Шу йил 28 ноябрь куни Фарғона вилояти бош имом-хатиби Убайдуллоҳ домла Абдуллаев бошчилигида вакиллик ходимлари, шаҳар-туман бош имом-хатиблари ҳамда иқтидорли имомлар иштирокида тузилган ишчи гуруҳ Қува туманига ташриф буюрди.
Дастлаб, тумандаги «Қўшкечик» масжидида имом-хатиблар, отинойилар, шунингдек, “Ҳаж – 2024” зиёратчилари ва маҳалла фуқаролар йиғини раислари иштирокида йиғилиш ўтказилиб, амалий тадбирлар режаси тузилди.
Ишчи гуруҳ кун давомида тумандаги 8 та масжид ҳамда уларга бириктирилган 12 та маҳаллага ташриф қилиб, ижтимоий ва моддий кўмакка муҳтож оилалар ҳолидан хабар олдилар. Уларнинг масалалари тингланиб, муаммоларни ҳал қилиш борасида амалий чоралар кўрилди. Маънавий-маърифий тарғиботлар натижасида 2 та оиланинг ажрашиши олди олиниб, 13 та оилага моддий кўмак берилди.
Туманнинг «Бойистон» маҳалласи ҳудудидаги бўш ерга манзарали дарахтлар ўтказилиб, аҳолига кўчат экиш, боғ яратиб одамлар ва табиатга наф етказишнинг аҳамияти, «Яшил макон» умуммиллий лойиҳаси садақаи жория қилиш учун қулай имкон экани таъкидланди.
Пешин намози сўнгида масжидларда жамоатга маъруза қилиниб, одамларга манфаат етказишнинг фазилати, офият улкан неъмат экани, ёшлар тарбияси доимий эътибор марказда бўлиши зарурлиги, бу борада ота-оналарнинг ўрни ҳақида илмий ва ҳаётий мисоллар ёрдамида тушунтирилди.
Масжидлар ва имомлар фаолияти кўздан кечирилиб, куз-қиш мавсумига тайёргарлик ишлари ўрганилди ҳамда мавжуд камчиликларни бартараф этиш юзасидан керакли тавсиялар берилди.
***
Shu yil 28 noyabr kuni Fargʼona viloyati bosh imom-xatibi Ubaydulloh domla Аbdullaev boshchiligida vakillik xodimlari, shahar-tuman bosh imom-xatiblari hamda iqtidorli imomlar ishtirokida tuzilgan ishchi guruh Quva tumaniga tashrif buyurdi.
Dastlab, tumandagi «Qoʼshkechik» masjidida imom-xatiblar, otinoyilar, shuningdek, “Haj – 2024” ziyoratchilari va mahalla fuqarolar yigʼini raislari ishtirokida yigʼilish oʼtkazilib, amaliy tadbirlar rejasi tuzildi.
Ishchi guruh kun davomida tumandagi 8 ta masjid hamda ularga biriktirilgan 12 ta mahallaga tashrif qilib, ijtimoiy va moddiy koʼmakka muhtoj oilalar holidan xabar oldilar. Ularning masalalari tinglanib, muammolarni hal qilish borasida amaliy choralar koʼrildi. Maʼnaviy-maʼrifiy targʼibotlar natijasida 2 ta oilaning ajrashishi oldi olinib, 13 ta oilaga moddiy koʼmak berildi.
Tumanning «Boyiston» mahallasi hududidagi boʼsh yerga manzarali daraxtlar oʼtkazilib, aholiga koʼchat ekish, bogʼ yaratib odamlar va tabiatga naf yetkazishning ahamiyati, «Yashil makon» umummilliy loyihasi sadaqai joriya qilish uchun qulay imkon ekani taʼkidlandi.
Peshin namozi soʼngida masjidlarda jamoatga maʼruza qilinib, odamlarga manfaat yetkazishning fazilati, ofiyat ulkan neʼmat ekani, yoshlar tarbiyasi doimiy eʼtibor markazda boʼlishi zarurligi, bu borada ota-onalarning oʼrni haqida ilmiy va hayotiy misollar yordamida tushuntirildi.
Masjidlar va imomlar faoliyati koʼzdan kechirilib, kuz-qish mavsumiga tayyorgarlik ishlari oʼrganildi hamda mavjud kamchiliklarni bartaraf etish yuzasidan kerakli tavsiyalar berildi.
