Риштон туманида ўтказилган сайёр тадбирга вилоят вакиллиги мутахассислари, тажрибали имом-хатиблар, шунингдек, туманда фаолият юритаётган масжид имом-хатиблари ва имом-ноиблари ҳамда “Ҳаж-2025” зиёратчилари таклиф этилди. Тадбирда иштирокчилар аҳоли билан мулоқот қилиб, уларнинг муаммолари ва эҳтиёжларини ўрганиш, маънавий-маърифий тарғибот ишларини олиб боришга алоҳида эътибор қаратдилар.

Сайёр тадбир доирасида имом-хатиблар томонидан 7 тоифага мансуб 45 та оила хонадонларига кириб борилди. Ушбу хонадонларда яшовчи фуқаролар билан самимий суҳбатлар ўтказилиб, уларга маънавий-маърифий тарғибот ишлари олиб борилди. Шу билан бирга, эҳтиёжманд оилаларга амалий ёрдам кўрсатилиб, уларнинг турмуш шароитини яхшилашга қаратилган чора-тадбирлар амалга оширилди.

Мазкур тадбир доирасида туманнинг Амиробод маҳалла фуқаролар йиғинида истиқомат қилувчи, боқувчисини йўқотган, икки нафар фарзандни тарбиялаётган она хонадонига ҳам ташриф буюрилди. Ушбу оила учун қуриб берилаётган янги хонадонда амалга оширилаётган ишлар билан яқиндан танишилиб, қурилиш жараёни кўздан кечирилди. Эндиликда хонадон пардозлаш ва жиҳозлаш ишлари олиб борилиши режалаштирилмоқда.

Вилоят бош имом-хатиби Убайдуллоҳ домла Абдуллаев Фарғона вилятида ҳожилар ва ҳомийлар кўмагида муҳтож оилаларга уй қуриб берилаётгани ёки таъмирлаб берилаётгани, бу борада имомларнинг хизмати катта эканини эътироф этиб, мана шундай эзгу ишларни амалга ошираётган саховатпешалар ҳамда имом-хатиларга миннатдорчилик билдирди.

Шунингдек, тадбир доирасида атроф-муҳитни муҳофаза қилиш ва ободонлаштиришга қаратилган ишлар ҳам амалга оширилди. Хусусан, “Яшил макон” умуммиллий дастури доирасида “Зоҳидон” масжиди ҳудудидаги бўш ер майдонига манзарали кўчатлар экилди.

***

Yurtimizda “inson qadri uchun” tamoyili asosida aholining ijtimoiy himoyaga muhtoj qatlamlarini qo‘llab-quvvatlash, ularning turmush sharoitini yaxshilashga qaratilgan ezgu ishlar izchil davom etmoqda. Ana shunday tadbirlardan biri Rishton tumanida tashkil etildi.

Rishton tumanida o‘tkazilgan sayyor tadbirga viloyat vakilligi mutaxassislari, tajribali imom-xatiblar, shuningdek, tumanda faoliyat yuritayotgan masjid imom-xatiblari va imom-noiblari hamda “Haj-2025” ziyoratchilari taklif etildi. Tadbirda ishtirokchilar aholi bilan muloqot qilib, ularning muammolari va ehtiyojlarini o‘rganish, maʼnaviy-maʼrifiy targ‘ibot ishlarini olib borishga alohida eʼtibor qaratdilar.

Sayyor tadbir doirasida imom-xatiblar tomonidan 7 toifaga mansub 45 ta oila xonadonlariga kirib borildi. Ushbu xonadonlarda yashovchi fuqarolar bilan samimiy suhbatlar o‘tkazilib, ularga maʼnaviy-maʼrifiy targ‘ibot ishlari olib borildi. Shu bilan birga, ehtiyojmand oilalarga amaliy yordam ko‘rsatilib, ularning turmush sharoitini yaxshilashga qaratilgan chora-tadbirlar amalga oshirildi.

Mazkur tadbir doirasida tumanning Amirobod mahalla fuqarolar yig‘inida istiqomat qiluvchi, boquvchisini yo‘qotgan, ikki nafar farzandni tarbiyalayotgan ona xonadoniga ham tashrif buyurildi. Ushbu oila uchun qurib berilayotgan yangi xonadonda amalga oshirilayotgan ishlar bilan yaqindan tanishilib, qurilish jarayoni ko‘zdan kechirildi. Endilikda xonadon pardozlash va jihozlash ishlari olib borilishi rejalashtirilmoqda.

Viloyat bosh imom-xatibi Ubaydulloh domla Abdullayev Farg‘ona vilyatida hojilar va homiylar ko‘magida muhtoj oilalarga uy qurib berilayotgani yoki taʼmirlab berilayotgani, bu borada imomlarning xizmati katta ekanini eʼtirof etib, mana shunday ezgu ishlarni amalga oshirayotgan saxovatpeshalar hamda imom-xatilarga minnatdorchilik bildirdi.

Shuningdek, tadbir doirasida atrof-muhitni muhofaza qilish va obodonlashtirishga qaratilgan ishlar ham amalga oshirildi. Xususan, “Yashil makon” umummilliy dasturi doirasida “Zohidon” masjidi hududidagi bo‘sh yer maydoniga manzarali ko‘chatlar ekildi.

***

Rishton tumani «Qalandarxona» masjidida Rishton va Bag‘dod tumanlarida faoliyat olib borayotgan imom-xatib va imom noiblarining haftalik ma’naviyat uchrashuvi bo‘lib o‘tdi. Unda Farg‘ona viloyati bosh imom-xatibi o‘rinbosari Alisher domla Naimov ishtirok etib, oldinda amalga oshirilishi zarur bo‘lgan ishlar muhokama qilindi.

Вилоят ҳокими Хайрулло Бозоров Риштон туманидаги ўрганишлар жараёнида тумандаги Бурҳониддин ар-Рошидоний номидаги “Соҳиби Ҳидоя” зиёратгоҳида бўлди. Хайрулло Бозоров, вилоят ҳокимлиги томонидан ишлаб чиқилган, Туркия ҳамкорлик ва мувофиқлаштириш агентлигининг халқаро грантини жалб этган ҳолда зиёратгоҳни реконструкция ва реставрация қилиш лойиҳаси билан жойида танишди.

Зиёратгоҳнинг “Соҳиби Ҳидоя” деб аталиши фиқҳ илми, яъни Ислом ҳуқуқшунослигининг энг забардаст алломаларидан бири, “Бурҳониддин вал-Милла” (диннинг ва халқларнинг ҳужжати) номи билан шарафланган буюк олим Бурҳониддин Ар-Рошидоний Ал-Марғинонийнинг фиқҳ илмидаги шоҳ асари бўлган “Ал-Ҳидоя”дан олинган бўлиб, форсийда “Ҳидоя асарининг эгаси, яъни муаллифи” деган маънони англатади.

Режалаштирилаётган лойиҳага кўра, “Соҳиби Ҳидоя” зиёратгоҳи ҳудудида янги ва замонавий бино-ишоотлар қурилиши ва унинг негизида “Фиқҳ” илмий-амалий маркази ташкил этиш, кутубхона барпо этиш, зиёрат туризмини янада ривожлантириш масалаларига алоҳида эътибор қаратилмоқда.

Лойиҳа билан танишган вилоят ҳокими, янги мажмуада Бурҳониддин Ар-Рошидоний Ал-Марғинонийнинг ҳаёти ва асарларига бағишланган музей ташкил этиш таклифини илгари сурди.

Диний соҳа раҳбарлари хизмат сафари давомида муҳтарам Юртбошимизнинг ташаббуслари билан Сурия давлатининг уриш ўчоқлари бўлган ҳудудларидан “Меҳр – 3” инсонпарварлик тадбирлари натижасида она-Ватанимизга қайтарилган Фарғона вилояти Риштон тумани “Ҳуррамобод” маҳалласида яшовчи аёллар ва болалар истиқомат қилаётган хонадонларга бориб, уларнинг ҳолидан хабар олдилар.

Таъкидлаш жоизки, ушбу хонадонлар республикамизнинг олис ва Қирғизистон давлати билан чегарадош ҳудудда жойлашган. Уларнинг яшаши, таълим олишига ҳукуматимиз томонидан барча шарт-шароит ва имкониятлар муҳайё қилинган.

Муфтий ҳазратлари оғир шароитларни бошидан ўтказган мазкур ватандошларимиз билан чин дилдан суҳбат қурдилар, уларнинг кўнглини илиқ сўз ва ҳадялар ила кўтардилар, ҳақларига хайрли дуолар қилдилар. Мана шундай эътибор ва эҳтиромдан хонадон аҳлларининг дилларига мамнунлик улашишилди. Ушбу оилалар бундай савобли ишлардан жуда хурсанд бўлганларини, хонадонлари ва диллари қувончга тўлганини баён этишди.