Аввал хабар берганимиздек, жорий йилнинг 15-16-октябрь кунлари Тошкент ва Хива шаҳарларида “Ислом –тинчлик ва эзгулик дини” мавзусида нуфузли халқаро конференция бўлиб ўтади.
Дунёнинг 22 мамлакатидан 70 дан ортиқ нуфузли халқаро ташкилот раҳбарлари, дин арбоблари, муфтийлар ва таниқли уламолар иштирок этадиган мазкур анжуман бугун 15-октябрь куни Тошкент шаҳрида ўз ишини бошлади.
Ушбу нуфузли анжуманда кўплаб уламолар қатори Фарғона вилояти бош имом-хатиби Убайдуллоҳ домла Абдуллаев, бош имом ўринбосари Алишер домла Наимов, Қўқон шаҳар бош имом-хатиби Абдумажид домла Исақов ҳамда «Саодат» масжиди имом-хатиби Иброҳимжон домла Қодировлар ҳам иштирок этишмоқда.
Конференция тўғрисидаги батафсил маълумотларни ижтимоий тармоқдаги саҳифаларимиз орқали кузатиб боринг!
***
Avval xabar berganimizdek, joriy yilning 15-16-oktabr kunlari Toshkent va Xiva shaharlarida “Islom – tinchlik va ezgulik dini” mavzusida nufuzli xalqaro konferensiya bo’lib o’tadi.
Dunyoning 22 mamlakatidan 70 dan ortiq nufuzli xalqaro tashkilot rahbarlari, din arboblari, muftiylar va taniqli ulamolar ishtirok etadigan mazkur anjuman bugun 15-oktabr kuni Toshkent shahrida o’z ishini boshladi.
Ushbu nufuzli anjumanda ko‘plab ulamolar qatori Farg‘ona viloyati bosh imom-xatibi Ubaydulloh domla Abdullayev, bosh imom o‘rinbosari Alisher domla Naimov, Qo‘qon shahar bosh imom-xatibi Abdumajid domla Isaqov hamda «Saodat» masjidi imom-xatibi Ibrohimjon domla Qodirovlar ham ishtirok etishmoqda.
Konferensiya tog’risidagi batafsil ma’lumotlarni ijtimoiy tarmoqdagi sahifalarimiz orqali kuzatib boring!
