Шу йил 1 май куни Ўзбекистон мусулмонлари идораси раиси, муфтий Нуриддин домла ҳазратлари Туркия парламентининг “Туркия – Ўзбекистон” парламентлараро гуруҳи раиси, депутат Осман Местенни қабул қилдилар. Мулоқотда икки давлат ўртасидаги ҳамкорлик йилдан-йилга равнақ топаётгани, икки юрт раҳбарларининг дўстона алоқалари турли йўналишлардаги муносабатларга замин бўлаётгани таъкидланди.
Осман Местен Ўзбекистон замини туркияликларнинг ота юрти экани, ўзининг ажодлари ҳам асли бухоролик бўлгани, Мовароуннаҳр нафақат осори атиқалари ила балки қадимдан маданият ва маърифат ўчоғи экани билан ҳам шуҳрат қозонганини эътироф этди. Туркия томони муфтий Нуриддин домла ҳазратларини келгусида ҳамкорлик алоқаларини янада ривожлантириш учун Туркияга таклиф қилди.
Учрашувда мамлакатимиздаги референдум халқаро талабларга мувофиқ ўтказилгани, эмин-эркин овоз берилгани, одамлар учун зарур шароитлар яратилгани ва халқимиз уюшқоқлик билан тарихий жараёнда иштирок этгани қувонарли ҳол экани қайд этилди.
Муфтий ҳазрат туркиялик депутатни қабул қилдилар
Сўнгги мақолалар
