ислом илмларининг барча соҳа ва йўналишлари бўйича катта илмий мерос қолдирди. Хусусан, Қуръони каримдан кейин энг ишончли манба бўлган “Саҳиҳи Бухорий” асари муаллифи, Ҳадис илмининг амири Имом Бухорий, “Шамоилул Муҳаммадия” асарини таълиф этган Имом Термизийнинг меросидан бутун Ислом олами фойдаланишини алоҳида эътироф этиш даркор.
Бугунги конференцияга танланган мавзу муқаддас динимиз асл мақсад ва ғояларини акс эттиради. Дарҳақиқат, ислом дини тинчлик ва яхшиликлар, эзгуликлар динидир. Исломни ҳимоя қилиш, дунёда тинчликни ўрнатиш бугунги энг долзарб вазифамиз саналади.
Биз Ислом олами уюшмаси уламолари инсониятни тинчликка чақирамиз. Ушбу конференция ташаббускори Ўзбекистон Республикаси Президенти Шавкат Мирзиёевга миннатдорлик билдираман.
Н.Усмонова,
ЎзА
***
Islom olami uyushmasi Bosh kotibi o‘rinbosari, Islom fiqhi uyushmasi bosh kotibi, doktor Abdurahmon bin Abdulloh al-Zayd poytaxtimizda bo‘lib o‘tayotgan “Islom – tinchlik va ezgulik dini” mavzusidagi nufuzli xalqaro konferensiyaning yana bir martabali mehmonidir.
Doktor Abdurahmon bin Abdulloh al-Zayd xalqaro anjuman yuzasidan ushbu fikrlarni bildirdi:
– Alloh butun insoniyatni mehr-oqibat va tinch-totuv yashashga chaqirdi. Natijada islom dinining nuri Sharq va G‘arb bo‘ylab tarqaldi. Ayniqsa, uning nuri o‘z ilmi va ma’rifati ila porlashiga xizmat qilgan yurtingiz ulamolarini alohida ta’kidlab o‘tish lozim.
Movarounnahr buyuk ulamolaridan islom ilmlarining barcha soha va yo‘nalishlari bo‘yicha katta ilmiy meros qoldirdi. Xususan, Qur’oni karimdan keyin eng ishonchli manba bo‘lgan “Sahihi Buxoriy” asari muallifi, Hadis ilmining amiri Imom Buxoriy, “Shamoilul Muhammadiya” asarini ta’lif etgan Imom Termiziyning merosidan butun Islom olami foydalanishini alohida e’tirof etish darkor.
Bugungi konferensiyaga tanlangan mavzu muqaddas dinimiz asl maqsad va g‘oyalarini aks ettiradi. Darhaqiqat, islom dini tinchlik va yaxshiliklar, ezguliklar dinidir. Islomni himoya qilish, dunyoda tinchlikni o‘rnatish bugungi eng dolzarb vazifamiz sanaladi.
Biz Islom olami uyushmasi ulamolari insoniyatni tinchlikka chaqiramiz. Ushbu konferensiya tashabbuskori O‘zbekiston Respublikasi Prezidenti Shavkat Mirziyoyevga minnatdorlik bildiraman.
N.Usmonova,
O‘zA
