«Шамсуддинхон Бобохонов» нашриёти жамоаси Ўзбекистон мусулмонлари идорасининг «Ҳидоят» ва «Мўминалар» журнали ҳамда «Ислом нури» нашрларини халқ орасида кенг тарғиб қилишга муносиб ҳисса қўшган бир гуруҳ имомларни тақдирлади.
Фарғона вилояти вакиллигида ўтказилган тадбирда вилоят бош имом-хатиби Убайдуллоҳ домла Абдуллаев, бош имом-хатиб ўринбосари Алишер домла Наимовлар иштирок этиб, эътибор ва эътирофга муносиб кўрилган имомларни қутладилар ҳамда нашриётнинг совғаларини топширдилар.
