Янги Ўзбекистонда миллий ва диний қадриятларни сақлаш, аҳолининг маънавий эҳтиёжларини таъминлашга алоҳида эътибор қаратилмоқда. Айниқса, масжидларни ободонлаштириш, мўмин-мусулмонлар учун қулай шарт-шароитларга эга ибодат муҳитини яратиш бўйича кенг кўламли ишлар амалга оширилмоқда.
Марғилон шаҳри Ёйилма маҳалласида жойлашган “Саҳоба Зайд ибн Ҳориса” масжиди ҳам бу борадаги саъй-ҳаракатларнинг яққол намунасидир. Ҳозирда ушбу масжидда қайта қуриш ишлари олиб борилаётган бўлиб, масжиднинг янги биносига ғишт қўйилди.
Тадбирда иштирок этган уламолар, имом-хатиблар, маҳалла фаоллари ва зиёлилар юртимизда диний-маърифий соҳада амалга оширилаётган ислоҳотлар ҳақида тўхталиб ўтишди. Масжид қурилишида хизмат олиб бораётган усталар, ҳашарга қатнашаётган фуқаролар ҳамда моддий ва маънавий кўмак кўрсатаётган барча саховатпеша юртдошлар ҳақига дуолар қилинди.
Айни пайтда мазкур масжиднинг янги биноси лойиҳа асосида замонавий талабларга мос ҳолда барпо этилиши, ибодат учун барча шароитлар ҳамда техник талабларни ўз ичига олган ҳолда бунёд этилиши кўзда тутилган.
***
Yangi O‘zbekistonda milliy va diniy qadriyatlarni saqlash, aholining ma’naviy ehtiyojlarini ta’minlashga alohida e’tibor qaratilmoqda. Ayniqsa, masjidlarni obodonlashtirish, mo‘min-musulmonlar uchun qulay shart-sharoitlarga ega ibodat muhitini yaratish bo‘yicha keng ko‘lamli ishlar amalga oshirilmoqda.
Marg‘ilon shahri Yoyilma mahallasida joylashgan “Sahoba Zayd ibn Horisa” masjidi ham bu boradagi sa’y-harakatlarning yaqqol namunasidir. Hozirda ushbu masjidda qayta qurish ishlari olib borilayotgan bo‘lib, masjidning yangi binosiga g‘isht qo‘yildi.
Tadbirda ishtirok etgan ulamolar, imom-xatiblar, mahalla faollari va ziyolilar yurtimizda diniy-ma’rifiy sohada amalga oshirilayotgan islohotlar haqida to‘xtalib o‘tishdi. Masjid qurilishida xizmat olib borayotgan ustalar, hasharga qatnashayotgan fuqarolar hamda moddiy va ma’naviy ko‘mak ko‘rsatayotgan barcha saxovatpesha yurtdoshlar haqiga duolar qilindi.
Ayni paytda mazkur masjidning yangi binosi loyiha asosida zamonaviy talablarga mos holda barpo etilishi, ibodat uchun barcha sharoitlar hamda texnik talablarni o‘z ichiga olgan holda bunyod etilishi ko‘zda tutilgan.
