Ўзбекистон мусулмонлари идораси раиси, муфтий Нуриддин домла ҳазратлари шу йил, 13 апрель куни хатми Қуръон ва таровеҳ намозини жамоат билан адо этиш, намозхонларга мавъиза қилиш учун Қувасой шаҳридаги «Ислом» жоме масжидига ташриф буюрдилар.
Муфтий ҳазратлари суҳбат аввалида Юртбошимизнинг мўмин-мусулмонларга йўллаган салом ва Рамазон табрикларини етказиш билан бирга намозхонларга ўзларининг ҳам хайрли дуо ва тилакларини билдирдилар.
Мазмунли суҳбат чоғида Муфтий ҳазратлари “Нажот нимада…” мавзусида манфаатли мавъиза қилиб бердилар.
Якунда Ҳақ таолодан Рамазон ойини мўмин-мусулмон халқимизга манфаатли қилишини, юртимиз ва бутун дунё тинчлиги, элимиз фаровонлигини сўраб хайрли дуолар қилинди.
