Қон – Alhidoya.uz

Қўқонда барпо этилаётган Ҳунармандчилик ва туризм марказида муҳташам масжид ҳам барпо этилмоқда

Alhidoya.uz таҳририяти — Thu, 22 Sep 2022 13:17:01 +0000

Вилоят ҳокими Хайрулло Бозоров вилоят секторлари раҳбарлари билан бирга Қўқон шаҳрининг Боғистон кўчасида барпо этилаётган Ҳунармандчилик ва туризм марказида бўлиб, қурилиш ишларининг бориши билан танишди. Бу ҳақда ҳокимлик Ахборот хизмати маълум қилди.

Хабарда қайд этилишича, тўғридан-тўғри хорижий инвестиция ҳисобига амалга оширилаётган, лойиҳа қиймати 12,5 миллион доллар бўлган Ҳунармандчилик ва туризм марказидан ҳунармандлар учун савдо расталари, меҳмонхона, тантаналар саройи, амфитеатр, йирик савдо мажмуаси, кўнгилочар масканлар, болалар ўйин зоналари каби объектлар ўрин олган. Марказ ҳудудида сиғими 5 минг кишилик масжид ҳам барпо этилмоқда.

Вилоят ҳокими марказ қурилишини муддатида якунлашга кўмаклашиш ҳамда мажмуа ҳудуди атрофини ободонлаштириш бўйича вилоят ва шаҳар масъулларига кўрсатма берди.

Муфтий ҳазратлари ташриф қиладиган Қўқондаги масжиддаги тайёргарлик жараёнлари (фотолавҳа)

Alhidoya.uz таҳририяти — Mon, 11 Apr 2022 07:02:18 +0000

Бугун, 11 апрель куни Ўзбекистон мусулмонлари идораси раиси, муфтий Нуриддин домла ҳазратлари Фарғона вилоятига сафарлари давомида Қўқон шаҳридаги “Дегрезлик” масжидига пешин намозига ташриф буюриб, қўқонлик мўмин-мусулмонларга илк маърифий суҳбатни қилиб берадилар.

Айни пайтда Муфтий ҳазратлари ва мўмин-мусулмонлар ташрифларига масжидда барча тайёргарликлар ҳозирланган.

Маълумот учун, “Дегрезлик” жоме масжиди Қўқон шаҳрида жойлашган бўлиб, 2011 йилда ҳашар йўли билан барпо этилган. Масжиднинг умумий майдони 21 сотихни ташкил этади. Жомеда бир вақтнинг ўзида 4500 нафар намозхон эмин-эркин ибодат қилиши мумкин. Бунинг учун барча шароитлар яратилган. “Дегрезлик” сўзи “чўян қуювчи” маъносини англатади.

Муфтий ҳазратларининг гўзал суҳбатларидан баҳра олиш учун мўмин-мусулмонларимизни таклиф этамиз.

Ўзбекистон мусулмонлари идораси Матбуот хизмати

Муфтий ҳазратлари Қўқондаги «Дегрезлик» масжидига пешин намозига, Марғилондаги «Хонақоҳ» жомесига таровиҳ намозига ташриф буюрадилар

Alhidoya.uz таҳририяти — Mon, 11 Apr 2022 01:22:18 +0000

Шу йил 11 апрель, душанба куни Ўзбекистон мусулмонлари идораси раиси, муфтий Нуриддин домла ҳазратлари Қўқон шаҳридаги «Дегрезлик» масжидига пешин намозига ташриф қиладилар.

Таровеҳ намозига эса, Марғилон шаҳридаги «Хонақоҳ» масжидига ташриф буюрадилар.

Пешин ва таровиҳ намозларида Муфтий ҳазратларининг мазмунли мавъизаларидан баҳраманд бўламиз, инша Аллоҳ.

Мўмин-мусулмонларимизни гўзал суҳбатларга таклиф этамиз.

Ушбу ташриф сайт ва ижтимоий тармоқларимиз орқали онлайн эфирга узатилади.

Youtube орқали томоша қилиш

Facebook орқали томоша қилиш

Instagram орқали томоша қилиш

Telegram voice орқали эшитиш

ITV орқали томоша қилиш

Ўзбекистон мусулмонлари идораси Матбуот хизмати

Қон теккан кийимда намоз ўқиш жоизми?

Alhidoya.uz таҳририяти — Tue, 01 Mar 2022 13:00:26 +0000

Савол: Ассалому алайкум!
— Кийимимга қон теккан эди. Эсимдан чиқиб пешин намозини ўқиб қўйибман, икки соатдан кейин қон текканини эслаб қолдим. Намозни қайтадан ўқишим керакми?

Жавоб: Ва алайкум ассалом!
— Қон оғир нажосат ҳисобланади. Агар у дирҳам (танга) миқдоридан катта бўлса, шу кийимда ўқилган намозни қайта қазо қилиб ўқиб оласиз. Агар дирҳам миқдорича ёки ундан оз миқдорда теккан бўлса, намоз дуруст бўлган ҳисобланади.

«قلت: فَإِن أصَاب يَده بَوْل أَو دم أَو عذرة أَو خمر هَل ينْقض ذَلِك وضوءه؟ قَالَ: لَا وَلَكِن يغسل ذَلِك الْمَكَان الَّذِي أَصَابَهُ. قلت: فَإِن صلى بِهِ وَلم يغسلهُ؟ قَالَ: إِن كَانَ أَكثر من قدر الدِّرْهَم غسله وَأعَاد الصَّلَاة وَإِن كَانَ قدر الدِّرْهَم أَو أقل من قدر الدِّرْهَم لم يعد الصَّلَاة».

Мен «Агар қўлга сийдик, қон, тезак, хамр (маст қилувчи ичимлик) тегса, таҳорат синадими?», дедим. «Йўқ. Аммо нажосат теккан жойни ювиб ташлайди», деди. Яна мен «Агар ўша нажосатни ювмай намоз ўқиган бўлсачи?», дедим. «Агар дирҳам миқдоридан кўпроқ теккан бўлса, ўша жойни ювиб, намозни қайта ўқийди. Агар дирҳам ёки ундан оз миқдорда теккан бўлса, намозни қайта ўқимайди», деди. Мабсути Сарахсий. Валлоҳу аълам.

ЎМИ Фатво ҳайъати