Тошкент ислом институти қошида фаолият юритаётган Фарғона вилояти Қўқон шаҳридаги “Қуръони карим ва тажвид” ўқув курсининг илк битирувчилари иштирокида раҳбарлар билан учрашув бўлиб ўтди.
Учрашувда Тошкент ислом институти ректори Уйғун домла Ғафуров, Қўқон шаҳар бош имом хатиби Абдулмажид домла Исақов ҳамда “Қуръони карим ва тажвид” ўқув курси бўлими бошлиғи Аҳмадхон қори Рашидов иштирок этдилар.
Тадбирда битирувчиларни қутлаб, уларга Қуръони каримни ўрганиш ва уни ҳаётларига татбиқ этишда муваффақиятлар тилаб ўтилди.
Шунингдек, Қуръон курси ривожига муносиб ҳисса қўшаётган Қўқон шаҳри бош имом-хатиби А.Исақов, ўқув курси устоз ва ходимларига институт номидан ташаккурнома ва эсдалик совғалари топширилди.
Тадбир сўнгида, ўқув курсини муваффақиятли тамомлаган илк тингловчиларга сертификатлар тантанали равишда тақдим этилди.
Сўнг юртимиз тинчлиги ва осойишталиги, халқимиз фаровонлиги ҳамда ёш авлоднинг маънан етук ва комил инсонлар бўлиб вояга етиши тилаб дуо қилинди.
***
Toshkent islom instituti qoshida faoliyat yuritayotgan Farg‘ona viloyati Qo‘qon shahridagi “Qurʼoni karim va tajvid” o‘quv kursining ilk bitiruvchilari ishtirokida rahbarlar bilan uchrashuv bo‘lib o‘tdi.
Uchrashuvda Toshkent islom instituti rektori Uyg‘un domla G‘afurov, Qo‘qon shahar bosh imom xatibi Abdulmajid domla Isaqov hamda “Qurʼoni karim va tajvid” o‘quv kursi bo‘limi boshlig‘i Ahmadxon qori Rashidov ishtirok etdilar.
Tadbirda bitiruvchilarni qutlab, ularga Qurʼoni karimni o‘rganish va uni hayotlariga tatbiq etishda muvaffaqiyatlar tilab o‘tildi.
Shuningdek, Qurʼon kursi rivojiga munosib hissa qo‘shayotgan Qo‘qon shahri bosh imom-xatibi A.Isaqov, o‘quv kursi ustoz va xodimlariga institut nomidan tashakkurnoma va esdalik sovg‘alari topshirildi.
Tadbir so‘ngida, o‘quv kursini muvaffaqiyatli tamomlagan ilk tinglovchilarga sertifikatlar tantanali ravishda taqdim etildi.
So‘ng yurtimiz tinchligi va osoyishtaligi, xalqimiz farovonligi hamda yosh avlodning maʼnan yetuk va komil insonlar bo‘lib voyaga yetishi tilab duo qilindi.
