Шу кунларда муҳтарам Президентимиз таклифига биноан Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов амалий ташриф билан Самарқанд шаҳрида бўлиб турибди.
Икки мамлакат етакчиларига Ҳазрати Хизр мажмуаси зиёратида Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Туркманистон муфтийси Ялкап ҳожи Ходжагулиев ҳамроҳлик қилдилар.
Куннинг иккинчи ярмида Шайх Нуриддин Холиқназар ҳазратлари қардош халқ муфтийси Ялкап Хожагулиевни кўҳна кентдаги диққатга сазовор жойлар, хусусан, Регистон майдони ва бу гўзал тарихий маскандаги машҳур Тиллакори мадрасаси билан яқиндан таништирдилар.
Муфтий Ялкап Хожагулиев ажойиб зиёрат ва ҳамроҳлик учун миннатдорчилик билдириш асносида илмий-маданий мажмуаларимиз, буюк аждодларимизнинг қолдирган меросидан ҳайратда эканини билдирдилар.
***
Shu kunlarda muhtaram Prezidentimiz taklifiga binoan Turkman xalqining milliy yetakchisi, Turkmaniston Xalq Maslahati Raisi Gurbanguli Berdimuhamedov amaliy tashrif bilan Samarqand shahrida bo‘lib turibdi.
Ikki mamlakat yetakchilariga Hazrati Xizr majmuasi ziyoratida O‘zbekiston musulmonlari idorasi raisi, muftiy Shayx Nuriddin Xoliqnazar hazratlari, Turkmaniston muftiysi Yalkap hoji Xodjaguliyev hamrohlik qildilar.
Kunning ikkinchi yarmida Shayx Nuriddin Xoliqnazar hazratlari qardosh xalq muftiysi Yalkap Xojaguliyevni ko‘hna kentdagi diqqatga sazovor joylar, xususan, Registon maydoni va bu go‘zal tarixiy maskandagi mashhur Tillakori madrasasi bilan yaqindan tanishtirdilar.
Muftiy Yalkap Xojaguliyev ajoyib ziyorat va hamrohlik uchun minnatdorchilik bildirish asnosida ilmiy-madaniy majmualarimiz, buyuk ajdodlarimizning qoldirgan merosidan hayratda ekanini bildirdilar.
