Бугун, 9 май куни вилоят бош имом-хатиби Убайдуллоҳ домла Абдуллаев Қўштепа туманига ташриф буюрди. Ташриф давомида имом-хатиблар томонидан амалга оширилаётган ишлар ўрганилди. Жумладан, тумандаги «Эшонгузар» масжидида имом-хатиблар иштирокида бўлиб ўтган учрашувда ўтган ҳафта мобайнида қилинган ишлар таҳлил қилиниб, амалга оширилиши режалаштирилаётган ишлар муҳокама қилинди ҳамда «Эшонгузар» масжиди олиб борилаётган ободончилик ишлари билан танишилди.
Шунингдек, ташриф давомида тумандаги «Қорашбува» масжидида амалга оширилаётган қурилиш ишлари кўздан кечирилди. Айни вақтда «Қорашбува» масжиди қайта қурилаётган бўлиб, ҳозирда пардозлаш ва жиҳозлаш ишлари амалга оширилмоқда. Қурилиш ишларида бош бўлаётган, хусусан, имом-хатиб ва қурилишга ҳисса қўшган мўминлар ҳаққига дуо қилинди.
