Шу йил, «16 ноябрь – Халқаро бағрикенглик куни» муносабати билан юртимизда миллатлараро дўстлик ва диний тотувликни мустаҳкамлашга муносиб ҳисса қўшаётган бир гуруҳ соҳа вакилларига «Диний бағрикенглик» кўкрак нишони топширилди.
Тантанали маросимда Дин ишлари бўйича қўмита раисининг биринчи ўринбосари Давронбек Махсудов фидойи юртдошларимизга ушбу юксак мукофотларни топшириб, уларнинг келгуси фаолиятига зафарлар тилади.
Қувонарлиси, эътирофга сазовор бўлганлар сафида Ўзбекистон мусулмонлари идораси ва унинг тизимида самарали меҳнат қилаётган Акбаршоҳ Расулов, Неъмат Мусаев, Ҳикматилла Тоштемиров, Ўткирбек Собиров, Дамин Жумақулов, Тоҳир Қурбонов, Дониёр Икрамов, Мунира Абубакирова, ҳамда Турсуной Деҳқонова каби заҳматкаш инсонлар бор.
Тадбирда сўзга чиққан нотиқлар мазкур мукофотнинг таъсис этилиши Давлатимиз раҳбари томонидан диний-маърифий соҳага қаратилаётган юксак эътибор, фуқароларнинг виждон эркинлигини таъминлаш ва маънавий муҳит барқарорлигини сақлаш йўлидаги эзгу ислоҳотларнинг яққол намунаси эканини алоҳида таъкидладилар.
***
Şu yil, «16 noyabr – Xalqaro bağrikenglik kuni» munosabati bilan yurtimizda millatlararo döstlik va diniy totuvlikni mustahkamlaşga munosib hissa qöşayotgan bir guruh soha vakillariga «Diniy bağrikenglik» kökrak nişoni topşirildi.
Tantanali marosimda Din işlari böyiça qömita raisining birinçi örinbosari Davronbek Maxsudov fidoyi yurtdoşlarimizga uşbu yuksak mukofotlarni topşirib, ularning kelgusi faoliyatiga zafarlar tiladi.
Quvonarlisi, e’tirofga sazovor bölganlar safida Özbekiston musulmonlari idorasi va uning tizimida samarali mehnat qilayotgan Akbarşoh Rasulov, Ne’mat Musayev, Hikmatilla Toştemirov, Ötkirbek Sobirov, Damin Jumaqulov, Tohir Qurbonov, Doniyor Ikramov, Munira Abubakirova, hamda Tursunoy Dehqonova kabi zahmatkaş insonlar bor.
Tadbirda sözga çiqqan notiqlar mazkur mukofotning ta’sis etilişi Davlatimiz rahbari tomonidan diniy-ma’rifiy sohaga qaratilayotgan yuksak e’tibor, fuqarolarning vijdon erkinligini ta’minlaş va ma’naviy muhit barqarorligini saqlaş yölidagi ezgu islohotlarning yaqqol namunasi ekanini alohida ta’kidladilar.













