Бугун, 16 декабрь куни вилоятда фаолият олиб бораётган отинойилар учун Фарғона Давлат Университети ҳамда Қўқон шаҳридаги “Маданият саройи” катта мажлислар залида бир кунлик ўқув-семинар ўтказилди. Семинар маъруза-амалиёт тарзида олиб борилди.
Сўзга чиққан нотиқлар ўз маърузаларида, Ўзбекистон Республикаси Президенти Шавкат Мирзиёевнинг 2021 йил 6 ноябрдаги Олий Мажлис палаталари қўшма мажлисидаги нутқида илгари сурилган “Ҳаракатлар стратегиясидан – Тараққиёт стратегияси сари” ғоясидан келиб чиқадиган вазифалар ҳақида сўзлар эканлар, сўнги йилларда Республикамизда ҳар бир соҳада амалга оширилаётган ислоҳотлар, “Инсон, жамият ва давлат” тамойили асосида чиқарилаётган қонунлар ижросини изоҳлаб рақамлар асосида тушунтириб бердилар. Мавзуга оид видеоролик тақдим этилди.
Динимиз софлигини асраш, уни турли бузғунчи оқимлар ғояларидан айри эканини ёш авлодга сингдиришга қаратилган тарғиботлардан ёшларни асраш, шунингдек, никоҳ, талоқ ва идда масалалари, таъзиядаги бидъатлар ва жаноза одоблари ҳамда отинойилар фаолиятига зарур бўлган масалаларга ҳам алоҳида тўхталинди.
Ҳар бир отинойи ўз устида мунтазам равишда ишлаши, илм ва малакасини ошириб бориши, аёлларга хос фиқҳий масалалар, қирқ фарз, дин арконлари юзасидан чоп этилаётган адабиётларни мутолаа қилишлари, Ўзбекистон мусулмонлари идораси томонидан чиқарилаётган Жума тезислари билан мунтазам равишда танишиб боришлари кераклиги айтиб ўтилди.
Семинар маъруза-амалий машғулот тарзида ўтказилганлиги боис, турли хил тренинглар ташкил этилди, савол-жавоб, дебат усулларидан фойдаланилди. Шунингдек, отинойиларнинг мавжуд муаммолар юзасидан берган саволларига жавоблар берилди, фикр-мулоҳаза ва таклифлари тингланди.
