Мазкур мажмуада яратилган кенг имкониятлар, замонавий ва миллий меъморчилик уйғунлиги зиёратчилар қалбида чуқур таассурот қолдирмоқда.

Фарғона вилояти бош имом-хатиби устоз Убайдуллоҳ домла Абдуллаев буюк бобомиз мажмуасида бўлиб, ушбу муборак масканни зиёрат қилдилар.

Имом Бухорий ҳазратлари мақбарасида Қуръони карим тиловат қилиниб, юртимиз тинчлиги, халқимиз фаровонлиги ва барча мўмин-мусулмонлар ҳақига дуолар қилинди.

Улуғ муҳаддиснинг ислом илм-фани ривожига қўшган улкан ҳиссаси алоҳида эътироф этилди.

Шундан сўнг Имом Бухорий масжидида жума намозида иштирок этилиб, жамоатга “Аёлларнинг жамиятдаги ўрни” мавзусида мавъиза қилинди. Унда ислом динида аёлларга берилган юксак мақом, оила ва жамият тарбиясидаги муҳим ўрни, фарзанд камолотидаги масъулияти ҳақида атрофлича сўз юритилди.

Якунда юртимиз тинчлиги, халқимиз осойишталиги ва барча эзгу ишлар бардавом бўлиши тилаб хайрли дуолар қилинди.

***

Yurtimizda muqaddas qadamjolarni obod etish, buyuk allomalar merosini asrab-avaylash borasida keng ko‘lamli ishlar amalga oshirilmoqda. Ayniqsa, davlatimiz rahbari tashabbusi bilan qayta bunyod etilgan Imom Buxoriy majmuasi bugun nafaqat yurtimiz, balki butun islom olamining yirik ziyoratgohlaridan biriga aylandi.

Mazkur majmuada yaratilgan keng imkoniyatlar, zamonaviy va milliy meʼmorchilik uyg‘unligi ziyoratchilar qalbida chuqur taassurot qoldirmoqda.

Farg‘ona viloyati bosh imom-xatibi ustoz Ubaydulloh domla Abdullayev buyuk bobomiz majmuasida bo‘lib, ushbu muborak maskanni ziyorat qildilar.

Imom Buxoriy hazratlari maqbarasida Qurʼoni karim tilovat qilinib, yurtimiz tinchligi, xalqimiz farovonligi va barcha mo‘min-musulmonlar haqiga duolar qilindi.

Ulug‘ muhaddisning islom ilm-fani rivojiga qo‘shgan ulkan hissasi alohida eʼtirof etildi.

Shundan so‘ng Imom Buxoriy masjidida juma namozida ishtirok etilib, jamoatga “Ayollarning jamiyatdagi o‘rni” mavzusida mavʼiza qilindi. Unda islom dinida ayollarga berilgan yuksak maqom, oila va jamiyat tarbiyasidagi muhim o‘rni, farzand kamolotidagi masʼuliyati haqida atroflicha so‘z yuritildi.

Yakunda yurtimiz tinchligi, xalqimiz osoyishtaligi va barcha ezgu ishlar bardavom bo‘lishi tilab xayrli duolar qilindi.

Убайдуллоҳ домлага билим юрти раҳбари Рустамжон домла Маҳмудов ҳамроҳлик қилди. Учрашув аввалида таълим муассасаси фаолияти, ўқув жараёни ва ёшлар учун яратилган имкониятлар батафсил таништирилди. Таъкидланишича, бугун таълим сифати босқичма-босқич такомиллашиб, янги ўқув дастурлари жорий этилмоқда, замонавий ўқув хоналари, электрон ресурслар ва бой кутубхона ёшлар ихтиёрига тақдим этилган. Бу ўз навбатида илму маърифатни чуқур ўрганишга интилаётган талабалар учун муҳим мадад бўлаётгани қайд этилди.

Давра суҳбати давомида Убайдуллоҳ домла талабаларни илмни пухта эгаллашга, ҳар бир дарсни масъулият билан ўрганишга, келажакда эл-юртга хизмат қиладиган етук уламолар сафидан ўрин эгаллашга чақирар экан, юртимиз уламолари ҳаётидан ибратли мисоллар келтирилди.

— «Илм талаб қилиш йўлидаги машаққат одамни камолга етказади. Илмни фақат ўрганибгина қолмасдан, уни ҳаётда қўллаш, амал қилиш инсоннинг энг гўзал зийнати ҳисобланади” — дея таъкидланди.

Талабаларга вақтни қадрлаш, устозларнинг дуоси ва розилигига эришиш, китоб мутолаасини кундалик одатга айлантириш каби муҳим маслаҳатлар берилди. Убайдуллоҳ домла ёш авлодга бўлган юксак ишончини изҳор этиб, ҳар бир талаба илмда ўз олдига буюк бир мақсад қўйиши кераклиги ҳамда шу мақсадга эришиш йўлида доимо интилиб бориш кераклиги айтилди.

Ҳозирда “Саййид Муҳйиддин Махдум” ўрта махсус ислом билим юртида 47 нафар фарғоналик ёшлар таҳсил олмоқда. Уларнинг 15 нафари 4-курсда таҳсил олиб, мустақил ҳаёт остонасида турибди. Улар барча илмларни пухта эгаллаб, келгусида вилоятимиздаги масжидларда халқимиз маънавияти ва маърифати ҳамда дин хизматида камарбаста бўлишларига ишонч билдирилди.

***

Bugun, 26 noyabr kuni Farg‘ona viloyati bosh imom-xatibi Ubaydulloh domla Abdullayev Andijondagi “Sayyid Muhyiddin Maxdum” o‘rta maxsus islom bilim yurtida bo‘lib, mazkur maskanda tahsil olayotgan talabalar bilan samimiy va mazmunli davra suhbati o‘tkazdi.

Ubaydulloh domlaga bilim yurti rahbari Rustamjon domla Mahmudov hamrohlik qildi. Uchrashuv avvalida ta’lim muassasasi faoliyati, o‘quv jarayoni va yoshlar uchun yaratilgan imkoniyatlar batafsil tanishtirildi. Ta’kidlanishicha, bugun ta’lim sifati bosqichma-bosqich takomillashib, yangi o‘quv dasturlari joriy etilmoqda, zamonaviy o‘quv xonalari, elektron resurslar va boy kutubxona yoshlar ixtiyoriga taqdim etilgan. Bu o‘z navbatida ilmu ma’rifatni chuqur o‘rganishga intilayotgan talabalar uchun muhim madad bo‘layotgani qayd etildi.

Davra suhbati davomida Ubaydulloh domla talabalarni ilmni puxta egallashga, har bir darsni mas’uliyat bilan o‘rganishga, kelajakda el-yurtga xizmat qiladigan yetuk ulamolar safidan o‘rin egallashga chaqirar ekan, yurtimiz ulamolari hayotidan ibratli misollar keltirildi.

— Ilm talab qilish yo‘lidagi mashaqqat odamni kamolga yetkazadi. Ilmni faqat o‘rganibgina qolmasdan, uni hayotda qo‘llash, amal qilish insonning eng go‘zal ziynati hisoblanadi” — deya ta’kidlandi.

Talabalarga vaqtni qadrlash, ustozlarning duosi va roziligiga erishish, kitob mutolaasini kundalik odatga aylantirish kabi muhim maslahatlar berildi. Ubaydulloh domla yosh avlodga bo‘lgan yuksak ishonchini izhor etib, har bir talaba ilmda o‘z oldiga buyuk bir maqsad qo‘yishi kerakligi hamda shu maqsadga erishish yo‘lida doimo intilib borish kerakligi aytildi.

Hozirda “Sayyid Muhyiddin Maxdum” o‘rta maxsus islom bilim yurtida 47 nafar farg‘onalik yoshlar tahsil olmoqda. Ularning 15 nafari 4-kursda tahsil olib, mustaqil hayot ostonasida turibdi. Ular barcha ilmlarni puxta egallab, kelgusida viloyatimizdagi masjidlarda xalqimiz ma’naviyati va ma’rifati hamda din xizmatida kamarbasta bo‘lishlariga ishonch bildirildi.

Рамазон – Қуръон нозил қилинган, рўза фарз қилинган, савоблар бир неча баробар орттирилган ва мўминлар учун жаннат эшиклари очилган ойдир. Бу ойни ибодат, зикр, Қуръон тиловати, рўза, садақа, хайру эҳсон ва шукроналик билан ўтказиш ҳар бир мусулмон учун шараф ва улкан имкониятдир.

Аллоҳ таоло Қуръони каримда шундай марҳамат қилади: “Рамазон ойи – унда одамларга ҳидоят ҳамда ҳидояту фурқондан иборат очиқ-ойдин ҳужжатлар бўлиб, Қуръон нозил қилинган. Сизлардан ким бу ойга етса, рўза тутсин…” (Бақара сураси, 185-оят).

Бу оятда Рамазон ойининг фазилати ва унинг ила келган улкан неъмат – Қуръони карим зикр қилинган. Рамазон ойининг энг буюк аломати шуки, унда Пайғамбаримиз алайҳиссаломга ва бутун инсониятга ҳидоят манбаи бўлган Қуръони карим нозил қилинган. Пайғамбаримиз Муҳаммад соллаллоҳу алайҳи васаллам Рамазон ойининг улкан фазилатлари ҳақида шундай деганлар:

“Рамазон ойи келса, жаннат эшиклари очилади, дўзах эшиклари ёпилади ва шайтонлар кишанланади”.

Бу ҳадисда Рамазон ойида мусулмонлар учун жаннат эшиклари очилиши, гуноҳлар кечирилиши ва шайтонларнинг таъсири сусайиши зикр қилинган.

Рамазон ойининг энг улуғ ибодати – рўза. Бу ибодат Аллоҳ таолонинг буйруғи бўлиб, ҳар бир балоғатга етган, соғлом мусулмон киши учун фарз қилингандир. Аллоҳ таоло Қуръонда шундай марҳамат қилади:

“Эй иймон келтирганлар! Сизлардан олдин ўтган умматларга рўза фарз қилингани каби сизларга ҳам рўза фарз қилинди. Шоядки, тақводор бўлсангиз!” (Бақара сураси, 183-оят).

Бу оятда рўзанинг асосий мақсади тақво эканлиги таъкидланмоқда. Рўза нафақат очлик ва чанқоқликни ҳис қилиш, балки нафсни тийиш, гуноҳлардан сақланиш, қалбни поклаш ва Аллоҳга яқинлашиш учун ажойиб имкониятдир.

Пайғамбаримиз алайҳиссалом шундай деганлар: “Ким Рамазон ойида иймон ва ихлос билан рўза тутса, унинг олдинги гуноҳлари кечирилади”.

Ушбу ҳадисдан кўриниб турибдики, Рамазон ойини ибодат ва тавба билан ўтказган мусулмон гуноҳларидан покланади ва жаннатга мушарраф бўлиш имконига эга бўлади.

Рамазон ойи фақатгина рўза тутиш ойи эмас, балки инсонлар ўртасида муҳаббат, биродарлик ва хайру эҳсонни кенг ёйиш ойидир. Бу ойда қилинган ҳар бир савобли амал бир неча баробар кўпайтирилади. Пайғамбаримиз алайҳиссалом Рамазонда одамларга ниҳоятда саховатли бўлганлар. Ибн Аббос розияллоҳу анҳу шундай ривоят қилади: “Расулуллоҳ алайҳи васаллам одамларнинг энг саховатлиси эдилар. У зотнинг саховатлари энг юқори чўққига Рамазон ойида етар эди”.

Бу ҳадисдан англашиладики, мусулмон киши Рамазонда ўзининг ҳожатманд биродарларига ёрдам қўлини чўзишга интилмоғи лозим.

Бошқа бир ҳадиси шарифда Пайғамбаримиз алайҳиссалом: “Ким рўзадорга ифторлик берса, рўзадор олган савобнинг айниси унга ҳам берилади”, деганлар.

Шундан келиб чиқиб, хайру эҳсон ва ифторликларимизни ўз эгаси – муҳтожлар ва фақирлар, боқувчисини йўқотган, бир сўз билан айтганда эҳтиёжмандларга беришимиз нақадар савобли эканини унутмаслигимиз лозимдир.

Рамазон ойида Қуръон ўқиш, Аллоҳни зикр қилиш ва тавба қилиш савобларни оширади. Аллоҳга шукрки, бу йилги Рамазонда ҳам юртимизнинг кўплаб масжидларида, хусусан, вилоятимиздаги 195 та масжидларда таровеҳ ва хатми Қуръонлар адо этилади. Бунинг учун масжидларимизда кенг кўламли тайёргарлик ва ободонлаштириш ишлари олиб борилди. Бу ҳам бўлса, диёримизда диний-маърифий соҳада олиб борилаётган ислоҳотлар натижасидир.

Хулоса ўрнида айтадиган бўлсак, Рамазон ойи – бу маънавий юксалиш, гуноҳлардан покланиш, қалбни тозалаш ва Аллоҳнинг раҳматига эришиш имкониятидир. Бу ойда рўза тутиш, ибодат қилиш, Қуръон ўқиш, хайру эҳсон қилиш, муҳтожларга ёрдам бериш ва ҳар бир лаҳзани савобли ишларга бағишлаш лозим.

Аллоҳ таоло бизларни ушбу муборак ойнинг фазилатларидан баҳраманд қилсин, гуноҳларимизни мағфират этсин ва жаннат аҳлидан қилсин! Аллоҳ ватанимизга муборак ой сабаб Ўз раҳмати ва баракотини зиёда қилсин!

Убайдуллоҳ Абдуллаев,
Фарғона вилояти бош имом-хатиби
(Янги фарғона газетаси, 17-сон)

***

Ramazon oyi – musulmonlar uchun eng ulug‘, fayzli va barakali oylardan biri hisoblanadi. Bu oyda Alloh taoloning rahmati keng yoyiladi, bandalarning qilgan yaxshiliklari ko‘paytiriladi, gunohlari kechiriladi va ular jannatga musharraf bo‘lish uchun ulkan imkoniyatga ega bo‘ladilar.

Ramazon – Qur’on nozil qilingan, ro‘za farz qilingan, savoblar bir necha barobar orttirilgan va mo‘minlar uchun jannat eshiklari ochilgan oydir. Bu oyni ibodat, zikr, Qur’on tilovati, ro‘za, sadaqa, xayru ehson va shukronalik bilan o‘tkazish har bir musulmon uchun sharaf va ulkan imkoniyatdir.

Alloh taolo Qur’oni karimda shunday marhamat qiladi: “Ramazon oyi – unda odamlarga hidoyat hamda hidoyatu furqondan iborat ochiq-oydin hujjatlar bo‘lib, Qur’on nozil qilingan. Sizlardan kim bu oyga yetsa, ro‘za tutsin…” (Baqara surasi, 185-oyat).

Bu oyatda Ramazon oyining fazilati va uning ila kelgan ulkan ne’mat – Qur’oni karim zikr qilingan. Ramazon oyining eng buyuk alomati shuki, unda Payg‘ambarimiz alayhissalomga va butun insoniyatga hidoyat manbai bo‘lgan Qur’oni karim nozil qilingan. Payg‘ambarimiz Muhammad sollallohu alayhi vasallam Ramazon oyining ulkan fazilatlari haqida shunday deganlar:

“Ramazon oyi kelsa, jannat eshiklari ochiladi, do‘zax eshiklari yopiladi va shaytonlar kishanlanadi”.

Bu hadisda Ramazon oyida musulmonlar uchun jannat eshiklari ochilishi, gunohlar kechirilishi va shaytonlarning ta’siri susayishi zikr qilingan.

Ramazon oyining eng ulug‘ ibodati – ro‘za. Bu ibodat Alloh taoloning buyrug‘i bo‘lib, har bir balog‘atga yetgan, sog‘lom musulmon kishi uchun farz qilingandir. Alloh taolo Qur’onda shunday marhamat qiladi:

“Ey iymon keltirganlar! Sizlardan oldin o‘tgan ummatlarga ro‘za farz qilingani kabi sizlarga ham ro‘za farz qilindi. Shoyadki, taqvodor bo‘lsangiz!” (Baqara surasi, 183-oyat).

Bu oyatda ro‘zaning asosiy maqsadi taqvo ekanligi ta’kidlanmoqda. Ro‘za nafaqat ochlik va chanqoqlikni his qilish, balki nafsni tiyish, gunohlardan saqlanish, qalbni poklash va Allohga yaqinlashish uchun ajoyib imkoniyatdir.

Payg‘ambarimiz alayhissalom shunday deganlar: “Kim Ramazon oyida iymon va ixlos bilan ro‘za tutsa, uning oldingi gunohlari kechiriladi”.

Ushbu hadisdan ko‘rinib turibdiki, Ramazon oyini ibodat va tavba bilan o‘tkazgan musulmon gunohlaridan poklanadi va jannatga musharraf bo‘lish imkoniga ega bo‘ladi.

Ramazon oyi faqatgina ro‘za tutish oyi emas, balki insonlar o‘rtasida muhabbat, birodarlik va xayru ehsonni keng yoyish oyidir. Bu oyda qilingan har bir savobli amal bir necha barobar ko‘paytiriladi. Payg‘ambarimiz alayhissalom Ramazonda odamlarga nihoyatda saxovatli bo‘lganlar. Ibn Abbos roziyallohu anhu shunday rivoyat qiladi: “Rasululloh alayhi vasallam odamlarning eng saxovatlisi edilar. U zotning saxovatlari eng yuqori cho‘qqiga Ramazon oyida yetar edi”.

Bu hadisdan anglashiladiki, musulmon kishi Ramazonda o‘zining hojatmand birodarlariga yordam qo‘lini cho‘zishga intilmog‘i lozim.

Boshqa bir hadisi sharifda Payg‘ambarimiz alayhissalom: “Kim ro‘zadorga iftorlik bersa, ro‘zador olgan savobning aynisi unga ham beriladi”, deganlar.

Shundan kelib chiqib, xayru ehson va iftorliklarimizni o‘z egasi – muhtojlar va faqirlar, boquvchisini yo‘qotgan, bir so‘z bilan aytganda ehtiyojmandlarga berishimiz naqadar savobli ekanini unutmasligimiz lozimdir.

Ramazon oyida Qur’on o‘qish, Allohni zikr qilish va tavba qilish savoblarni oshiradi. Allohga shukrki, bu yilgi Ramazonda ham yurtimizning ko‘plab masjidlarida, xususan, viloyatimizdagi 195 ta masjidlarda taroveh va xatmi Qur’onlar ado etiladi. Buning uchun masjidlarimizda keng ko‘lamli tayyorgarlik va obodonlashtirish ishlari olib borildi. Bu ham bo‘lsa, diyorimizda diniy-ma’rifiy sohada olib borilayotgan islohotlar natijasidir.

Xulosa o‘rnida aytadigan bo‘lsak, Ramazon oyi – bu ma’naviy yuksalish, gunohlardan poklanish, qalbni tozalash va Allohning rahmatiga erishish imkoniyatidir. Bu oyda ro‘za tutish, ibodat qilish, Qur’on o‘qish, xayru ehson qilish, muhtojlarga yordam berish va har bir lahzani savobli ishlarga bag‘ishlash lozim.

Alloh taolo bizlarni ushbu muborak oyning fazilatlaridan bahramand qilsin, gunohlarimizni mag‘firat etsin va jannat ahlidan qilsin! Alloh vatanimizga muborak oy sabab O‘z rahmati va barakotini ziyoda qilsin!

Ubaydulloh Abdullayev,
Farg‘ona viloyati bosh imom-xatibi

Фарғона вилояти Олтиариқ тумани “Шоҳ Толиб” масжидида ўтказилган ташкилий йиғилишда Фарғона вилояти вакиллиги мутахассислари, туман-шаҳарлар бош имом-хатиблари ҳамда Олтиариқ туманидаги масжид имом-хатиблари, ноиблари, “Ҳаж-2024” зиёратчилари ва маҳалла фуқаролари йиғини раислари таклиф қилинди.

Убайдуллоҳ домла Абдуллаев бошчилигида Фарғона вилояти вакиллиги мутахассислари, туманлар бош имом-хатиблари, шунингдек тажрибали имом-хатиблардан таркиб топган Ишчи гуруҳ тузилди.

Ишчи гуруҳ аъзолари ҳамда имом-хатибларга бириктирилган маҳалла ҳудудидан “Ҳаж-2024” зиёратчисини маънавий-маърифий тадбирларга жалб этдилар. Биргаликда маҳалланинг энг камида 5 тагача муаммоли хонадонларига кириб, у ерда яшаётганлардан ҳол-аҳвол сўрадилар. Уларнинг муаммоларини ўргандилар, таклиф, фикр-мулоҳазаларини тингладилар. Имом-хатиблар 100 та оилага кириб, маънавий-маърифий тарғибот ҳамда амалий ёрдам тадбирларини олиб бордилар.

Туманнинг «Усмонобод» маҳалласида яшовчи боқувчисини йўқотган, кам таъминланган оилага тадбиркор ҳожилар ва имомлар кўмаги билан замонавий қулай шароитларга эга уй қуриб берилди. Ишчи гуруҳ мазкур хонадонга ташриф буюриб, хонадон эгалари билан мулоқот қилдилар.

Пешин намози сўнгида масжидларда жамоатга маъруза қилиниб, одамларга манфаат етказишнинг фазилати, офият улкан неъмат экани, ёшлар тарбияси доимий эътибор марказда бўлиши зарурлиги, бу борада ота-оналарнинг ўрни ҳақида илмий ва ҳаётий мисоллар ёрдамида тушунтирилди.

Шу билан бирга, “Охунбуво” зиёратгоҳида «Яшил макон» дастури доирасида манзарали кўчатлар экилди.

***

O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining 2024 yilning 12 dekabr kuni bo‘lib o‘tgan O‘zbekiston musulmonlari idorasi Ulamolar Kengashi yig‘ilishida hojilarning “Yangi O‘zbekistonning fidoyisi bo‘lib, ma’naviyat targ‘ibotchisiga aylanamiz” tashabbusi doirasidagi ko‘rsatmasiga asosan O‘zbekiston musulmonlari idorasi hamda Din ishlari bo‘yicha qo‘mita hamkorligida o‘tkazib kelinayotgan namunaviy-amaliy tadbirlarning navbatdagisi 2025 yil 6 fevral kuni Farg‘ona viloyati Oltiariq tumanida o‘tkazildi. Tadbirga O‘zbekiston musulmonlari idorasi Farg‘ona viloyati vakili, viloyat bosh imom-xatibi Ubaydulloh domla Abdullayev boshchilik qildi.

Farg‘ona viloyati Oltiariq tumani “Shoh Tolib” masjidida o‘tkazilgan tashkiliy yig‘ilishda Farg‘ona viloyati vakilligi mutaxassislari, tuman-shaharlar bosh imom-xatiblari hamda Oltiariq tumanidagi masjid imom-xatiblari, noiblari, “Haj-2024” ziyoratchilari va mahalla fuqarolari yig‘ini raislari taklif qilindi.

Ubaydulloh domla Abdullayev boshchiligida Farg‘ona viloyati vakilligi mutaxassislari, tumanlar bosh imom-xatiblari, shuningdek tajribali imom-xatiblardan tarkib topgan Ishchi guruh tuzildi.

Ishchi guruh a’zolari hamda imom-xatiblarga biriktirilgan mahalla hududidan “Haj-2024” ziyoratchisini ma’naviy-ma’rifiy tadbirlarga jalb etdilar. Birgalikda mahallaning eng kamida 5 tagacha muammoli xonadonlariga kirib, u yerda yashayotganlardan hol-ahvol so‘radilar. Ularning muammolarini o‘rgandilar, taklif, fikr-mulohazalarini tingladilar. Imom-xatiblar 100 ta oilaga kirib, ma’naviy-ma’rifiy targ‘ibot hamda amaliy yordam tadbirlarini olib bordilar.

Tumanning «Usmonobod» mahallasida yashovchi boquvchisini yo‘qotgan, kam ta’minlangan oilaga tadbirkor hojilar va imomlar ko‘magi bilan zamonaviy qulay sharoitlarga ega uy qurib berildi. Ishchi guruh mazkur xonadonga tashrif buyurib, xonadon egalari bilan muloqot qildilar.

Peshin namozi so‘ngida masjidlarda jamoatga ma’ruza qilinib, odamlarga manfaat yetkazishning fazilati, ofiyat ulkan ne’mat ekani, yoshlar tarbiyasi doimiy e’tibor markazda bo‘lishi zarurligi, bu borada ota-onalarning o‘rni haqida ilmiy va hayotiy misollar yordamida tushuntirildi.

Shu bilan birga, “Oxunbuvo” ziyoratgohida «Yashil makon» dasturi doirasida manzarali ko‘chatlar ekildi.

Афсуски, асримизда экстремизм ва терроризм хавфи ортмоқда. У сиёсий барқарорликни, миллий, фуқаролараро ва миллатлараро тотувликни бузишга, кўп миллатли ва кўп динли давлатни обрўсизлантиришга замин яратмоқда. Куни кеча Россия давлатида тинч аҳолига қарата амалга оширилган террор ҳаракати ҳам бунинг исботидир.

Бироқ муқаддас динимиз таълимотларининг асл моҳиятини англамаган мусулмонлар, айниқса, мусулмон ёшларининг террор иштирокчисига айланиб қолиши, дин ва мусулмон номидан турли хунрезликларда қатнашиши ачинарли ҳол, уммат учун мусибатдир.

Муқаддас ислом дини зулм ва зўравонликнинг ҳар қандай кўринишини қатъий қорайди. Аллоҳ таоло шундай марҳамат қилади: “Албатта, Аллоҳ адолатга, эзгу ишларга ва қариндошга яхшилик қилишга буюради ҳамда бузуқчилик, ёвуз ишлар ва зулмдан қайтаради” (Наҳл сураси, 91-оят).

Ислом бир инсонга тажовуз қилишни бутун инсониятга тажовуз қилиш ёки бир инсон ҳаётини сақлаб қолишни бутун инсониятни сақлаб қолиш, дея баҳолайди: “Бирор жонни ўлдирмаган ёки ерда (бузғунчилик ва қароқчилик каби) фасод ишларни қилмаган инсонни ўлдирган одам худди ҳамма одамларни ўлдирган кабидир. Унга ҳаёт бахш этган (ўлимдан қутқариб қолган) одам эса, барча одамларни тирилтирган кабидир” (Моида сураси, 32-ояти).

Расулуллоҳ соллаллоҳу алайҳи васаллам шундай огоҳлантирдилар: “Мусулмон мусулмоннинг биродаридир, унга зулм қилмайди, уни таҳқирламайди, ёрдамсиз ташлаб қўймайди”. Сўнг: “Тақво мана бу ердадир”, дея кўксларига уч марта ишора қилдилар ва: “Мусулмон биродарини ҳақорат қилиши кишининг ёмонлигига етарли далилдир”, дедилар (Имом Муслим ривояти).

Абдуллоҳ ибн Масъуд розияллоҳу анҳудан ривоят қилинган ҳадисда эса Расулуллоҳ соллаллоҳу алайҳи васаллам: “Мусулмонни сўкиш фосиқлик, ўлдириш эса куфрдир”, дедилар (Муттафақун алайҳ).

Ислом дини ва террор бир-бирига бутунлай қарама-қаршидир. Ислом бир инсонни ўлдириш у ёқда турсин, унга бироз озор беришдан ҳам қайтаради. Пайғамбаримиз Муҳаммад алайҳиссалом: “Ҳақиқий мусулмон унинг қўлидан ва тилидан бошқа мусулмонга озор етмайдиган кишидир”, деб таъкидлаганлар.

Гувоҳи бўлганингиздек, муқаддас динимиз инсонни ноҳақ қон тўкиш у ёқда турсин, ҳатто қўл ёки тил билан ўзгаларга озор беришдан огоҳлантиргандир. Бироқ турли экстремистик ва террорчи ташкилотлар ўзларининг ғаразли мақсадларидан келиб чиқиб, ислом таълимотининг айрим ғоя ва тамойиллари мазмун-моҳиятини бир ёқлама, нотўғри талқин қилиб, одамларни ҳидоят йўлидан адаштиришга уринмоқда.

Азиз биродарлар, муҳтарам ёшлар! Одамларни Ислом динидан қўрқитиш билан шуғулланувчилар – Аллоҳга ва охират кунига ишонмайдиган ёвуз кимсалардир. Модомики, улар ҳар қандай қабиҳ ишдан қайтмас экан, мусулмонларни ёмонотлиқ қилиш, бўҳтон ёғдириш, кўплаб хунрезликлар содир этишдан ҳам тап тортмайди. Бундай қинғирликларни қандайдир кўринмас кучлар қўлида қўғирчоқ бўлаётган исломни ниқоб қилган тўдалар зиммасига қўйиб, муборак Ислом дини билан боғлашга ҳаракат қиладилар. Бу ёвуз кучлар динимизнинг маърифатпарвар ғоялари ва ҳаётбахш ўгитларини ўзларининг манфур мақсадларига етишларида тўсиқ деб биладилар ва уни таназзулга учратиш учун жон-жаҳдлари билан ҳаракат қиладир ҳамда бу мақсад йўлида ҳар қандай ёмонликни қилишга тайёрдирлар. Сиз эса уларнинг бу каби ёлғон ва пуч даъволарига учманг!

Хулоса ўрнида айтамизки, терроризм ва экстеризмдан огоҳва ҳушёр бўлишимиз, ундан ўзимизни ва фарзандларимизни узоқ тутишимиз барчамизнинг бурчимиздир.

Убайдуллоҳ АБДУЛЛАЕВ,
Фарғона вилояти бош имом-хатиби

***

Bugungi kunda ekstremizm va terrorizm nafaqat alohida mamlakatlarning milliy xavfsizligiga, balki jahon hamjamiyatiga jiddiy tahdid solayotgan omilga aylanib ulgurdi. Terrorizm millat yo din tanlamaydi, uni biror millat yoki dinga nisbat berish mutlaqo noto‘g‘ri. Zero, terrorizmni hech qaysi din, hech qaysi millat oqlamaydi. Bo‘lib ham, nomining o‘ziyoq tinchlik va omonlikni ifodalovchi Islom terrorni mutloq qoralab kelgan. Eksterizm va terrorizm islom va islom ummatiga yot hisoblanadi. Mo‘min-musulmon qo‘li bilan, tili bilan birovga ozor bermaydi. Eksterizm va terrorizm esa o‘zgalarga zo‘ravonlik qilish, o‘zgalarga ozor berishdir. O‘zgalarga ozor berish, o‘zgalarga zo‘ravonlik qilish esa zulmdan boshqa narsa emas.

Afsuski, asrimizda ekstremizm va terrorizm xavfi ortmoqda. U siyosiy barqarorlikni, milliy, fuqarolararo va millatlararo totuvlikni buzishga, ko‘p millatli va ko‘p dinli davlatni obro‘sizlantirishga zamin yaratmoqda. Kuni kecha Rossiya davlatida tinch aholiga qarata amalga oshirilgan terror harakati ham buning isbotidir.

Biroq muqaddas dinimiz ta’limotlarining asl mohiyatini anglamagan musulmonlar, ayniqsa, musulmon yoshlarining terror ishtirokchisiga aylanib qolishi, din va musulmon nomidan turli xunrezliklarda qatnashishi achinarli hol, ummat uchun musibatdir.

Muqaddas islom dini zulm va zo‘ravonlikning har qanday ko‘rinishini qat’iy qoraydi. Alloh taolo shunday marhamat qiladi: “Albatta, Alloh adolatga, ezgu ishlarga va qarindoshga yaxshilik qilishga buyuradi hamda buzuqchilik, yovuz ishlar va zulmdan qaytaradi” (Nahl surasi, 91-oyat).

Islom bir insonga tajovuz qilishni butun insoniyatga tajovuz qilish yoki bir inson hayotini saqlab qolishni butun insoniyatni saqlab qolish, deya baholaydi: “Biror jonni o‘ldirmagan yoki yerda (buzg‘unchilik va qaroqchilik kabi) fasod ishlarni qilmagan insonni o‘ldirgan odam xuddi hamma odamlarni o‘ldirgan kabidir. Unga hayot baxsh etgan (o‘limdan qutqarib qolgan) odam esa, barcha odamlarni tiriltirgan kabidir” (Moida surasi, 32-oyati).

Rasululloh sollallohu alayhi vasallam shunday ogohlantirdilar: “Musulmon musulmonning birodaridir, unga zulm qilmaydi, uni tahqirlamaydi, yordamsiz tashlab qo‘ymaydi”. So‘ng: “Taqvo mana bu yerdadir”, deya ko‘kslariga uch marta ishora qildilar va: “Musulmon birodarini haqorat qilishi kishining yomonligiga yetarli dalildir”, dedilar (Imom Muslim rivoyati).

Abdulloh ibn Mas’ud roziyallohu anhudan rivoyat qilingan hadisda esa Rasululloh sollallohu alayhi vasallam: “Musulmonni so‘kish fosiqlik, o‘ldirish esa kufrdir”, dedilar (Muttafaqun alayh).

Islom dini va terror bir-biriga butunlay qarama-qarshidir. Islom bir insonni o‘ldirish u yoqda tursin, unga biroz ozor berishdan ham qaytaradi. Payg‘ambarimiz Muhammad alayhissalom: “Haqiqiy musulmon uning qo‘lidan va tilidan boshqa musulmonga ozor yetmaydigan kishidir”, deb ta’kidlaganlar.

Guvohi bo‘lganingizdek, muqaddas dinimiz insonni nohaq qon to‘kish u yoqda tursin, hatto qo‘l yoki til bilan o‘zgalarga ozor berishdan ogohlantirgandir. Biroq turli ekstremistik va terrorchi tashkilotlar o‘zlarining g‘arazli maqsadlaridan kelib chiqib, islom ta’limotining ayrim g‘oya va tamoyillari mazmun-mohiyatini bir yoqlama, noto‘g‘ri talqin qilib, odamlarni hidoyat yo‘lidan adashtirishga urinmoqda.

Aziz birodarlar, muhtaram yoshlar! Odamlarni Islom dinidan qo‘rqitish bilan shug‘ullanuvchilar – Allohga va oxirat kuniga ishonmaydigan yovuz kimsalardir. Modomiki, ular har qanday qabih ishdan qaytmas ekan, musulmonlarni yomonotliq qilish, bo‘hton yog‘dirish, ko‘plab xunrezliklar sodir etishdan ham tap tortmaydi. Bunday qing‘irliklarni qandaydir ko‘rinmas kuchlar qo‘lida qo‘g‘irchoq bo‘layotgan islomni niqob qilgan to‘dalar zimmasiga qo‘yib, muborak Islom dini bilan bog‘lashga harakat qiladilar. Bu yovuz kuchlar dinimizning ma’rifatparvar g‘oyalari va hayotbaxsh o‘gitlarini o‘zlarining manfur maqsadlariga yetishlarida to‘siq deb biladilar va uni tanazzulga uchratish uchun jon-jahdlari bilan harakat qiladir hamda bu maqsad yo‘lida har qanday yomonlikni qilishga tayyordirlar. Siz esa ularning bu kabi yolg‘on va puch da’volariga uchmang!

Xulosa o‘rnida aytamizki, terrorizm va eksterizmdan ogohva hushyor bo‘lishimiz, undan o‘zimizni va farzandlarimizni uzoq tutishimiz barchamizning burchimizdir.

Ubaydulloh ABDULLAYEV,
Farg‘ona viloyati bosh imom-xatibi

Жорий йил 10 март куни шу муносабат билан тадбир ташкил этилди. Унда вилоят бош имом-хатиби Убайдуллоҳ домла Абдуллаев иштирок этди. Масжид аҳлини Рамазон ойи билан табриклаб, янги иншоотни узоқ йиллар халқимизга хизмат қилишини тилаб дуо қилинди.

Тадбирда иштирок этган бир қатор фахрий ва нуронийлар тинчлик ва осойишталикда шу кунларга етказганига шукрона келтириб, фотиҳага қўл очдилар.

* * *

Qo‘shtepa tumanidagi Paxtakor qishlog‘ida faoliyat yuritayotgan «Hazrati Mavlono Lutfullo» masjidining yangi xonaqohi bitkazilib, muborak Ramazon oyi oldidan mo‘min-musulmonlarga tuhfa qilindi.

Joriy yil 10 mart kuni shu munosabat bilan tadbir tashkil etildi. Unda viloyat bosh imom-xatibi Ubaydulloh domla Abdullayev ishtirok etdi. Masjid ahlini Ramazon oyi bilan tabriklab, yangi inshootni uzoq yillar xalqimizga xizmat qilishini tilab duo qilindi.

Tadbirda ishtirok etgan bir qator faxriy va nuroniylar tinchlik va osoyishtalikda shu kunlarga yetkazganiga shukrona keltirib, fotihaga qo‘l ochdilar.

Тадбирни вилоят бош имом-хатиби Убайдуллоҳ домла Абдуллаев очиб, айни вақтда вилоятимизнинг Фарғона шаҳри ва Бувайда туманларида Тошкент Ислом институти билан ҳамкорликда ташкил этилган ўқув курслари фаолият олиб бораётгани қайд этилди.

Ўзбекистон мусулмонлари идораси раиси ўринбосари Муҳаммадолим домла Муҳаммадсиддиқов тингловчиларни уч ой давомида Қуръони каримни тажвид қоидалари асосида ўқишга мушарраф бўлганлари билан табриклаб, муфтий ҳазратнинг саломларини етказди.

Якунда битирувчиларга махсус шаҳодатномалар топширилди.