“Вақф” хайрия жамоат фонди – Alhidoya.uz

Саховат ва меҳр улашган хайрли ташаббус

Alhidoya.uz таҳририяти — Mon, 25 May 2026 11:43:52 +0000

Қурбон ҳайити арафасида юртимизда инсон қадрини улуғлаш, аҳолининг ижтимоий ҳимояга муҳтож қатламларини қўллаб-қувватлаш, меҳр-оқибат ва саховат муҳитини янада мустаҳкамлашга қаратилган эзгу ишлар кенг кўламда амалга оширилмоқда.

Ўзбекистон Республикаси Президентининг инсон манфаати ва аҳоли саломатлигини таъминлашга қаратилган эзгу ташаббуслари асосида Қурбон ҳайити муносабати билан жойларда кенг қамровли хайрия тадбирлари ташкил этилмоқда. Хусусан, “Вақф” хайрия жамоат фонди, Соғлиқни сақлаш вазирлиги ҳамда Ўзбекистон мусулмонлари идораси ҳамкорлигида бемор болаларни қўллаб-қувватлаш, уларнинг даволаниши учун зарур шароитлар яратиш борасида амалий ишлар олиб борилмоқда.

Ана шундай хайрли тадбирлардан бири Фарғона вилоятида ҳам ташкил этилди. Фарғона вилояти бош имом-хатиби Убайдуллоҳ домла Абдуллаев ҳамда вилоят соғлиқни сақлаш бошқармаси мутасаддилари Фарғона туманида бўлиб, икки босқичли мураккаб жарроҳлик амалиёти ўтказилиши лозим бўлган болажонлар ҳолидан хабар олдилар.

Учрашув давомида бемор болалар ва уларнинг ота-оналари билан самимий мулоқот қилиниб, уларга маънавий далда ва кўмак берилди. Масъуллар томонидан Қурбон ҳайити муносабати билан эзгу тилаклар билдирилиб, болажонларнинг тезроқ соғайиб кетишлари тилаб қолинди. Шунингдек, даволaниш жараёнларини қўллаб-қувватлаш мақсадида хайрия маблағлари топширилди.

Тадбир иштирокчилари бундай саховат ишлари жамиятда меҳр-шафқат, ўзаро ҳурмат ва инсонпарварлик туйғуларини мустаҳкамлашга хизмат қилишини алоҳида таъкидладилар. Айниқса, бемор фарзандлар тарбияси билан машғул бўлган оилаларга эътибор ва ғамхўрлик кўрсатиш халқимизга хос олийжаноб қадриятларнинг амалий ифодаси экани қайд этилди.

Юртимизда инсон саломатлигини муҳофаза қилиш, эҳтиёжманд оилаларни қўллаб-қувватлаш ҳамда хайрия ва саховат ишларини кенгайтиришга қаратилган бундай тадбирлар келгусида ҳам изчил давом эттирилиши шубҳасиз.

***

Qurbon hayiti arafasida yurtimizda inson qadrini ulug‘lash, aholining ijtimoiy himoyaga muhtoj qatlamlarini qo‘llab-quvvatlash, mehr-oqibat va saxovat muhitini yanada mustahkamlashga qaratilgan ezgu ishlar keng ko‘lamda amalga oshirilmoqda.

O‘zbekiston Respublikasi Prezidentining inson manfaati va aholi salomatligini taʼminlashga qaratilgan ezgu tashabbuslari asosida Qurbon hayiti munosabati bilan joylarda keng qamrovli xayriya tadbirlari tashkil etilmoqda. Xususan, “Vaqf” xayriya jamoat fondi, Sog‘liqni saqlash vazirligi hamda O‘zbekiston musulmonlari idorasi hamkorligida bemor bolalarni qo‘llab-quvvatlash, ularning davolanishi uchun zarur sharoitlar yaratish borasida amaliy ishlar olib borilmoqda.

Ana shunday xayrli tadbirlardan biri Farg‘ona viloyatida ham tashkil etildi. Farg‘ona viloyati bosh imom-xatibi Ubaydulloh domla Abdullayev hamda viloyat sog‘liqni saqlash boshqarmasi mutasaddilari Farg‘ona tumanida bo‘lib, ikki bosqichli murakkab jarrohlik amaliyoti o‘tkazilishi lozim bo‘lgan bolajonlar holidan xabar oldilar.

Uchrashuv davomida bemor bolalar va ularning ota-onalari bilan samimiy muloqot qilinib, ularga maʼnaviy dalda va ko‘mak berildi. Masʼullar tomonidan Qurbon hayiti munosabati bilan ezgu tilaklar bildirilib, bolajonlarning tezroq sog‘ayib ketishlari tilab qolindi. Shuningdek, davolanish jarayonlarini qo‘llab-quvvatlash maqsadida xayriya mablag‘lari topshirildi.

Tadbir ishtirokchilari bunday saxovat ishlari jamiyatda mehr-shafqat, o‘zaro hurmat va insonparvarlik tuyg‘ularini mustahkamlashga xizmat qilishini alohida taʼkidladilar. Ayniqsa, bemor farzandlar tarbiyasi bilan mashg‘ul bo‘lgan oilalarga eʼtibor va g‘amxo‘rlik ko‘rsatish xalqimizga xos oliyjanob qadriyatlarning amaliy ifodasi ekani qayd etildi.

Yurtimizda inson salomatligini muhofaza qilish, ehtiyojmand oilalarni qo‘llab-quvvatlash hamda xayriya va saxovat ishlarini kengaytirishga qaratilgan bunday tadbirlar kelgusida ham izchil davom ettirilishi shubhasiz.

Подшоҳ Салмон инсонпарварлик маркази ҳамда Вақф фондининг навбатдаги ҳамкорлик лойиҳаси

Alhidoya.uz таҳририяти — Fri, 09 Jun 2023 15:23:04 +0000

Шу йил, 6 июнь куни Саудия Арабистони подшолигининг Ўзбекистондаги элчиси Юсуф ал–Утайбий подшоҳ Салмон номидаги ёрдам ва инсонпарварлик ишлари маркази делегацияси аъзолари ҳамда Ўзбекистон мусулмонлар идораси раиси ўринбосари Уйғун Ғофуров, “Вақф” хайрия жамоат фонди бошқарув раҳбари вазифасини бажарувчи Зиёвуддин Мирсодиқов ўртасида учрашув бўлиб ўтди.

Учрашув давомида икки давлат томонидан олиб борилаётган дўстона ҳамкорлик лойиҳалари ҳақида самимий сўз юритилди.

Тадбир сўнгида Саудия Арабистони подшолиги хайрия ташкилоти томонидан мамлакатимиздаги ижтимоий кўмакка муҳтож аҳоли вакиллари ва диний соҳа ходимлари учун хурмо маҳсулотлари ВАҚФ фондига тақдим этилди.

“Вақф” фонди Фарғона вилоят филиали томонидан савобли ишга қўл урилди

Alhidoya.uz таҳририяти — Wed, 02 Feb 2022 12:04:22 +0000

“Вақф” фонди Фарғона вилоят филиали томонидан савобли ишга қўл урилди.

Аллоҳ таоло «Оли Имрон» сурасида: «Ўзингиз суйган нарсадан нафақа қилмагунингизча, ҳаргиз яхшиликка эриша олмассиз. Нимаики нафақа қилсангиз, албатта, Аллоҳ уни билувчидир», деган (92-оят).

Айни қишнинг қаҳратон кунлари муҳтож оилаларнинг қалбига, хонадонларига иссиқлик олиб кириш мақсадида “Вақф” фонди Фарғона вилоят филиали томонидан савобли ишга қўл урилди. Филиал томонидан 1-2 феврал кунлари Марғилон, Қувасой шаҳарлари ҳамда Фарғона, Олтиариқ, Қўштепа, Ёзёвон, Тошлоқ туманларида яшовчи 20 та кўмакка муҳтож оилаларнинг 10 тасига — ҳар бир хонадонга 500 кг дан, жами 5240 кг кўмир ва 10 та хонадонга 1 донадан ҳар бири 50 литр ҳажмдаги пропан газ баллонлари беминнат тақдим қилинди. “Вақф” фонди томонидан мана шундай хайрли ишлар давом этмоқда.

Биз билан хайрли ишда ҳамкорлик қилмоқчи бўлганларга:
Ипотека банк Фарғона филиали
ҳ/р: 20 212 000 000 881 753 002
МФО: 00 544
ИНН: 207 277 966

Брифинг: ВАҚФ фонди масжидлар учун 74 944 873 000 сўм сарфаган

Alhidoya.uz таҳририяти — Thu, 11 Nov 2021 05:06:23 +0000

Диний таълимни ривожлантириш учун «Вақф» фонди томонидан қандай ишлар амалга оширилмоқда?

Alhidoya.uz таҳририяти — Tue, 28 Sep 2021 03:43:27 +0000

АОКАда ўтказилган брифингда «Вақф» хайрия жамоат фонди ахборот хизмати раҳбари Саидаброр Умаров фонд томонидан 2018-2021 йилларда мамлакатимиздаги диний таълим муассасаларини моддий қўллаб-қувватлаш йўналишида амалга оширилган ишлар ва хайрия тадбирлари ҳақида маълумот берди:

Вақф фонди 2018 йил 16 апрелда Президент фармони асосида ташкил этилган вақтда, диний таълим муассасаларининг биноларини қуриш, таъмирлаш, реконструкция қилиш, ободонлаштириш, моддий-техник базасини мустаҳкамлаш ҳамда диний таълим муассасалари, илмий-тадқиқот марказлари фаолиятини молиялаштириш, уларнинг профессор-ўқитувчилари, тадқиқотчилари, мутахассислари ва ўқувчи-талабаларини моддий ва ижтимоий қўллаб-қувватлаш фонднинг асосий вазифаларидан қилиб белгиланган эди.

Ўтган уч йилдан зиёд вақт мобайнида Фонд томонидан мазкур вазифаларни бажариш учун салмоқли ишлар амалга оширилди.

Жумладан, Ўзбекистон мусулмонлари идораси тасарруфидаги 3 та олий: Имом Бухорий номидаги Тошкент ислом институти, Мир Араб олий мадрасаси ва Ҳадис илми мактаби ҳамда 10 та ўрта махсус Ислом билим юртлари фаолиятини молиялаштириш, уларнинг профессор-ўқитувчилари, тадқиқотчилари, мутахассислари ва ўқувчи-талабаларини моддий ва ижтимоий қўллаб-қувватлаш учун

– 2018 йилда 723 533 386 сўм;

– 2019 йилда 2 222 700 000 сўм;

– 2020 йилда 1 410 634 244 сўм;

– 2021 йилда 2 272 795 617 сўм.

Шунингдек, пандемия даврида ҳукуматимиз томонидан фондга ажратилган хайрия маблағлари ҳисобидан 3 133 000 000 сўм диний таълим муассасаларига хайрия сифатида йўналтирилди.

Умумий ҳисобда фонд ўз фаолиятини бошлагандан бугунга қадар жами 9 762 663 247 сўм диний таълим соҳасига хайрия сифатида йўналтирилган.

Таъкидлаш жоизки, фонд томонидан ушбу хайрли ишларни амалга оширишда хорижий ҳамкорлар Саудия Арабистони, Германия ва Туркия қироллиги каби давлатларнинг ҳам салмоқли ҳиссалари бор.

“Вақф” фонди она-Ватанимизда илм-фан ва диний таълим ривожланишига ҳисса қўшишда давом этади ва бу хайрли ишда барча ҳамюртларимизни ҳамкорликка чорлаб қолади.

«Вақф» хайрия жамоат фонди Фарғона вилоят филиали мустақиллик байрами муносабати билан хайрия ташкил этди

Alhidoya.uz таҳририяти — Mon, 30 Aug 2021 05:52:41 +0000

Мамлакатимиз мустақиллигининг 30 йиллик байрами арафасида «Вақф» хайрия жамоат фонди Фарғона вилоят филиали томонидан диний соҳада хизмат қилаётган имом-хатиб ва имом-ноибларининг бир гуруҳига фарзандларининг ўқув қуроллари ва бошқа ҳаражатларини қоплаш мақсадида 1 миллион сўмдан хайрия улашди. Бу ҳақда «Вақф» хайрия жамоат фонди Фарғона вилоят филиали телеграм каналида хабар берилди.

Бундан ташқари, меҳрибонлик уйлари, иккинчи жаҳон уруши қатнашчилари, ногиронлиги бор, боқувчисини йўқотган ва бошқа эҳтиёжманд оилаларга фонд томонидан озиқ-овқат маҳсулотлари тортиқ қилиниб, улар ҳолидан хабар олинди.

ХУШХАБАР: “ҚУРЪОНИ КАРИМ ВА ТАЖВИД” КУРСЛАРИНИ ҚЎЛЛАБ-ҚУВВАТЛАШ ҲИСОБ РАҚАМИ ОЧИЛДИ!

Alhidoya.uz таҳририяти — Sat, 21 Aug 2021 10:29:35 +0000

Аллоҳга шукрки, Қуръони каримга мухлис халқимизнинг истакларини инобатга олган ҳолда юртимиздаги “Қуръони карим ва тажвид” курслари фаолияти кенгайтирилмоқда.

Мазкур курсларни ривожлантириш, қироат илмини ўрганувчилар учун шароитларни ҳозирлаш, малакали устозларини тайёрлаш, уларнинг маҳоратларини ошириш ва Қуръон таълимини ўргатишдаги энг илғор услубларни тадбиқ этиш ишлари бошланди.

Ушбу хайрли ишга ҳисса қўшишни истаган, фарзанду аржумандлари дунёда кўзни қувонтирадиган, Охиратда эса ота-онасига тож кийдирадиган қорию қурролар бўлишини ният қилган саховатпеша кишиларимиз ҳиммати учун “Вақф” хайрия жамоат фондида махсус ҳисоб рақам очилди.

Дарҳақиқат, Набий соллаллоҳу алайҳи васаллам: “Сизларнинг яхшиларингиз Қуръонни ўрганганларингиз ва ўргатганларингиздир”, деб марҳамат қилганлар (Имом Бухорий ривояти).

Эндиликда хайр-саховатларини қори ва қорияларга сарф этишни истаган юртдошларимиз қуйидаги ҳисоб рақамга мурувват қилишлари мумкин.

“Қуръони карим ва тажвид” курсларини ривожлантириш ҳисоб рақами: 20212000900881753046
ИНН 207 276 595
МФО 00974
Тошкент шаҳрининг “Капиталбанк” АТБ амалиёт бошқармаси

Уламолар ташрифи доирасида кенг кўламли хайрли ишлар амалга оширилмоқда

Alhidoya.uz таҳририяти — Sun, 13 Jun 2021 12:26:22 +0000

Ўзбекистон республикаси Президенти Администрацияси, Вазирлар Маҳкамаси ҳузуридаги Дин ишлари Қўмитаси, Ўзбекистон Мусулмонлари идораси, Фарғона вилоят ҳокимлиги ва «Вақф» Фонди Фарғона вилоят филиали раҳбарияти томонидан ҳудудлардаги ижтимоий ҳимояга муҳтожлар, оғир ҳолатдаги беморлар ҳолидан хабар олиниб, уларга беш миллион сўм пул, озиқ-овқат жамланмаси, диний-маърифий китоблар ва эҳтиёжларига кўра маиший буюмлар тақдим этилиб борилмоқда.

Юртимиз уламолари ўксик кўнгилларга қувонч улашишда давом этмоқдалар

Alhidoya.uz таҳририяти — Thu, 10 Jun 2021 15:34:28 +0000

Ўзбекистон мусулмонлари идораси раисининг маслаҳатчиси Салоҳиддин домла Шарипов, Ўзбекистон мусулмонлари идораси раисининг ўринбосари Иброҳимжон домла Иномов хамда вилоят бош имом-хатиби ўринбосари Муҳаммадисхоқ домла Мўминовлар Андижон туманидаги эътиборга муҳтож, хонадонида беморлиги бор оилаларга “Вақф” хайрия жамоат фонди томонидан даволаниши учун пул маблағи, озиқ-овқат маҳсулотлари хамда диний-маърифий китоблар жамланмаси етказилди.

Саудия Арабистони Вақф фондига 20 000 нусха Қуръони карим ҳадя қилди

Alhidoya.uz таҳририяти — Fri, 07 May 2021 18:18:16 +0000

Кеча, 6 май куни Саудия Арабистони подшолигининг мамлакатимиздаги элчихонаси вакиллари ҳамда Вақф хайрия жамоат фонди раҳбари Яҳё қори Убайдуллоҳ ўғли билан самимий учрашув бўлиб ўтди. Ўзбекистон мусулмонлари идораси матбуот хизмати бу ҳақда хабар бермоқда.

Учрашув пойтахтимиздаги «Ҳазрати Имом» мажмуасидаги «Мўйи муборак» музейида бўлиб ўтди. Дастлаб меҳмонлар музейда жойлашган «Ҳазрати Усмон мусҳафи»ни зиёрат қилишди.

Шундан сўнг томонлар ўзаро ҳамкорлик ва бирдамликда қилинаётган хайрия тадбирлари ва уларнинг давомий бўлишлиги ҳақида сўз юритишди.

Тадбир давомида элчихона вакиллари Саудия Арабистонида чоп этилган Қуръони каримнинг 20 000 нусхасини Вақф хайрия жамоат фондига беғараз тақдим этди. Бунинг учун Фонд раҳбари Яҳё қори Убайдуллоҳ ўғли меҳмонларга чуқур миннатдорлик изҳор этиб, бу каби хайрияларда ҳамкорлик қилишдан мамнун эканлиги билдирди.