Вилоят ҳокими Хайрулло Бозоров, Ўзбекистон Республикасининг Саудия Арабистонидаги Фавқулодда ва мухтор элчиси Улуғбек Мақсудов билан учрашди.
Мулоқотда Фарғона вилояти билан Саудия Арабистони ўртасида икки томонлама манфаатли инвестицион ва савдо-иқтисодий муносабатларни чуқурлаштириш учун муҳим салоҳиятга эга устувор йўналишлар муҳокама қилинди.
Фарғона вилоятида Саудия Арабистони сармояси иштирокида қўшма лойиҳаларни амалга ошириш, вилоятда етиштирилган қишлоқ хўжалиги маҳсулотларини Риштон кулолчилик маҳсулотлари ҳамда Марғилон атлас ва адрасларини Арабистон бозорига экспорт қилиш, логистика, туризм каби қатор йўналишларда ҳамкорлик истиқболлари каби масалалар учрашув кун тартибидан ўрин олди.
Шунингдек, таълим соҳасида Саудия Арабистонидаги Энергетика ва сув институти билан ҳамкорлик қилиш борасида келишиб олинди.
Юқорида белгиланган мақсадларни амалга ошириш учун икки томонлама ишчи гуруҳ тузиш ҳамда икки мамлакат ишбилармонлари иштирокида бизнес-форумлар ташкил этишга қарор қилинди.
