Мисрнинг нуфузли Aл-Aзҳар университетидаги Хорижлик талабалар таълим маркази талабалар ўртасида халқаро Қуръони карим мусобақаси ўтказилишини эълон қилди.
“IQNA” сайтининг “Al-Ahram”га таяниб хабар беришича, мазкур марказ кейинг ойларда “Инновация ва етакчилик”, “Иқтидор ва қобилият” шиорлари остида халқаро Қуръони карим ва исломий санъат танловини эълон қилди.
16 йўналишдан иборат ушбу танлов Aл-Aзҳардаги хорижий талабаларнинг Қуръон маҳоратини ошириш, ижодий ғояларини қўллаб-қувватлаш ва ривожлантириш мақсадида ўтказилади.
Танловда талабалар Қуръони Каримни ёддан ўқиб бериш ва қоидали тиловат қилиш, диний илмлар, ислом маданияти, ислом илмлари ва хорижий тиллардаги адабиётлар, хаттотлик ва бошқа бир қанча бадиий ва тадқиқот йўналишлари бўйича мусобақалашади.
Унда ҳар бир йўналиш бўйича энг яхши 10 нафар иштирокчига совринлар топширилади. Ғолиблар турли совғалар ва 260 000 евро миқдоридаги пул мукофоти билан ҳам тақдирланади.
И.Аҳмедов тайёрлади
***
Misrning nufuzli Al-Azhar universitetidagi Xorijlik talabalar ta’lim markazi talabalar o‘rtasida xalqaro Qur’oni karim musobaqasi o‘tkazilishini e’lon qildi.
“IQNA” saytining “Al-Ahram”ga tayanib xabar berishicha, mazkur markaz keying oylarda “Innovatsiya va yetakchilik”, “Iqtidor va qobiliyat” shiorlari ostida xalqaro Qur’oni karim va islomiy san’at tanlovini e’lon qildi.
16 yo‘nalishdan iborat ushbu tanlov Al-Azhardagi xorijiy talabalarning Qur’on mahoratini oshirish, ijodiy g‘oyalarini qo‘llab-quvvatlash va rivojlantirish maqsadida o‘tkaziladi.
Tanlovda talabalar Qur’oni Karimni yoddan o‘qib berish va qoidali tilovat qilish, diniy ilmlar, islom madaniyati, islom ilmlari va xorijiy tillardagi adabiyotlar, xattotlik va boshqa bir qancha badiiy va tadqiqot yo‘nalishlari bo‘yicha musobaqalashadi.
Unda har bir yo‘nalish bo‘yicha eng yaxshi 10 nafar ishtirokchiga sovrinlar topshiriladi. G‘oliblar turli sovg‘alar va 260 000 yevro miqdoridagi pul mukofoti bilan ham taqdirlanadi.
I.Ahmedov tayyorladi
