«Ўқитувчи ва мураббийлар куни» арафасида Қўқон шаҳридаги «Амирий» кутубхонасида Қўқон шаҳар бош имом-хатиби Абдумажид домла Исақовнинг «Баҳрул-маҳабба», «Замзам сувининг фазилатлати» ва «Аҳлингизни асранг, азизлар» китоблари тақдимоти бўлиб ўтди. Тақдимотда шаҳар ҳокими Маъруфжон Усмонов, Ўзбекистон мусулмонлари идораси Фарғона вилояти вакиллиги бош муҳтасиби Иқболжон Аҳмадалиев ва бир қатор мутасаддилар иштирок этиб, ўз фикр-мулоҳазалари ва табрикларини изҳор қилдилар.
Тақдимотда сўзга чиққанлар томонидан Абдумажид домланинг дин ва ватан ривожи йўлида амалга ошираётган самарали хизматлари тилга олиниб, халқимизга туҳфа қилинган янги нашрлар ёшларни имон-эътиқодли, ватанга садоқат руҳида тарбиялаш, айниқса, ёш оилалар учун «Аҳлингизни асранг, азизлар» китоби айни вақтида нашр этилганини эътироф этдилар.
Тадбирда якунида Абдумажид домла Исақовга Мустақил Давлатлар Ҳамдўстлиги миқёсида ташкил этилган «Юрт ифтихори» эсдалик нишони топширилиб, устознинг келгуси фаолиятларига муваффақият тиланди.
***
«O‘qituvchi va murabbiylar kuni» arafasida Qo‘qon shahridagi «Amiriy» kutubxonasida Qo‘qon shahar bosh imom-xatibi Abdumajid domla Isaqovning «Bahrul-mahabba», «Zamzam suvining fazilatlati» va «Ahlingizni asrang, azizlar» kitoblari taqdimoti bo‘lib o‘tdi. Taqdimotda shahar hokimi Ma’rufjon Usmonov, O‘zbekiston musulmonlari idorasi Farg‘ona viloyati vakilligi bosh muhtasibi Iqboljon Ahmadaliyev va bir qator mutasaddilar ishtirok etib, o‘z fikr-mulohazalari va tabriklarini izhor qildilar.
Taqdimotda so‘zga chiqqanlar tomonidan Abdumajid domlaning din va vatan rivoji yo‘lida amalga oshirayotgan samarali xizmatlari tilga olinib, xalqimizga tuhfa qilingan yangi nashrlar yoshlarni imon-e’tiqodli, vatanga sadoqat ruhida tarbiyalash, ayniqsa, yosh oilalar uchun «Ahlingizni asrang, azizlar» kitobi ayni vaqtida nashr etilganini e’tirof etdilar.
Tadbirda yakunida Abdumajid domla Isaqovga Mustaqil Davlatlar Hamdo‘stligi miqyosida tashkil etilgan «Yurt iftixori» esdalik nishoni topshirilib, ustozning kelgusi faoliyatlariga muvaffaqiyat tilandi.
