Жорий йил, 17 ноябрь куни Ўзбекистондаги Ислом цивилизацияси марказида «Янги Ўзбекистонда диний бағрикенглик» мавзусидаги халқаро илмий-амалий конференция бўлиб ўтди.
Анжуманда UNESCOнинг Ўзбекистондаги ваколатхонаси вакили Бахтиёр Намозов, Дин ишлари бўйича қўмита раисининг биринчи ўринбосари Давронбек Махсудов, Миллатлараро муносабатлар ва хориждаги ватандошлар масалалари бўйича қўмита раиси Қаҳрамон Сариев, Ўзбекистон мусулмонлари идораси раиси ўринбосари Зайниддин домла Эшонқулов қатнашди.
Шунингдек, АҚШ, Швеция, Саудия Арабистони, Россия, Қозоғистон, Германия, Қирғизистон ва Ҳиндистон каби қатор давлатлардан хорижий мутахассислар, дипломатик корпус вакиллари, диншунос-экспертлар, исломшунослар, шунингдек, жамоат ташкилотлари, фуқаролик жамияти институтлари, диний конфессия етакчилари ва миллий маданий марказлар вакиллари, профессор-ўқитувчилар ҳамда талаба ёшлар иштирок этди.
Халқаро тадбир аввалида соҳа раҳбарларининг табриклари иштирокчиларга етказилди. Конференция давомида Зайниддин домла Эшонқулов сўзга чиқиб, анжуман иштирокчиларига Муфтий ҳазратларининг саломларини етказди. Нотиқ ўз маърузасида Ислом динининг моҳиятида бағрикенглик, меҳр-оқибат, адолат ва инсонийлик ғоялари мужассам эканини Қуръони карим оятлари ҳамда ҳадиси шарифлар асосида кенг тушунтириб берди. Шунингдек, юртимиз қадимдан турли миллат ва дин вакиллари тинч-тотув яшаган бағрикенглик маскани эканини таъкидлаб, бугунги кунда ёшларда соғлом диний дунёқараш ва бағрикенглик маданиятини шакллантириш, мутаассиблик ва ёт ғояларга қарши фақат маърифат билан курашиш энг муҳим вазифалардан бири эканига алоҳида эътибор қаратди.
Сўзга чиққан бошқа нотиқлар томонидан динлараро мулоқот ва бағрикенгликни таъминлашда Ўзбекистон ва жаҳон тажрибаси, конфессиялараро ҳамда маданиятлараро ҳамкорликни мустаҳкамлаш, таълим ва маърифатнинг жамиятда тотувлик ва барқарорликни таъминлашдаги муҳим ўрни алоҳида эътироф этилди.
Очилиш маросимидан сўнг конференция ўз ишини учта шўъбада давом эттирди. Ҳар бир шўъбада диний бағрикенглик, ижтимоий барқарорлик, таълим ва маънавий-маърифий жараёнларга оид долзарб мавзулар атрофлича муҳокама қилинди.
***
Joriy yil, 17 noyabr kuni Özbekistondagi Islom sivilizatsiyasi markazida «Yangi Özbekistonda diniy bağrikenglik» mavzusidagi xalqaro ilmiy-amaliy konferensiya bölib ötdi.
Anjumanda UNESCOning Özbekistondagi vakolatxonasi vakili Baxtiyor Namozov, Din işlari böyiça qömita raisining birinçi örinbosari Davronbek Maxsudov, Millatlararo munosabatlar va xorijdagi vatandoşlar masalalari böyiça qömita raisi Qahramon Sariyev, Özbekiston musulmonlari idorasi raisi örinbosari Zayniddin domla Eşonqulov qatnaşdi.
Şuningdek, AQŞ, Şvetsiya, Saudiya Arabistoni, Rossiya, Qozoğiston, Germaniya, Qirğiziston va Hindiston kabi qator davlatlardan xorijiy mutaxassislar, diplomatik korpus vakillari, dinşunos-ekspertlar, islomşunoslar, şuningdek, jamoat taşkilotlari, fuqarolik jamiyati institutlari, diniy konfessiya yetakçilari va milliy madaniy markazlar vakillari, professor-öqituvçilar hamda talaba yoşlar iştirok etdi.
Xalqaro tadbir avvalida soha rahbarlarining tabriklari iştirokçilarga yetkazildi. Konferensiya davomida Zayniddin domla Eşonqulov sözga çiqib, anjuman iştirokçilariga Muftiy hazratlarining salomlarini yetkazdi. Notiq öz ma’ruzasida Islom dinining mohiyatida bağrikenglik, mehr-oqibat, adolat va insoniylik ğoyalari mujassam ekanini Qur’oni karim oyatlari hamda hadisi şariflar asosida keng tuşuntirib berdi. Şuningdek, yurtimiz qadimdan turli millat va din vakillari tinç-totuv yaşagan bağrikenglik maskani ekanini ta’kidlab, bugungi kunda yoşlarda soğlom diniy dunyoqaraş va bağrikenglik madaniyatini şakllantiriş, mutaassiblik va yot ğoyalarga qarşi faqat ma’rifat bilan kuraşiş eng muhim vazifalardan biri ekaniga alohida e’tibor qaratdi.
Sözga çiqqan boşqa notiqlar tomonidan dinlararo muloqot va bağrikenglikni ta’minlaşda Özbekiston va jahon tajribasi, konfessiyalararo hamda madaniyatlararo hamkorlikni mustahkamlaş, ta’lim va ma’rifatning jamiyatda totuvlik va barqarorlikni ta’minlaşdagi muhim örni alohida e’tirof etildi.
Oçiliş marosimidan söng konferensiya öz işini uçta şöbada davom ettirdi. Har bir şöbada diniy bağrikenglik, ijtimoiy barqarorlik, ta’lim va ma’naviy-ma’rifiy jarayonlarga oid dolzarb mavzular atrofliça muhokama qilindi.












