Юртимизда жорий йил 16−18 март кунлари умумхалқ хайрия ҳашари ўтказилиши белгиланган эди. Бугун эрта тонгдан маҳаллалар, аҳоли турар жойлари, шунингдек, масжиду зиёратгоҳлар ва қабристонларни ободонлаштириш ишлари бошланди.
Вилоятимизнинг барча масжидлари, зиёратгоҳ ва қабристонларида ҳам умумхалқ хайрия ҳашари кўтаринки кайфиятда бошланди. Бу масканларда ободонлаштириш ва кўкаламзорлаштириш ишларини қизғин равишда олиб борилмоқда. Олиб борилаётган хайрия ҳашарида вилоятдаги қабристон ва зиёратгоҳлар тозаланиб, махсус техникаларни жалб қилган ҳолда чиқиндилар чиқариб ташланмоқда. Мевали ва манзарали дарахтлар оқланиб, шакл берилаётир. Шунингдек, йўлаклар ҳамда майдонлар ободонлаштирилиб, манзарали дарахт ва мавсумий гул кўчатлари ўтказиляпти.
Дарҳақиқат, поклик иймоннинг ярми ҳамда файзу барака омили, буни чуқур англаган ҳар бир иймон соҳиби ўзи яшаб турган маскани, жамоатчилик жойлари, ибодатгоҳ ва зиёратгоҳларини, ҳатто кўз илғамас жойларни ҳам пок тутишга интилади. Халқимиз қадриятига айланиб улгурган ҳашар ана шундай эзгу ва хайрли ишларни ўзида мужассам қилгандир.
Жойларда умумхалқ хайрия ҳашари давом этмоқда.
***
Yurtimizda joriy yil 16−18 mart kunlari umumxalq xayriya hashari o‘tkazilishi belgilangan edi. Bugun erta tongdan mahallalar, aholi turar joylari, shuningdek, masjidu ziyoratgohlar va qabristonlarni obodonlashtirish ishlari boshlandi.
Viloyatimizning barcha masjidlari, ziyoratgoh va qabristonlarida ham umumxalq xayriya hashari ko‘tarinki kayfiyatda boshlandi. Bu maskanlarda obodonlashtirish va ko‘kalamzorlashtirish ishlarini qizg‘in ravishda olib borilmoqda. Olib borilayotgan xayriya hasharida viloyatdagi qabriston va ziyoratgohlar tozalanib, maxsus texnikalarni jalb qilgan holda chiqindilar chiqarib tashlanmoqda. Mevali va manzarali daraxtlar oqlanib, shakl berilayotir. Shuningdek, yo‘laklar hamda maydonlar obodonlashtirilib, manzarali daraxt va mavsumiy gul ko‘chatlari o‘tkazilyapti.
Darhaqiqat, poklik iymonning yarmi hamda fayzu baraka omili, buni chuqur anglagan har bir iymon sohibi o‘zi yashab turgan maskani, jamoatchilik joylari, ibodatgoh va ziyoratgohlarini, hatto ko‘z ilg‘amas joylarni ham pok tutishga intiladi. Xalqimiz qadriyatiga aylanib ulgurgan hashar ana shunday ezgu va xayrli ishlarni o‘zida mujassam qilgandir.
Joylarda umumxalq xayriya hashari davom etmoqda.
