Фурқат тумани отинойилари томонидан “Ватан учун, миллат учун, халқ учун” шиори остида “Тўйларимиз ҳақида ўйларимиз” номли кўргазмали семинар ўтказилди.
Тадбир давомида миллий анъаналаримиз ва қадриятларимиз намойиш этилди. Айниқса, ҳозирги кунда айрим тўйларимизда учраётган дабдабабозлик, ортиқча исроф ва маънавий тартибдан узоқлашиш ҳолатлари саҳна кўринишлари орқали очиб берилди. Бу кўринишлар иштирокчиларни чуқур ўйга солиб, маънавий хулоса чиқаришга ундади.
Семинарда истеъдодли отинойилар томонидан ижро этилган ибратли шеърлар ва маънавий тарбиявий мазмундаги чиқишлар тадбирга кўтаринки руҳ бахш этди. Шу билан бирга, миллий урф-одатларимизга мос, мазмунли ва оддий тўйлар ўтказиш бўйича амалий таклифлар илгари сурилди.
Тадбирда вилоятдан ташриф буюрган масъуллар ҳам иштирок этиб, отинойиларнинг ташаббусини қўллаб-қувватладилар. Якунда фаол иштирок этган отинойиларга ташаккурномалар топширилди.
Бу каби маънавий-маърифий тадбирлар юртимизда миллий қадриятларни асраб-авайлаш, исроф ва дабдабадан йироқ, соф маънавиятли ҳаёт тарзини қарор топтиришда муҳим аҳамият касб этади.
***
Furqat tumani otinoyilari tomonidan “Vatan uchun, millat uchun, xalq uchun” shiori ostida “To‘ylarimiz haqida o‘ylarimiz” nomli ko‘rgazmali seminar o‘tkazildi.
Tadbir davomida milliy an’analarimiz va qadriyatlarimiz namoyish etildi. Ayniqsa, hozirgi kunda ayrim to‘ylarimizda uchrayotgan dabdababozlik, ortiqcha isrof va ma’naviy tartibdan uzoqlashish holatlari sahna ko‘rinishlari orqali ochib berildi. Bu ko‘rinishlar ishtirokchilarni chuqur o‘yga solib, ma’naviy xulosa chiqarishga undadi.
Seminarda iste’dodli otinoyilar tomonidan ijro etilgan ibratli she’rlar va ma’naviy tarbiyaviy mazmundagi chiqishlar tadbirga ko‘tarinki ruh baxsh etdi. Shu bilan birga, milliy urf-odatlarimizga mos, mazmunli va oddiy to‘ylar o‘tkazish bo‘yicha amaliy takliflar ilgari surildi.
Tadbirda viloyatdan tashrif buyurgan mas’ullar ham ishtirok etib, otinoyilarning tashabbusini qo‘llab-quvvatladilar. Yakunda faol ishtirok etgan otinoyilarga tashakkurnomalar topshirildi.
Bu kabi ma’naviy-ma’rifiy tadbirlar yurtimizda milliy qadriyatlarni asrab-avaylash, isrof va dabdabadan yiroq, sof ma’naviyatli hayot tarzini qaror toptirishda muhim ahamiyat kasb etadi.
