«Уммул қуро» масжиди – Alhidoya.uz

Масжид жамоаси Андижоннинг диққатга сазовор жойларига сафар уюштирди

Alhidoya.uz таҳририяти — Wed, 09 Oct 2024 11:55:26 +0000

Инсон ҳаёт сўқмоқларидан юриб борар экан, чарчаши, бироз истироҳат олишни исташи турган гап. Бундай чарчоқларни кундалик дам олиш ила чиқариб бориши ҳам оддий ҳолатга айланган. Аммо гоҳ-гоҳида дурустроқ ҳордиқ чиқаргиси, тоза ҳаво, гўзал табиий манзаралардан, тоғ ёки адирлар ҳавосидан, кўл ёки дарё сувидан баҳра олгиси келади.

Фарғона шаҳридаги «Уммул қуро» масжиди имом-хатиби Холмуроджон домла Мамажонов ташаббуси билан масжид жамоаси Андижон вилоятидаги диқкатга сазовор жойлар, тарихий обидалар, зиёратгоҳлар ва истиқлол йилларида қурилган, обод этилган манзилларга сафар уюштирилди.

Сафар асносида муқаддас қадамжолар, гўзал табиат манзараларига бой манзиллар зиёрат этилди. Кекса ва ёш авлод вакиллари бир дастурхон атрофида жам бўлиб суҳбат қурдилар. Ёши улуғ, кўпни кўрган нуронийлар ёшларга ибратли ҳаётларидан сўзлаш баробарида уларни шукроналик ила яшашга чақирдилар. Шунингдек, эл-юрт тинчлиги ва ватанободлиги, деҳқончиликларга қут-барака, халқимиз ҳаёти янада фаровон бўлишини Яратгандан сўраб дуойи-хайрлар қилинди.

Фарғона вилояти вакиллиги Матбуот хизмати

***

Inson hayot so‘qmoqlaridan yurib borar ekan, charchashi, biroz istirohat olishni istashi turgan gap. Bunday charchoqlarni kundalik dam olish ila chiqarib borishi ham oddiy holatga aylangan. Ammo goh-gohida durustroq hordiq chiqargisi, toza havo, go‘zal tabiiy manzaralardan, tog‘ yoki adirlar havosidan, ko‘l yoki daryo suvidan bahra olgisi keladi.

Farg‘ona shahridagi «Ummul quro» masjidi imom-xatibi Xolmurodjon domla Mamajonov tashabbusi bilan masjid jamoasi Andijon viloyatidagi diqkatga sazovor joylar, tarixiy obidalar, ziyoratgohlar va istiqlol yillarida qurilgan, obod etilgan manzillarga safar uyushtirildi.

Safar asnosida muqaddas qadamjolar, go‘zal tabiat manzaralariga boy manzillar ziyorat etildi. Keksa va yosh avlod vakillari bir dasturxon atrofida jam bo‘lib suhbat qurdilar. Yoshi ulug‘, ko‘pni ko‘rgan nuroniylar yoshlarga ibratli hayotlaridan so‘zlash barobarida ularni shukronalik ila yashashga chaqirdilar. Shuningdek, el-yurt tinchligi va vatanobodligi, dehqonchiliklarga qut-baraka, xalqimiz hayoti yanada farovon bo‘lishini Yaratgandan so‘rab duoyi-xayrlar qilindi.

Farg‘ona viloyati vakilligi Matbuot xizmati

Меҳрга муҳтож бўлганлар, ўксик кўнгилларга хурсандчилик улашиш давом этмоқда

Alhidoya.uz таҳририяти — Tue, 09 Apr 2024 19:57:47 +0000

Файзли кунларда меҳрга муҳтож бўлганлар, ўксик кўнгилларга хурсандчилик улашиш, уларнинг кўнглини олиш давом этмоқда. «Уммул қуро» масжиди имом-хатиби Холмуроджон Мамажонов ҳомийлар билан бирга Ўзбекистон кўзи ожизлар жамияти Фарғона шаҳар бўлимига озиқ-овқат ҳамда маиший эҳтиёж анжомларини туҳфа қилди.

Фарғона вилояти вакиллиги
Матбуот хизмати

* * *

Fayzli kunlarda mehrga muhtoj bo‘lganlar, o‘ksik ko‘ngillarga xursandchilik ulashish, ularning ko‘nglini olish davom etmoqda. «Ummul quro» masjidi imom-xatibi Xolmurodjon Mamajonov homiylar bilan birga O‘zbekiston ko‘zi ojizlar jamiyati Farg‘ona shahar bo‘limiga oziq-ovqat hamda maishiy ehtiyoj anjomlarini tuhfa qildi.

Farg‘ona viloyati vakilligi
Matbuot xizmati

«Уммул қуро» масжиди томонидан «Рамазон ҳадялари» улашилди

Alhidoya.uz таҳририяти — Tue, 26 Mar 2024 17:48:40 +0000

Фарғона вилояти вакиллиги
Матбуот хизмати

Фарғонадаги “Уммул қуро” жоме масжиди имом-хатиби хайрия тадбирида қатнашди

Alhidoya.uz таҳририяти — Wed, 27 Dec 2023 08:29:20 +0000

Жорий йилнинг 26 декабрь куни Фарғона шаҳар “Уммул қуро” жоме масжиди имом-хатиби Холмуроджон домла Мамажонов шаҳримизнинг “Ёрмозор” маҳалласидаги нуроний кексалар ҳамда беморларни йўқлаб, уларнинг холидан хабар олди. Имом-хатиб кексалар дуосини олиб, улар доимо маҳалланинг ардоғида эканликларини билдирди. Динимизда инсон шаъни, қадр-қимматининг азизлиги, айниқса, кексалар дуоси саодат калити эканлиги, кундан-кунга обод бўлиб бораётган юртимизда ҳеч ким меҳр-мурувватдан четда эмаслигини айтиб ўтди.

Фарғона вилояти вакиллиги Матбуот хизмати

«Уммул қуро» жоме масжиди нуронийлари Наманган вилоятидаги «Увайс Қароний» зиёратгоҳига ташриф буюрдилар

Alhidoya.uz таҳририяти — Wed, 06 Oct 2021 15:27:39 +0000

Кекса ва ёши улуғларнинг мартабалари, аввало, Аллоҳ таолонинг ҳузурида, қолаверса, жамият олдида олийдир. Зеро, ёши улуғ зотлар дейилганида кўз ўнгимизга, аввало, сизу бизнинг дунёга келишимизга сабаб бўлган мушфиқ ота-оналаримиз келади. Чунки, уларнинг сочлари бизнинг ғамимизда оқарган, нурли юзларига биз сабаб ажин тушган, нурафшон кўзларининг нури бизнинг йўлимизда сарф бўлган Зотлардир.

Муборак ҳадиси шарифда келтирилишича, Ибн Аббос розияллоҳу анҳумодан нақл қилинади. Расулуллоҳ соллаллоҳу алайҳи васаллам шундай дедилар: “Яхшилик (бошқа ривоятида барака) катталарингиз билан биргадир” (Ибн Ҳиббон ривояти).

Шунинг учун ҳам кексаси бор хонадон баракали, нурли бўлади.

Ана шундай қадриятларни янада тараннум этиш мақсадида айни кунларда юртимиз бўйлаб «Кексалар ҳафталиги» ўтказилмоқда. Фарғона вилояти вакиллиги ташаббуси билан Фарғона шаҳридаги «Уммул қуро» жоме масжиди нуроний ва фахрийларидан иборат бир гуруҳ кексалар иштирокида Наманган вилояти «Увайс Қароний» зиёратгоҳига зиёрат ташкил этилди.

— Пайғамбаримиз соллаллоҳу алайҳи васаллам ҳам ёши катталарни ҳурматлаш ва улуғлашга кўп бора чорлаганлар. Доно халқимиз ҳам бежизга катталарга ҳурматда, ёшларга иззатда бўлишга чақирмаган. Сиз ва бизнинг дуогўйларимиз бўлмиш кекса ва ёши улуғларни ҳурмат қилиш ва эъзозлаш ҳар биримизнинг бурчимиз ва динимиз одобларидан, — дейди «Уммул қуро» жоме масжиди имом-хатиби Холмуроджон Мамажонов. — «Кексалар ҳафталиги» муносабати билан бир гуруҳ кексаларимиз иштирокида ушбу сафарни ташкил қилдик. Қолаверса, ҳам саёҳат, ҳам зиёрат деганларидек, уларни дуоларини олиш, сафар давомида панду насиҳатларини тинглаш ҳам мақсад қилинган эди, бир маънода ниятимизга ҳам эришдик.

Сафар давомида «Увайс Қароний» зиёратгоҳи ва мажмуаси зиёрат қилиниб, тарихидан бохабар бўлинди. Шу ерни ўзида тушлик ташкил қилинди. Шунингдек, сафар давомида Наманган шаҳрида янги қуриб битказилган «Юсуфхон ўғли Қосимхон» жомеъ масжидига ҳам ташриф буюрилди.

«Қуръони карим ва тажвид» курсини яна 60 нафар талаба якунлади (фото)

Alhidoya.uz таҳририяти — Thu, 30 Sep 2021 15:42:25 +0000

Бугун, Фарғона шаҳридаги «Уммул қуро» масжидида «Қуръони карим ва тажвид» курсининг 11 давра битирувчилари иштирокида тадбир бўлиб ўтди. Унда вилоят бош имом-хатиби Убайдуллоҳ домла Абдуллаев иштирок этиб нутқ сўзлади.

— Бугун, Аллоҳнинг марҳамати ила юртимиздаги диний-маърифий соҳадаги ислоҳотлар сабаб яна бир нечта хонадонда Қуръони карим тиловати янграш имконияти юзага келди. Биз энди Аллоҳнинг каломини нафақат тажвид ва тартил билан ўқишлигимиз, балки хулқимиз, феълимизни ҳам Қуръонга мувофиқ бўлишга интилишимиз лозим. Чунки Расулуллоҳ соллаллоҳу алайҳи васалламнинг чақириқлари, Қуръон кўрсатмаси шундай, — дея таъкидлади вилоят бош имом-хатиби.

«Қуръони карим ва тажвид» курсининг 60 нафар битирувчиларига махсус шаҳодатномалар топширилиб, янги давра бошланиши олдидан дуойи хайрлар қилинди.