Бухоро вилояти Мир Араб олий мадрасасида республикада фаолият олиб бораётган Қорақалпоғистон Республикаси, Тошкент шаҳри, вилоятлар ва туман/шаҳар Бош имом-хатиблари учун “Аҳоли радикаллашувининг олдини олишдаги долзарб масалалар” йўналишида малака ошириш ўқувлари якунланди.
Малака ошириш ўқувларининг якуний маросимида Президент Администрацияси ва Ўзбекистон Халқаро ислом академияси ҳузуридаги Малака ошириш маркази масъул вакиллари ҳамда 220 нафарга яқин Бош имом-хатиблар иштирок этишди.
Тадбирда сўзга чиқган Президент администрацияси масъул ходими Иргаш Даминов малака ошириш ўқувларини тамомлаган битирувчиларни муваффақиятли тамомлаганликлари билан муборакбод этиб, уларни илм олишда бардавом бўлишга чақирди ҳамда халқимиз учун беминнат хизматларини юксак эътироф этди.
Малака ошириш ўқувларини тамомлаган битирувчилар сертификат ва эсдалик совғалари билан тақдирландилар.
