Бугун, 9 апрель куни Фарғона вилояти вакиллиги мажлислар залида «Ҳаж – 2025» мавсумида зиёратга борувчи гуруҳ раҳбарлари иштирокида семинар ташкил этилди. Унда ҳаж амалларини бажаришда гуруҳ раҳбарларига юклатилган вазифаларни белгилаб олиш, зиёратчилар билан олиб борилаётган ўқув машғулотлари самарадорлигини ошириш ҳамда Ҳаж мавсумида эътибор қилиш зарур бўлган жиҳатлар муҳокама қилинди.
Семинарнинг асосий мақсади, ҳажга борувчи зиёратчиларнинг маънавий ва руҳий тайёргарлигини ошириш, уларнинг ҳаж амалларини тўғри бажаришини таъминлашдан иборат. Шунингдек, гуруҳ раҳбарларига юклатилган вазифаларни аниқлаш ва уларнинг масъулиятини ошириш ҳам семинарнинг муҳим жиҳатларидан бири бўлди.
Гуруҳ раҳбарлари зиёратчилар билан мунтазам равишда мулоқот қилиб, маънавий қўллаб-қувватлашни таъминлашлари, бу эса ўз навбатида, зиёратчиларнинг ҳаж амалларини тўла-тўкис бажаришида муҳим аҳамият касб этиши таъкидланди.
***
Bugun, 9 aprel kuni Farg‘ona viloyati vakilligi majlislar zalida «Haj – 2025» mavsumida ziyoratga boruvchi guruh rahbarlari ishtirokida seminar tashkil etildi. Unda haj amallarini bajarishda guruh rahbarlariga yuklatilgan vazifalarni belgilab olish, ziyoratchilar bilan olib borilayotgan o‘quv mashg‘ulotlari samaradorligini oshirish hamda Haj mavsumida e’tibor qilish zarur bo‘lgan jihatlar muhokama qilindi.
Seminarning asosiy maqsadi, hajga boruvchi ziyoratchilarning ma’naviy va ruhiy tayyorgarligini oshirish, ularning haj amallarini to‘g‘ri bajarishini ta’minlashdan iborat. Shuningdek, guruh rahbarlariga yuklatilgan vazifalarni aniqlash va ularning mas’uliyatini oshirish ham seminarning muhim jihatlaridan biri bo‘ldi.
Guruh rahbarlari ziyoratchilar bilan muntazam ravishda muloqot qilib, ma’naviy qo‘llab-quvvatlashni ta’minlashlari, bu esa o‘z navbatida, ziyoratchilarning haj amallarini to‘la-to‘kis bajarishida muhim ahamiyat kasb etishi ta’kidlandi.
