Ўтган ҳафта якунида Фарғона политехника университети мажлислар залида вилоятдаги имом-хатиблар иштирокида йиғилиш бўлиб ўтди. Унда Фарғона вилояти бош имом-хатиби Убайдуллоҳ домла Абдуллаев ҳамда вилоят ҳокими ўринбосари Бурҳонжон Қўлдошев иштирок этдилар.
Йиғилишда имом-хатибларнинг жорий йил биринчи ярим йиллигидаги фаолияти атрофлича таҳлил қилинди. Эришилган натижалар, шунингдек, йўл қўйилган камчиликлар батафсил муҳокама этилди. Келгусида эътибор қаратилиши зарур бўлган устувор йўналишлар белгилаб олинди.
Таъкидланишича, ҳар бир имом ўз устида мунтазам ишлаши, билим ва кўникмаларини ошириши, тажрибали имомлар ёш имомларга маънавий-маърифий, методик ва ташкилий жиҳатдан доимий кўмак беришлари лозимлиги қайд этилди. Айниқса, анклав ва чегара ҳудудларида хизмат олиб бораётган имом-хатибларни қўллаб-қувватлаш муҳим вазифалардан бири экани қайд этилди.
Йиғилишда, шунингдек, ижро интизомига қатъий амал қилиш, масжиддаги ташкилий ишлардан тортиб, жамоа билан мулоқот ва раҳбарликда ҳам ахлоқий ибрат намунаси бўлиш зарурлиги алоҳида таъкидланди.
***
O‘tgan hafta yakunida Farg‘ona politexnika universiteti majlislar zalida viloyatdagi imom-xatiblar ishtirokida yig‘ilish bo‘lib o‘tdi. Unda Farg‘ona viloyati bosh imom-xatibi Ubaydulloh domla Abdullayev hamda viloyat hokimi o‘rinbosari Burhonjon Qo‘ldoshev ishtirok etdilar.
Yig‘ilishda imom-xatiblarning joriy yil birinchi yarim yilligidagi faoliyati atroflicha tahlil qilindi. Erishilgan natijalar, shuningdek, yo‘l qo‘yilgan kamchiliklar batafsil muhokama etildi. Kelgusida e’tibor qaratilishi zarur bo‘lgan ustuvor yo‘nalishlar belgilab olindi.
Ta’kidlanishicha, har bir imom o‘z ustida muntazam ishlashi, bilim va ko‘nikmalarini oshirishi, tajribali imomlar yosh imomlarga ma’naviy-ma’rifiy, metodik va tashkiliy jihatdan doimiy ko‘mak berishlari lozimligi qayd etildi. Ayniqsa, anklav va chegara hududlarida xizmat olib borayotgan imom-xatiblarni qo‘llab-quvvatlash muhim vazifalardan biri ekani qayd etildi.
Yig‘ilishda, shuningdek, ijro intizomiga qat’iy amal qilish, masjiddagi tashkiliy ishlardan tortib, jamoa bilan muloqot va rahbarlikda ham axloqiy ibrat namunasi bo‘lish zarurligi alohida ta’kidlandi.
