«Ўқитувчи ва мураббийлар куни» муносабати билан Фарғона вилоятида кўп йиллар давомида диний-маърифий соҳада самарали меҳнат қилиб, ёш авлод тарбияси ва жамоат маънавияти юксалишига муносиб ҳисса қўшган фахрий устозларни зиёрат қилиш анъанаси давом эттирилди.
Шу муносабат билан Фарғона вилояти бош имом-хатиби ўринбосари Алишер домла Наимов узоқ йиллар давомида имом-хатиблик фаолиятини олиб борган, эл-юрт орасида ҳурмат-эътибор қозонган фахрий имом Абдували домла Ҳафизовни зиёрат қилди.
Зиёрат давомида устознинг кўп йиллик меҳнат фаолияти, диний-маърифий соҳада амалга оширган хайрли ишлари ва шогирдлар тарбиясига қўшган ҳиссаси ҳақида самимий суҳбатлашилди. Фахрий устознинг ҳаётий тажрибаси, босиб ўтган йўли ва ёшларга берган сабоқлари бугунги авлод учун ҳам ибрат экани таъкидланди.
Шунингдек, «Вақф» хайрия жамоат фонди Фарғона филиали мутасаддилари томонидан ҳам вилоятда узоқ йиллар давомида дин ва Ватан равнақи йўлида хизмат қилган бир қатор фахрий устозлар зиёрат қилинди.
Зиёратлар якунида фахрий устозларнинг дуолари олиниб, юртимиз тинчлиги, халқимиз фаровонлиги, юртдошларимиз ўртасида меҳр-оқибат ва ҳамжиҳатлик янада мустаҳкам бўлиши сўраб дуолар қилинди.
***
«O‘qituvchi va murabbiylar kuni» munosabati bilan Farg‘ona viloyatida ko‘p yillar davomida diniy-maʼrifiy sohada samarali mehnat qilib, yosh avlod tarbiyasi va jamoat maʼnaviyati yuksalishiga munosib hissa qo‘shgan faxriy ustozlarni ziyorat qilish anʼanasi davom ettirildi.
Shu munosabat bilan Farg‘ona viloyati bosh imom-xatibi o‘rinbosari Alisher domla Naimov uzoq yillar davomida imom-xatiblik faoliyatini olib borgan, el-yurt orasida hurmat-eʼtibor qozongan faxriy imom Abduvali domla Hafizovni ziyorat qildi.
Ziyorat davomida ustozning ko‘p yillik mehnat faoliyati, diniy-maʼrifiy sohada amalga oshirgan xayrli ishlari va shogirdlar tarbiyasiga qo‘shgan hissasi haqida samimiy suhbatlashildi. Faxriy ustozning hayotiy tajribasi, bosib o‘tgan yo‘li va yoshlarga bergan saboqlari bugungi avlod uchun ham ibrat ekani taʼkidlandi.
Shuningdek, «Vaqf» xayriya jamoat fondi Farg‘ona filiali mutasaddilari tomonidan ham viloyatda uzoq yillar davomida din va Vatan ravnaqi yo‘lida xizmat qilgan bir qator faxriy ustozlar ziyorat qilindi.
Ziyoratlar yakunida faxriy ustozlarning duolari olinib, yurtimiz tinchligi, xalqimiz farovonligi, yurtdoshlarimiz o‘rtasida mehr-oqibat va hamjihatlik yanada mustahkam bo‘lishi so‘rab duolar qilindi.
