Фарғона вилоятида диний ташкилотлар профессионал ходимлари ўртасида соғлом турмуш тарзини тарғиб қилиш, жамоавий ҳамжиҳатлик ва дўстликни мустаҳкамлаш мақсадида спортнинг мини-футбол тури бўйича «Вилоят ҳокими кубоги» мусобақасига старт берилди.
Бугун мазкур мусобақанинг очилиш маросими кўтаринкилик билан ўтди. Тадбирда вилоят ҳокими ўринбосари Б.Кулдашев ва соҳа вакиллари иштирок этдилар.
Тадбирни очиб берган вилоят ҳокими ўринбосари Б.Кулдашев ўз нутқида мазкур мусобақа нафақат спорт, балки соғлом муҳит ва маънавий барқарорликни мустаҳкамлашда муҳим аҳамият касб этишини таъкидлади. Шунингдек, иштирокчиларни фаол бўлишга, соғлом турмуш тарзини ҳаётга татбиқ этишга чорлади.
Мусобақа доирасида вилоят бўйича туман ва шаҳарлардан шакллантирилган жамоалар гуруҳ босқичларида беллашишни бошладилар. Ушбу босқичларда жамоалар ўзаро куч синаб, финалга чиқиш имкони учун майдонда тўп сурдилар.
Мусобақа ғолиблари ва фаол иштирокчилар Вилоят ҳокимлигининг қимматбаҳо совғалари билан тақдирланадилар.
***
Farg‘ona viloyatida diniy tashkilotlar professional xodimlari o‘rtasida sog‘lom turmush tarzini targ‘ib qilish, jamoaviy hamjihatlik va do‘stlikni mustahkamlash maqsadida sportning mini-futbol turi bo‘yicha «Viloyat hokimi kubogi» musobaqasiga start berildi.
Bugun mazkur musobaqaning ochilish marosimi ko‘tarinkilik bilan o‘tdi. Tadbirda viloyat hokimi o‘rinbosari B.Kuldashev va soha vakillari ishtirok etdilar.
Tadbirni ochib bergan viloyat hokimi o‘rinbosari B.Kuldashev o‘z nutqida mazkur musobaqa nafaqat sport, balki sog‘lom muhit va ma’naviy barqarorlikni mustahkamlashda muhim ahamiyat kasb etishini ta’kidladi. Shuningdek, ishtirokchilarni faol bo‘lishga, sog‘lom turmush tarzini hayotga tatbiq etishga chorladi.
Musobaqa doirasida viloyat bo‘yicha tuman va shaharlardan shakllantirilgan jamoalar guruh bosqichlarida bellashishni boshladilar. Ushbu bosqichlarda jamoalar o‘zaro kuch sinab, finalga chiqish imkoni uchun maydonda to‘p surdilar.
Musobaqa g‘oliblari va faol ishtirokchilar Viloyat hokimligining qimmatbaho sovg‘alari bilan taqdirlanadilar.
