Давлатимиз раҳбарининг «Муборак Рамазон ойини муносиб тарзда ўтказиш тўғрисида»ги қарорига биноан бу йилги қутлуғ ой «Рамазон – саховат, бирдамлик ва бағрикенглик ойи» шиори остида ўтказилмоқда. Имом-хатиблар саъй-ҳаракати билан аҳолининг маънавий-моддий кўмакка муҳтож қатламига кўрсатилаётган ёрдамлар салмоғи тобора ортмоқда. Муборак ойда марғилонлик имом-хатиблар ҳам тарғибот гуруҳи фаоллари билан шаҳридаги ногирон, боқувчисини йўқотган, кам таъминланган, ижтимоий кўмак ва ҳимояга муҳтож шахслар, ўзга дин ва миллатга мансуб кишилар ҳолидан хабар олдилар. Улар билан мулоқот ўтказиб, муаммолари ўрганилди. Юртимизда амалга оширилаётган ислоҳотлар тилга олинди, турли миллат ва дин вакиллари бағрикенглик руҳида ва дўстона муносабатда яшаётганлар эътироф этилди.

Дарҳақиқат, қайси жамиятларда аҳиллик, биродарлик, ўзаро ҳамжиҳатлик жорий бўлса, тараққиёт, равнақ ва эл осойишталиги-ю халқ фаровонлиги ҳукм сурган. Аксинча, қай бир жамиятда муросасизлик, ўзаро хусумат кучайса, бундай жамиятларда уруш ва можаролар авж олган, юрт вайрон, эл пароканда бўлган. Аллоҳ таоло бандаларини урушишга, бир-бирларининг қонини тўкишга, можаролар чиқаришга эмас, қандай дин ва эътиқодда бўлишдан қатъий назар аҳилликда, бир-бирларига бағрикенгликда, ўзгаларнинг ҳақ-ҳуқуқларини ҳурматлаган ҳолда яшашга буюрган.

Ташриф давомида халқимизни Рамазон ойи билан муборакбод этилди, тинчлик ва хотиржамликка яна бир бор шукрона келтириб, дуо қилинди.

Фарғона вилояти вакиллиги Матбуот хизмати

***

Payg‘ambarimiz alayhissalom Ramazon oyida barcha odamlarga mehribon bo‘lib, eng ko‘p saxovatli bo‘lganlar. Ibn Abbos (r.a.) rivoyat qilgan hadisda: “Rasululloh sollallohu alayhi vasallam eng saxovatli inson edilar. Ayniqsa, Ramazonda saxovatlari yanada oshardi. Rasululloh (s.a.v.) Ramazonda esayotgan mo‘tadil shamol kabi odamlarga saxovat ko‘rsatardilar”, deyilgan.

Davlatimiz rahbarining «Muborak Ramazon oyini munosib tarzda o‘tkazish to‘g‘risida»gi qaroriga binoan bu yilgi qutlug‘ oy «Ramazon – saxovat, birdamlik va bag‘rikenglik oyi» shiori ostida o‘tkazilmoqda. Imom-xatiblar sa’y-harakati bilan aholining ma’naviy-moddiy ko‘makka muhtoj qatlamiga ko‘rsatilayotgan yordamlar salmog‘i tobora ortmoqda. Muborak oyda marg‘ilonlik imom-xatiblar ham targ‘ibot guruhi faollari bilan shahridagi nogiron, boquvchisini yo‘qotgan, kam ta’minlangan, ijtimoiy ko‘mak va himoyaga muhtoj shaxslar, o‘zga din va millatga mansub kishilar holidan xabar oldilar. Ular bilan muloqot o‘tkazib, muammolari o‘rganildi. Yurtimizda amalga oshirilayotgan islohotlar tilga olindi, turli millat va din vakillari bag‘rikenglik ruhida va do‘stona munosabatda yashayotganlar e’tirof etildi.

Darhaqiqat, qaysi jamiyatlarda ahillik, birodarlik, o‘zaro hamjihatlik joriy bo‘lsa, taraqqiyot, ravnaq va el osoyishtaligi-yu xalq farovonligi hukm surgan. Aksincha, qay bir jamiyatda murosasizlik, o‘zaro xusumat kuchaysa, bunday jamiyatlarda urush va mojarolar avj olgan, yurt vayron, el parokanda bo‘lgan. Alloh taolo bandalarini urushishga, bir-birlarining qonini to‘kishga, mojarolar chiqarishga emas, qanday din va e’tiqodda bo‘lishdan qat’iy nazar ahillikda, bir-birlariga bag‘rikenglikda, o‘zgalarning haq-huquqlarini hurmatlagan holda yashashga buyurgan.

Tashrif davomida xalqimizni Ramazon oyi bilan muborakbod etildi, tinchlik va xotirjamlikka yana bir bor shukrona keltirib, duo qilindi.

Farg‘ona viloyati vakilligi Matbuot xizmati

Fargonaziyo.uz сайти таҳририяти

Ҳозирги пандемия пайтида ишсизлар, ёрдам ва кўмакка муҳтож аҳолига  кўмак бериш мақсадида, Президент «Саховат ва кўмак» умумхалқ ҳаракатини йўлга қўйиш ташаббусини илгари сурди.

«Яқин кунларда барчамиз учун муқаддас бўлган Рамазон ойи кириб келади. Бу ойда эҳтиёжманд ва муҳтож оилаларга ёрдам кўрсатиш ҳам қарз, ҳам фарздир. Шунинг учун ушбу муқаддас ойда ҳар бир тадбиркор ўзи фаолият юритаётган ҳудудда ижтимоий ҳимояга муҳтож аҳолини, аввало маҳалладошлари, қўни-қўшниларини фаол қўллаб-қувватлаши мақсадга мувофиқ», — деган эди давлат раҳбари.

Бунинг натижасида Рамазон ойида амалга ошириладиган эҳсон ва хайриялар манзилли бўлиши, ифторликларга сарфланадиган маблағлар ва озиқ-овқат маҳсулотлари аҳолининг кам таъминланган қатламларига йўналтирилиши лозимлиги таъкидланган.

«Саховат ва кўмак» умумхалқ ҳаракати давлатимиз ва халқимиз қудратининг амалий намоёнига айланишига ишонаман, — дея таъкидлади Президент.

Бугунги кунда муҳтарам президентимизнинг ташаббусларига саховатпеша инсонлар, тадбиркорлар ўз ҳимматлари билан лаббай деб жавоб бераётганлари қувонарли ҳолдир.

“Саховат” сўзи асли арабча сўз бўлиб, бизнинг тилимизда бир нарсанинг ғоятда кенглигини билдиради. Уламолар “саховатни ҳожат тушганда керакли нарсани, бировнинг сўровисиз, кераклигича бериш” деганлар.

لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ وَمَا تُنْفِقُوا مِنْ شَيْءٍ فَإِنَّ اللَّهَ بِهِ عَلِيمٌ

“Суйган нарсаларингиздан эҳсон қилмагунингизча сира яхшилик (жаннатга)га ета олмайсизлар. Ниманики эҳсон қилсангиз, албатта, Аллоҳ уни билгувчидир” (Оли Имрон, 92-оят). Сахийлик энг яхши инсоний хулқлардандир. Пайғамбаримиз Муҳаммад алайҳиссалом яхшилик қилишда, сахийликда, инфоқ эҳсон қилишликда саховатлиларнинг саховатлиси эдилар. У зотдан бирор нарса сўралса, асло йўқ демас эдилар. Муборак Рамазон ойи раҳм-шафқат, меҳр мурувват ва саховат ишларини янада авж олдирадиган ойдир. Сахий ва олий ҳимматли, мурувватли ва меҳр шафқатли бўлиш улуғ инсоний фазилатдир. Бундай фазилатлар соҳиби бўлиш учун ҳар ким, ҳар куни эзгу, савоб ишларни қилмоғи керак. Аллоҳ таоло ато этган беҳисоб неъматларига шукрона қилиб туришлик зарур бўлади. Закот, садақа ва хайр-эҳсон эса берилган неъматларга инсоннинг шукрона қилиб бораётганлигига далолатдир. Бунинг эвазига Аллоҳ таоло эҳсон эгасининг молу давлатини янада зиёда қилишликни ва унга ажру савоблар ато этилишликни ваъда қилади. Пайғамбаримиз Муҳаммад саллоллоҳу алайҳи васаллам шундай деганлар: “Бахил одам Аллоҳ таолодан ҳам, жаннатдан ҳам, одамлардан ҳам узоқ, лекин дўзахга яқиндир. Сахий одам аксинча, Аллоҳга ҳам, жаннатга ҳам, одамларга ҳам яқин, дўзахдан эса узоқдир”.

Имом Абуллайс ас-Самарқандий ўз оталаридан бошлаб то Ибни Аббосгача бўлган ровийлардан нақл этиб, Расулуллоҳ саллоллоҳу алайҳи васалламдан ривоят қиладиларки: “Он ҳазрат бир куни хонаи  Каъба ёнидан ўтиб бораётсалар, зору тазарруъ ила дуо қилиб турган бир кишини кўрибдилар. У ўз дуосида: “Эй Парвардигоро, шу Каъбанг ҳурмати, мени мағфират қилгин!” дер эди. Шунда  Расулуллоҳ саллоллоҳу алайҳи васаллам унга қараб: “Эй банда, ўз ҳурматингни восита қилиб Аллоҳдан мағфират сўрайвер, чунки мўмин кишининг ҳурмати каъбанинг ҳурматидан ҳам улуғ туради”, дедилар. Шунда у одам айтдики: “Ё  Расулаллоҳ! Менда жуда катта гуноҳ бор. У ҳам бўлса, мендаги ўта бахиллик ва қизғончиқликдир. Молу давлатим жуда кўп. Лекин бирор киши шу давлатимдан бир нарса сўраб қолгудек бўлса, юзимдан гўё олов чиқиб кетгандек бўлади. Шу даражада бировга бир нарса беришга қизғонаман. Аллоҳдан мана шу гуноҳимни кечиришини сўраб турибман”, деди. Шунда Расулуллоҳ саллоллоҳу алайҳи васаллам унга қараб айтдилар: “Эй фосиқ банда, мендан узоқлаш, то ўша оловинг мени ҳам куйдирмасин! Лекин билиб қўйки, минг йил рўза тутиб, намоз ўқисангу, хасис ҳолда дунёдан ўтсанг, Аллоҳ таоло сени барибир оташи дўзахга гирифтор қилур. Чунки хасислик куфрдир. Куфрнинг жойи эса дўзах. Сахийлик имондандир. Имоннинг жойи эса жаннат”, деб марҳамат қилган эканлар.

Пайғамбаримиз Муҳаммад соллаллоҳу алайҳи васаллам яхшилик қилишда, сахийликда, инфоқ-эҳсон қилишда саховатлиларнинг саховатлиси эдилар. У зотдан бирор нарса сўралса, асло йўқ, демасдилар. Сахийлик нажот топишнинг йўлларидандир. Мажидиддин Хавофий шундай дейди: “Олимларнинг айтишларича, одамлар тўрт тоифадан иборат: уларнинг бирлари очкўзлардир, булар ўзлари еб, бошқага беришмайди. Иккинчилари ўта кетган зиқналар бўлиб, улар ўзлари ҳам ейишмайди ва бошқаларга ҳам беришмайди. Учинчи тоифа сахий кишилар бўлиб, улар ўзлари ҳам ейишади ва бошқага ҳам беришади. Тўртинчилари олийҳиммат кишилардир, улар ўзлари емай, бошқаларга беришади”. Яна шу киши: Сахийлик – инсоннинг саховат кўрсатиб, кейин бу ҳақда унутишидир”, деган. Хуллас, ҳазрати Али айтганларидек, “Бойлик эҳсон қилинса иззат, беркитилса хорлик келтиради”.

Сахийлик инсоннинг зийнати бўлган гўзал ахлоқлардан биридир. Саховатнинг катта кичиги бўлмайди. Ҳар ким имкони борича, қўлидан келганича саховат кўрсатаверса, Аллоҳ таолонинг кенг даргоҳидан кўп савобга етишаверар экан.

А.Наимов,
Фарғона вилояти бош имом-хатиби ўринбосари