Бугун, 24 апрель куни Тошкент ислом институтида “Ислом дини асл манбаларини талқин қилишдаги ёндашувлар: муаммо ва ечимлар” мавзусидаги халқаро анжуман бошланди.
Нуфузли анжуманда диний соҳа раҳбарлари, хорижлик уламолар билан бир қаторда юртимиз олимлари, профессор-ўқитувчилари, тадқиқотчилар, таниқли устоз ва имом-хатиблар, талаба-ёшлар ва оммавий ахборот вакиллари иштирок этмоқда.
Икки шўъбага бўлинган ҳолда ўтказиладиган илмий-амалий йиғилишда “Ёш авлодни тарбиялашда Қуръони каримнинг аҳамияти”, «Ислом дини манбаларида Ватан ҳимояси, Имом Бухорий», «Ҳаким Термизийнинг тафсир илми ривожида тутган ўрни», «Бузғунчи оқимлар томонидан Қуръони карим оятларини нотўғри талқин қилиниши» каби йигирмадан зиёд муҳим мавзулардаги маърузалар тингланади ва муҳокама қилинади.
Мазкур халқаро анжуман ишига доир тафсилотларни ижтимоий тармоқларимиз орқали кузатиб боринг.
* * *
Bugun, 24 aprel kuni Toshkent islom institutida “Islom dini asl manbalarini talqin qilishdagi yondashuvlar: muammo va yechimlar” mavzusidagi xalqaro anjuman boshlandi.
Nufuzli anjumanda diniy soha rahbarlari, xorijlik ulamolar bilan bir qatorda yurtimiz olimlari, professor-o‘qituvchilari, tadqiqotchilar, taniqli ustoz va imom-xatiblar, talaba-yoshlar va ommaviy axborot vakillari ishtirok etmoqda.
Ikki sho‘baga bo‘lingan holda o‘tkaziladigan ilmiy-amaliy yig‘ilishda “Yosh avlodni tarbiyalashda Qur’oni karimning ahamiyati”, «Islom dini manbalarida Vatan himoyasi, Imom Buxoriy», «Hakim Termiziyning tafsir ilmi rivojida tutgan o‘rni», «Buzg‘unchi oqimlar tomonidan Qur’oni karim oyatlarini noto‘g‘ri talqin qilinishi» kabi yigirmadan ziyod muhim mavzulardagi ma’ruzalar tinglanadi va muhokama qilinadi.
Mazkur xalqaro anjuman ishiga doir tafsilotlarni ijtimoiy tarmoqlarimiz orqali kuzatib boring.
