Олтиариқ туманининг бир гуруҳ нуронийлари ва меҳнат фахрийлари Файзиобод қишлоғидаги «Оқмозор ота» қабристонига савобли иш қилиш учун йиғилдилар. Туман ҳокими Шамсиддин Турдалиев, Фарғона вилояти бош имом-хатиби Убайдуллоҳ ҳожи Абдуллаевлар Президентимиз томонидан олға сурилган «Яшил макон» умуммиллий лойиҳасининг мақсад ва вазифалари ҳақида тушунча берди.
Ўтганлар ҳаққига Қуръон тиловат қилинди. Туман бош имом-хатиби Бахтиёржон Шерматов ҳудуднинг манзарасини яхшилаш мақсадида захирадаги 28 гектар ер атрофига экиш учун 1000 тупдан ортиқ «Павлония» дарахтлари келтирилганини айтди. Тадбир иштирокчиларининг ҳаммаси ўз қўллари билан кўчат экишга киришиб кетдилар.
– Биз бошлаб берган бу савобли ишни фарзандларимиз ва невараларимиз давом эттирадилар, деб ишонамиз, – дейишди туман нуронийлари.
Шамсиддин ҚОРАБОЕВ
