Бугун, 22 сентябрь куни Фарғона вилояти бош имом-хатиби Убайдуллоҳ домла Абдуллаев Ёзёвон тумани «Билол ибн Рабоҳ» жоме масжидига ташриф буюрди. Жамоат билан аср намозини адо этилгач, намозхонлар билан учрашиб, суҳбат қурилди.
Унда ташкилий масала ҳам кўрилди. Шу кунга қадар Ёзёвон тумани «Билол ибн Рабоҳ» масжиди ҳамда туман бош имом-хатиби бўлиб ишлаб келган Абдуҳалим Тўхлиев ўз хоҳишига кўра вазифасидан озод этилди.
Марғилон шаҳридаги «Хонақоҳ» масжиди имом-ноиби вазифасида хизмат қилиб келган Комилжон Султонов Ёзёвон тумани «Билол ибн Рабоҳ» жоме масжиди ҳамда туман бош имом-хатиби этиб тайинланди. Бу ҳақда қабул қилинган буйруқ жамоатга ўқиб эшиттирилди ҳамда Комилжон домла Султоновнинг келгусидаги фаолиятига муваффақият тилаб дуо қилинди.
Аввалроқ, Тошлоқ туманига бош имом-хатиб тайинлангани ҳақида хабар берилган эди.
