Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
1. Аллоҳ таолонинг ҳузурида дуодан кўра маҳбуб нарса йўқ бўлиб, дуо ибодатнинг мағзи ҳисобланади (Термизий шариф);
2. Дуонинг аввали ва охирида Аллоҳ таолога ҳамду сано ва икки олам сарвари Набий соллаллоҳу алайҳи васалламга дуруд юбориш маснундир. «Фазоилу дуруди шариф» номли китобда дуонинг ўртасида ҳам дуруд ўқиш суннат дейилган;
3. Дуонинг қабул бўлишига аниқ ишониб, бутун диққат-эътиборни Аллоҳ таолога қаратиб дуо қилиш лозим;
4. Дуода киши ўзининг хокисорлиги, тавозуъси ва ожизлигини намоён қилиши лозим;
5. Ғафлатда, эътиборсизлик билан қилинган дуо қабул бўлмайди. Шунинг учун қисқа, кенг қамровли дуо қилиш лозим;
6. Ҳарами шариф ва махсус жойларда қилинган дуолар мақбулиятга яқин бўлади;
7. Ҳожи ва умра қилувчиларнинг дуолари Аллоҳ таолонинг ҳузурида қабулга яқинроқдир. Ҳадисда «Ҳожилар мағфират қилинадилар. Шундай экан, гуноҳлари мағфират қилинган ҳожилар бошқаларнинг ҳам мағфират қилинишини сўраб дуо қилсинлар», дейилган;
8. Арабий лафзда нақл қилинган дуоларни ёдламаган киши махсус жойларда китобга қараб дуо ўқиши мумкин;
9. Араб тилида нақл қилинган дуоларни китобга қараб ўқишга қийналган киши дилидаги муродларини ўз тилида сўраши мумкин.
***
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
1. Alloh taoloning huzurida duodan ko‘ra mahbub narsa yo‘q bo‘lib, duo ibodatning mag‘zi hisoblanadi (Termiziy sharif);
2. Duoning avvali va oxirida Alloh taologa hamdu sano va ikki olam sarvari Nabiy sollallohu alayhi vasallamga durud yuborish masnundir. «Fazoilu durudi sharif» nomli kitobda duoning o‘rtasida ham durud o‘qish sunnat deyilgan;
3. Duoning qabul bo‘lishiga aniq ishonib, butun diqqat-e’tiborni Alloh taologa qaratib duo qilish lozim;
4. Duoda kishi o‘zining xokisorligi, tavozu’si va ojizligini namoyon qilishi lozim;
5. G‘aflatda, e’tiborsizlik bilan qilingan duo qabul bo‘lmaydi. Shuning uchun qisqa, keng qamrovli duo qilish lozim;
6. Harami sharif va maxsus joylarda qilingan duolar maqbuliyatga yaqin bo‘ladi;
7. Hoji va umra qiluvchilarning duolari Alloh taoloning huzurida qabulga yaqinroqdir. Hadisda «Hojilar mag‘firat qilinadilar. Shunday ekan, gunohlari mag‘firat qilingan hojilar boshqalarning ham mag‘firat qilinishini so‘rab duo qilsinlar», deyilgan;
8. Arabiy lafzda naql qilingan duolarni yodlamagan kishi maxsus joylarda kitobga qarab duo o‘qishi mumkin;
9. Arab tilida naql qilingan duolarni kitobga qarab o‘qishga qiynalgan kishi dilidagi murodlarini o‘z tilida so‘rashi mumkin.
