Марғилон шаҳридаги “Наврўз” МФЙ ҳудудида Бурҳониддин Марғиноний илмий-маърифий туризм марказининг қурилишига киришилаётган бўлиб, 35 гектар майдонда замонавий мажмуа барпо этилади.
Айни кунларда Туркия лойиҳалаш компанияси томонидан мастер режа ишлаб чиқилди.Бу ерда Илмий-тадқиқот маркази, Бизнес марказ, миллий меҳмонхоналар, мақом театри, савдо ва хизмат кўрсатиш мажмуалари, бозор ва гастрономия маркази, истироҳат боғи кабилар қурилади.
Вилоят ҳокими Хайрулло Бозоров бугун бу ерда бўлиб, масъулларга қурилиш ишларини бошлаш, ҳар бир лойиҳани пухта ишлаб чиқиш бўйича топшириқлар берди.
Нуронийлар томонидан бошланаётган улкан бунёдкорлик ишларига эзгу тилаклар билдирилиб, дуолар қилинди.
***
Marg‘ilon shahridagi “Navro‘z” MFY hududida Burhoniddin Marg‘inoniy ilmiy-ma’rifiy turizm markazining qurilishiga kirishilayotgan bo‘lib, 35 gektar maydonda zamonaviy majmua barpo etiladi.
Ayni kunlarda Turkiya loyihalash kompaniyasi tomonidan master reja ishlab chiqildi.Bu yerda Ilmiy-tadqiqot markazi, Biznes markaz, milliy mehmonxonalar, maqom teatri, savdo va xizmat ko‘rsatish majmualari, bozor va gastronomiya markazi, istirohat bog‘i kabilar quriladi.
Viloyat hokimi Xayrullo Bozorov bugun bu yerda bo‘lib, mas’ullarga qurilish ishlarini boshlash, har bir loyihani puxta ishlab chiqish bo‘yicha topshiriqlar berdi.
Nuroniylar tomonidan boshlanayotgan ulkan bunyodkorlik ishlariga ezgu tilaklar bildirilib, duolar qilindi.
