Муфтий ҳазратлари – Alhidoya.uz

Муфтий ҳазратлари сайловда муносиб номзодларга овоз бердилар

Alhidoya.uz таҳририяти — Sun, 27 Oct 2024 08:53:35 +0000

Бугун, 27 октябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари юртимиз тарихидаги муҳим воқеа – Ўзбекистон Республикаси Олий Мажлис Қонунчилик палатаси ва халқ депутатлари маҳаллий Кенгашлари сайловида қатнашиб, муносиб номзодларга овоз бердилар.

Ватан келажаги, жамият осойишталиги ва халқ саодатини таъминлашда муҳим бўлган мазкур умумхалқ сайлови жараёнлари юртимизда очиқлик ва шаффофлик асосида ўтмоқда. Шайх Нуриддин Холиқназар ҳазратлари Тошкент шаҳри Яккасарой туманида жойлашган 576-сайлов участкасига келиб, овоз бериш жараёнида қатнашдилар.

Шундан сўнг Муфтий ҳазратлари ушбу участка мутасаддилари, нуронийлар ва оммавий ахборот воситалари ходимлари билан суҳбат қуриб, овоз бериш жараёнлари ҳақида қуйидаги фикр-мулоҳазаларини билдирлар:

– Аллоҳ таолога шукрки, бугун тарихий воқеада иштирок этиш бахтига муяссар бўлдик. У ҳам бўлса, Олий Мажлис Қонунчилик палатаси ва халқ депутатлари маҳаллий Кенгашларига овоз бериш кунидир. Мен ҳам мана шундай бир юртнинг фуқароси сифатида овоз беришда иштирок этдим. Биз ҳам она Ватан тараққиёти, юрт тинчлиги ва халқ фаровонлигига ҳисса қўшадиган, муносиб номзодларга яхши ният ила овоз бердик.

Сайлов участкаларида овоз бериш учун барча шароитлар ҳозирлангани барчани мамнун этмоқда. Ислом манбаларида сайлаш ва сайланиш ҳақида ҳам баён этилган, халқ жамият бошқарувида иштирок этадиган ўз вакилларини сайлаб олиши зарурдир. Шу боис ҳам давлат ва жамият тараққиёти, ижтимоий-иқтисодий ривожланиш, ёшларни илм-маърифатли қилишга ҳисса қўшадиган муносиб номзодларни танлаш ва сайлаш – ўта муҳим масаладир.

Таъкидлаш жоизки, бугунги овоз бериш жараёнларида диний соҳа ходимлари, уламолар, имом-хатиблар, отинойилар ва мударрислар ҳам фаол иштирок этиб, барчага намуна бўлмоқдалар. Зеро, сайловчилар фаоллиги миллат ҳамжиҳатлигини, ўз келажагига бўлган ишончни, олиб борилаётган ислоҳотларни қўллаб-қувватланишини яққол намоён этади.

***

Bugun, 27 oktyabr kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari yurtimiz tarixidagi muhim voqea – O‘zbekiston Respublikasi Oliy Majlis Qonunchilik palatasi va xalq deputatlari mahalliy Kengashlari saylovida qatnashib, munosib nomzodlarga ovoz berdilar.

Vatan kelajagi, jamiyat osoyishtaligi va xalq saodatini ta’minlashda muhim bo‘lgan mazkur umumxalq saylovi jarayonlari yurtimizda ochiqlik va shaffoflik asosida o‘tmoqda. Shayx Nuriddin Xoliqnazar hazratlari Toshkent shahri Yakkasaroy tumanida joylashgan 576-saylov uchastkasiga kelib, ovoz berish jarayonida qatnashdilar.

Shundan so‘ng Muftiy hazratlari ushbu uchastka mutasaddilari, nuroniylar va ommaviy axborot vositalari xodimlari bilan suhbat qurib, ovoz berish jarayonlari haqida quyidagi fikr-mulohazalarini bildirlar:

– Alloh taologa shukrki, bugun tarixiy voqeada ishtirok etish baxtiga muyassar bo‘ldik. U ham bo‘lsa, Oliy Majlis Qonunchilik palatasi va xalq deputatlari mahalliy Kengashlariga ovoz berish kunidir. Men ham mana shunday bir yurtning fuqarosi sifatida ovoz berishda ishtirok etdim. Biz ham ona Vatan taraqqiyoti, yurt tinchligi va xalq farovonligiga hissa qo‘shadigan, munosib nomzodlarga yaxshi niyat ila ovoz berdik.

Saylov uchastkalarida ovoz berish uchun barcha sharoitlar hozirlangani barchani mamnun etmoqda. Islom manbalarida saylash va saylanish haqida ham bayon etilgan, xalq jamiyat boshqaruvida ishtirok etadigan o‘z vakillarini saylab olishi zarurdir. Shu bois ham davlat va jamiyat taraqqiyoti, ijtimoiy-iqtisodiy rivojlanish, yoshlarni ilm-ma’rifatli qilishga hissa qo‘shadigan munosib nomzodlarni tanlash va saylash – o‘ta muhim masaladir.

Ta’kidlash joizki, bugungi ovoz berish jarayonlarida diniy soha xodimlari, ulamolar, imom-xatiblar, otinoyilar va mudarrislar ham faol ishtirok etib, barchaga namuna bo‘lmoqdalar. Zero, saylovchilar faolligi millat hamjihatligini, o‘z kelajagiga bo‘lgan ishonchni, olib borilayotgan islohotlarni qo‘llab-quvvatlanishini yaqqol namoyon etadi.

“Янги Андижон” мавзесида кўчат экилди, синиқ кўнгилларга шодлик улашилди

Alhidoya.uz таҳририяти — Thu, 29 Feb 2024 15:45:24 +0000

Андижон – Ўзбекистонда аҳоли энг зич жойлашган, ер майдони эса нисбатан кичик ҳудуд ҳисобланади. Айни кунларда Андижон шаҳри яқинида қарийб 4 минг гектарлик, 411 минг аҳолига мўлжалланган «Янги Андижон» массивида бунёдкорлик ишлари давом этмоқда.

Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчиликларидаги имом-хатиблар “Яшил макон” умуммиллий лойиҳаси доирасида мазкур массивда 500 туп павловния ва каштан дарахт кўчатлари ўтқазилди. Умумий майдони қарийб 4 минг гектар бўлган янги шаҳарнинг бош режасига кўра, 1820 гектар қисми яшил ҳудуддан иборат бўлади. Имкон қадар яшил ҳудудлар, боғ ва хиёбонлар ташкил этилишига эътибор қаратилган.

Сафар давомида Шайх Нуриддин Холиқназар ҳазратлари Андижон туманида жойлашган “Мурувват” ногиронлиги бўлган шахслар интернат уйига ҳам ташриф буюрдилар. Муфтий ҳазратлари мутасаддилар билан бирга муассасада яратилган шароитлар билан танишдилар. Шунингдек, бу ерда истиқомат қилаётган ногиронлиги бўлган кишиларнинг ҳол-аҳволини сўраш баробарида яхши сўзлар билан уларнинг кўнглига қувонч, юзларига табассум улашдилар.

Муассасада истиқомат қилувчилар 11 хил турда касб-ҳунар, қўл меҳнати билан банд бўлишлари, 5 та устахона ташкил этилгани, лимон етиштиришга ихтисослашган иссиқхоналар фаолиятига гувоҳ бўлинди. Шунингдек, мазкур шахслар енгил атлетика, сузиш, шахмат-шашка, волейбол, футбол, стол тенниси билан шуғулланишлари маълум бўлди.

Ташриф давомида интернaт уйига маиший техника воситалари, озиқ-овқат маҳсулотлари ва диний-маърифий адабиётлар ҳадя қилинди. Шунингдек, бу ерда истиқомат қилувчи ҳамюртларимиз учун эҳсон дастурхони ёзилиб, хайрли дуолар қилинди.

* * *

Andijon – O‘zbekistonda aholi eng zich joylashgan, yer maydoni esa nisbatan kichik hudud hisoblanadi. Ayni kunlarda Andijon shahri yaqinida qariyb 4 ming gektarlik, 411 ming aholiga mo‘ljallangan «Yangi Andijon» massivida bunyodkorlik ishlari davom etmoqda.

O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiliklaridagi imom-xatiblar “Yashil makon” umummilliy loyihasi doirasida mazkur massivda 500 tup pavlovniya va kashtan daraxt ko‘chatlari o‘tqazildi. Umumiy maydoni qariyb 4 ming gektar bo‘lgan yangi shaharning bosh rejasiga ko‘ra, 1820 gektar qismi yashil hududdan iborat bo‘ladi. Imkon qadar yashil hududlar, bog‘ va xiyobonlar tashkil etilishiga e’tibor qaratilgan.

Safar davomida Shayx Nuriddin Xoliqnazar hazratlari Andijon tumanida joylashgan “Muruvvat” nogironligi bo‘lgan shaxslar internat uyiga ham tashrif buyurdilar. Muftiy hazratlari mutasaddilar bilan birga muassasada yaratilgan sharoitlar bilan tanishdilar. Shuningdek, bu yerda istiqomat qilayotgan nogironligi bo‘lgan kishilarning hol-ahvolini so‘rash barobarida yaxshi so‘zlar bilan ularning ko‘ngliga quvonch, yuzlariga tabassum ulashdilar.

Muassasada istiqomat qiluvchilar 11 xil turda kasb-hunar, qo‘l mehnati bilan band bo‘lishlari, 5 ta ustaxona tashkil etilgani, limon yetishtirishga ixtisoslashgan issiqxonalar faoliyatiga guvoh bo‘lindi. Shuningdek, mazkur shaxslar yengil atletika, suzish, shaxmat-shashka, voleybol, futbol, stol tennisi bilan shug‘ullanishlari ma’lum bo‘ldi.

Tashrif davomida internat uyiga maishiy texnika vositalari, oziq-ovqat mahsulotlari va diniy-ma’rifiy adabiyotlar hadya qilindi. Shuningdek, bu yerda istiqomat qiluvchi hamyurtlarimiz uchun ehson dasturxoni yozilib, xayrli duolar qilindi.

Муфтий ҳазратлари доктор Али Эрбош жанобларига ҳамдардлик билдирдилар

Alhidoya.uz таҳририяти — Tue, 07 Feb 2023 06:29:58 +0000

2023 йил 6 февраль куни Туркиянинг жануби-шарқий қисмида юз берган кучли зилзила оқибатида кўплаб одамлар қурбон бўлгани ва жиддий жароҳат олгани, катта талафотлар кўрилгани муносабати билан Ўзбекистон мусулмонлари идораси раиси, муфтий Нуриддин домла ҳазратлари Туркия диёнат ишлари бошқармаси раиси профессор, доктор Али Эрбош жанобларига дўст ва қардош турк халқининг ушбу қайғусига ўзбек халқи, айниқса, Ўзбекистон мусулмонлари идораси жамоаси чин қалбдан шерик эканини билдириб, ҳамдардлик мактубини йўлладилар.

Унда чуқур таъзия изҳор этилиб, мазкур фалокат оқибатида вафот этганларга, Жаноби Ҳақдан раҳматлар, мусибатли хонадон аҳлларига сабр-матонат ва жабрланганларга офият тиланди.

Муфтий ҳазратлари: Ота-оналар олдида қарздормиз!

Alhidoya.uz таҳририяти — Wed, 14 Sep 2022 14:22:10 +0000

Муфтий Нуриддин домла Холиқназаров

Муфтий ҳазратлари: Масжидни обод қилиш баробарида бир мискиннинг ҳам кўнглини шод қилинг!

Alhidoya.uz таҳририяти — Wed, 14 Sep 2022 06:05:26 +0000

Нуриддин домла Ҳолиқназаров,
Ўзбекистон мусулмонлари идораси раиси, муфтий

МУФТИЙ ҲАЗРАТ НУР-СУЛТОН ШАҲРИДАГИ ЙИРИК МАСЖИД ОЧИЛИШ МАРОСИМИДА ИШТИРОК ЭТДИЛАР

Alhidoya.uz таҳририяти — Fri, 12 Aug 2022 13:40:53 +0000

Бугун, 12 август куни Ўзбекистон мусулмонлари идораси раиси, муфтий Нуриддин домла ҳазратлари Нур-Султон шаҳридаги йирик жоме масжиднинг очилиш маросимида иштирок этиб, нутқ сўзладилар.
Муфтий ҳазратлари дастлаб ўз сўзида Ислом оламининг муборак муҳаррам ойи билан барча йиғилганларни қутладилар. Бундай улуғ ойда Аллоҳнинг янги байтининг ишга тушиши катта неъмат эканлигини таъкидлаб, янги масжид билан Қозоғистон халқини муборакбод этдилар. Шунингдек, Муфтий ҳазрат сўзлари давомида ўзбек ва қозоқ халқларининг кўп асрлик қардошлиги ҳақида ҳам тўхталиб, тили, анъана ва урф-одатлари бир-бирига ўхшаш икки эл тарихий тараққиётнинг барча йўналишларида ўзаро ҳурматда, қавму қариндош бўлиб, тинч-тотув ҳаёт кечираётгани ҳақида илиқ фикрларни билдирдилар.
Шу билан бирга масжид бино қилишнинг фазилати хусусида ҳам сўз юритиб, Аллоҳ таоло масжидни обод қилувчиларга буюк мукофотлар ваъда қилгани, бу ҳақда Усмон ибн Аффон розияллоҳу анҳудан ривоят қилинган ҳадисда Расулуллоҳ соллаллоҳу алайҳи ва саллам: “Ким Аллоҳ розилигини истаган ҳолда бир масжид қурса, Аллоҳ таоло унинг учун худди шундай уйни жаннатда барпо этади” (Имом Бухорий ривояти) деганларини келтириб, мазкур ҳадисни шарҳлаб бердилар.
Муфтий ҳазрат сўзлари якунида келгусида ушбу масжид маърифат тарқатиши, ҳидоят маскани бўлиши, мусулмон уммати бирлиги йўлида хизмат қилишини сўраб дуо қилдилар.
Шунингдек, очилиш маросимида Қозоғистоннинг Биринчи президенти, Элбоши Нурсултон Назарбаев, Миср бош имоми ўринбосари, Азҳари шариф вакили, доктор Муҳаммад Абдурраҳмон ад-Дувайний, Россия мусулмонлари идораси раисининг биринчи ўринбосари Дамир ҳазрат Муҳитдинов, Қирғизистон мусулмонлари идораси раиси, муфтий Замир ҳожи Ракиев, Монголия мусулмонлари идораси раиси, муфтий Ботирбек ҳожи Ҳадис , Бирлашган Араб Амирлиги Ислом илмлар маркази раҳбарияти, Қозоғистондаги турли араб ва мусулмон давлатлари элчилари, давлат ва дин арбоблари, уламолар, имом-хатиблар ва экспертлар иштирок этди.
Маълумот ўрнида, Нур-Султон шаҳрида бунёд этилган янги масжид энг йирик жомелардан бўлиб, асосий гумбазнинг баландлиги деярли 90 метр, миноралар узунлиги эса 130 метрни ташкил этади. Масжиднинг сиғими 30 минг кишига мўлжалланган. Бинонинг умумий майдони 68 минг квадрат метр, асосий ибодат зали – 15 минг квадрат метрдир.
Янги масжиднинг кириш хиёбони олдида жамоат жойи пайдо бўлади. Ушбу ҳудуд шаҳар фуқаролари ва меҳмонлари учун яна бир диққатга сазовор нуқта, табаррук масканга айланади.
Марказий хиёбонда узунлиги 300 метр бўлган фаввора жойлашган бўлиб, соя берувчи соябонлар, кичик меъморий шакллар ўрнатилади ва ҳудуд кенг миқёсда кўкаламзорлаштирилади. Хиёбонда пиёда сайр қилиш, автомобиллар тўхташ жойлари ҳам мавжуд.

Ўзбекистон мусулмонлари идораси матбуот хизмати

Муфтий ҳазратлари янги барпо этилаётган «Иброҳим ота» масжидининг илк ғиштини қўйиб бердилар

Alhidoya.uz таҳририяти — Sat, 23 Jul 2022 13:27:37 +0000

Бугун 23 июль Ўзбекистон мусулмонлар идораси раиси, муфтий Нуриддин ҳазратлари Олмазор туманидаги «Иброҳим ота» жоме масжидининг илк ғишт қўйиш маросимида иштирок этдилар. Нуриддин домла ҳазратларига Тошкент шаҳар бош имом-хатиби устоз Саййид Раҳматуллоҳ Термизий ҳамроҳлик қилди.

Меҳмонлар дастлаб «Иброҳим ота» масжидининг эски биносида пешин намозини адо этиб, янги масжид қурилишининг муваффақиятли якунланишини Аллоҳдан сўраб намозхонлар билан бирга дуои хайрлар қилдилар. Сўнгра масжиднинг янги қурилаётган биносини кўздан кечириб, илк ғиштини қўйиб бердилар.

Маълумотларга кўра, масжид 1956 йил 3,5-4 сотих ерда барпо этилган бўлиб, 400 кишини сиғдирар, таҳоратхонаси эса бор-йўғи ўн кишилик эди. Бундай кичик масжид ва таҳоратхона намозхонлар учун кўплаб ноқулайликлар туғдирар, жума намозларида аксарият инсонлар намозни масжид ташқарисида адо этишга тўғри келарди.

Маҳалла фаоллари ва масжид маъмурияти 1998 йилдан буён масжидни қайтадан бунёд этишни режа қиларди. Аммо бунга имконият бўлмай, масжид ерини кенгайтириш масаласи кўндаланг турарди. Буни қарангки, бундай мушколот сахий тадбиркор томонидан ҳал этилиб, масжидга 20 сотих ер ва қурилиш учун зарур хом-ашёлар эҳсон қилинди. Бундан қувонган, маҳалла ва масжид фаоллари бунёдкорлик ишларини тезда бошлаб юбордилар.

Эндиликда масжид 3500-4000 намозхон сиғадиган қилиб бунёд этилмоқда. Таҳоратхонаси эса юз кишига мўлжалланган. Шу билан бирга масжидда барча қулайликлар ва замонавий технологиялар билан жиҳозланади.

Ўзбекистон мусулмонлари идораси Матбуот хизмати

Муфтий ҳазратлари: Аллоҳга шукр, ҳаж амаллари шариатга мувофиқ, гўзал адо этилди

Alhidoya.uz таҳририяти — Tue, 12 Jul 2022 14:41:48 +0000

Бугун, 12 июль куни Макка шаҳрида “Ҳаж – 2022”нинг делегацияси, ишчи гуруҳи, шифокорлар ва ошпазлар жамоалари иштирокида йиғилиш бўлиб ўтди. Унда Ўзбекистон мусулмонлари идораси раиси, муфтий Нуриддин домла ҳазратлари, Дин ишлари бўйича қўмита раиси Содиқжон Тошбоев қатнашдилар.

Дастлаб Муфтий ҳазратлари ҳаж амаллари шариатга мувофиқ, чиройли адо этилганини билдириб, Мино, Арафот, Муздалифа, Жамаротдаги ибодатлар ва қурбонликлар ўз вақтида бажарилганини алоҳида такидладилар. Бунинг учун тинимсиз меҳнат қилган ишчи гуруҳи, шифокорлар жамоаси ва ошпазларга миннатдорлик изҳор этдилар. Муфтий ҳазратлари ҳожига кўмак берган, оғирини енгил қилган инсон улуғ савобларга ноил бўлишини сўзладилар. Ҳар бир ишчи гуруҳи ва элликбошилар ана шундай улуғ даражаларни мақсад қилиб, Раҳмоннинг меҳмонларига Ўзи рози бўладиган даражада сидқидилдан хизмат қилганларини алоҳида қайд этдилар.

Дин ишлари бўйича қўмита раиси Содиқжон Тошбоев аввалги ҳаж мавсумига нисбатан жорий йилги квота сезиларли даражада ошгани, умумий зиёратчилар сони 12 минг нафарни ташкил этгани, ўз навбатида ушбу рақам мамнунлик билан бирга катта масъулият юклагани, ўйлагандан-да зиёда бўлганини билдирди. Шунингдек, раис юртимиз ҳожилари Исломнинг бешинчи фарзини бажариш чоғида ҳукуматимизнинг кўмагини, беқиёс ғамхўрлигини ҳис қилиб турганлари, Ислом динининг бешинчи рукнини бажариш учун барча шарт-шароитлар яратиб берилганини алоҳида қайд этди.

Нотиқлар қаторида сўзга чиққан Ўткир Ҳасанбоев ҳаж амалларини адо этиш бахтига муяссар бўлган юртдошларимиз муборак заминда қолган вақтларини ҳам мазмунли ўтказишлари, бу кунларнинг ҳар бир сониясини ғанимат билиб, ундан фойда олиб қолишлари ва элликбошилар суҳбатларни давом эттиришлари даркорлигини сўзлади.

Ҳожилар ва уларнинг яқинлари, хусусан, ёш қори-қориялар томонидан хатми Қуръон қилиш жадал давом этаётгани, Каломи шариф хатмонасидан ҳосил бўлган савобларни Юрт раҳбари, Ватан ободлиги ва дин ривожига бахшида этаётганлари кишини хурсанд қилаётгани таъкидланди. Мана шундай хатми Қуръонларнинг якуни, ушбу йиғилишда мамлакатимиз тинчлиги, халқимиз фаровонлиги ҳамда ушбу улуғ сафарнинг юқори савияда ташкил этилгани учун барча мутасаддиларнинг ҳақларига дуолар қилинди.

Муборак сафарда эришилган яхши натижаларнинг барчаси ўлкамизда одамларни рози қилиш йўлида олиб борилаётган хайрли ишлар мевасидир. Аҳолиси рози юртга Ҳақ таоло ҳам неъматларини ёғдиради, инша Аллоҳ.

Ўзбекистон мусулмонлари идораси Матбуот хизмати

Муфтий ҳазратлари ватандошлар билан суҳбат қурдилар

Alhidoya.uz таҳририяти — Fri, 10 Jun 2022 13:49:10 +0000

Шу йил 9 июнь куни Қоҳира шаҳрида ўтказилган халқаро анжумандан сўнг муфтий Нуриддин домла ҳазратлари бир гуруҳ ватандошлар ва талабалар билан учрашдилар.
Ўзбекистоннинг Мисрдаги элчихонаси томонидан ташкил этилган ушбу мулоқотда Муфтий ҳазратлари ватандошлар ва талабалар билан самимий суҳбат қилиб, юртимизда амалга оширилаётган ишлар ҳақида сўзлаб бердилар.

Муфтий ҳазратлари сўзлари аввалида ҳар бир инсоннинг қалбидаги Ватанга бўлган муҳаббати уни доимо юртига талпиниб яшашга чорлаши ҳамда туғилган гўшаси, ота-онаси ва фарзанду аржумандларини соғинишга ундашини таъкидладилар. Расул алайҳиссалом, саҳобаи икромлар ва улуғ зотлар ҳам она юртга ўзгача муносабатда бўлганларини тарихий мисоллар орқали баён этдилар.
Шунингдек, Ўзбекистон мусулмонлар идораси хорижда яшаётган ватандошлар билан доимий мулоқот ўрнатиш, ҳамкорлик қилиш шунингдек, меҳнат муҳожирлари эътиқодларини ҳимоя қилиш борасида тизимли ишлар қилинаётганини жонли мисоллар орқали етказдилар. Жумладан:

• ўтган Рамазон ойида 12 нафар ўзбекистонлик уламо АҚШдаги ватандошлар билан муборак ибодатларни бирга адо этиш баробарида маънавий-маърифий суҳбатлар орқали уларнинг руҳий оламини бойитишгани;
• Европа, Россия, МДҲ ва қўшни давлатлардаги ватандошлар билан ўзбекистонлик имом-домлалар доимий учрашувлар ташкил этиб келинаётганлари;
• Мисрда ўтказилган халқаро анжуманда эътироф этилган, Сурия ва Афғонистондаги уруш ўчоқларидан 500 дан зиёд Ўзбекистон фуқароларининг ватанга қайтарилиши, уларга кўрсатилган эътибор;
• Украинадаги қалтис воқеалардан сўнг 6 мингдан зиёд Ўзбекистон фуқароларининг ватанга қайтарилгани ва уларнинг ишлашлари ҳамда ўқишни давом эттиришлари учун барча шарт-шароитлар берилганини айтиб ўтдилар.

Муфтий ҳазратлари Ўзбекистонда сўнгги йилларда дин соҳасида жуда катта хайрли ишлар бўлаётгани, хусусан мўмин-мусулмонларнинг шаръий эҳтиёжларини тўла қондиришга катта саъй-ҳаракат қилинаётганини айтиб, Мисрда таҳсил олаётган аҳли илмлар юртимизда фаолият олиб бораётган Қуръони карим ва тажвид курслари каби йўналишларга керак бўлишини таъкидладилар.

Ўзга юртда яшаш, ишлаш ва ўқиш осон эмаслигини Муфтий ҳазратлари таъкидлаб, ватандошларга ўзлари яшаб турган давлат қонунлари ва тартибларига жиддий риоя қилиш лозимлигини, акс ҳолда турли ташвишли оқибатлар келиб чиқиши мумкинлигини тушунтирдилар. Шунингдек, ватандошлар мусофир юртларда туғилиб ўсаётган фарзандларини ватанга муҳаббатли қилиб тарбиялашлари зарурлигини уқтирдилар.

Мулоқотда ватандошлар вакиллари сўзга чиқиб, Давлатимиз раҳбари ташаббуслари билан дин соҳасидаги ўзгаришлардан жуда ҳам саодатли эканларини билдириб, бундай хайрли ишлар бардавом бўлишини тиладилар.
Шунингдек, Қоҳира шаҳрида ўтказилган халқаро анжуманда Муфтий ҳазратларининг соғлом эътиқодни асраш, мўътадиллик ва Ислом маърифатини тўғри етказиш борасидаги чиқишлари ҳамда амалий таклифлари барчага манзур бўлганини билдирди.

Ўз навбатида Мисрда мусофирчиликда бўлган ватандошларимиз ушбу учрашув учун миннатдорлик билдириб, файзли суҳбат Ватанни соғинган қалбларга таскин бўлгани, айниқса, шу каби ташрифлар улар учун фойдали бўлиши, келгусида илм ўрганиб, тажриба ҳосил қилгач, албатта, юртга қайтиб, халқимизнинг диний-маърифий савиясини ошириш йўлида хизмат қилишларини маълум қилдилар.
Муфтий ҳазратлари учрашув якунида Ҳақ таолодан, барча ватандошларга, иш ёки ўқиш билан Мисрда юрганларга сиҳат-саломатлик, омад ва муваффақиятлар тилаб, хайрли дуолар қилдилар.

Ўзбекистон мусулмонлари идораси Матбуот хизмати

Хушхабар: Муфтий ҳазратларига “Фахрий доктор” илмий унвони берилди

Alhidoya.uz таҳририяти — Sat, 04 Jun 2022 12:19:02 +0000

Бугун, 4 июнь куни Ўзбекистон мусулмонлари идораси раиси, муфтий Нуриддин домла ҳазратларининг Ислом дини маърифатини кенг ёйиш, ёшларни руҳий баркамол этиб тарбиялаш ва илмий-ижодий фаолиятларини юксак эътироф этиб, Ўзбекистон халқаро ислом академияси Илмий кенгаши томонидан “Фахрий доктор” илмий унвони берилди.
Илмий кенгаш йиғилишини Ўзбекистон Республикаси Президентининг жамоат ва диний ташкилотлар билан ҳамкорлик масалалари бўйича маслаҳатчиси, халқаро ислом академияси ректори Музаффар Комилов очиб, давлатимиз раҳбари ташаббуслари билан сўнгги йилларда, барча соҳалар қатори, диний-маърифий жабҳада жуда катта ишлар амалга оширилаётганига алоҳида тўхталди.
Жумладан, юртимиз уламоларининг республика ва дунё миқёсида фаолият кўлами кенгайиб бораётгани, нуфузи кун сайин ортиб бораётгани, хусусан, ўтган Рамазон ойида уламоларимиз, имом-хатибларимиз, қориларимиз АҚШ, Европа, Россия ва МДҲ мамлакатлари таклифлари асосида мазкур давлатларда хизмат сафарида бўлишаётгани ҳақида алоҳида қайд этди.
Шундан сўнг, халқаро ислом академияси проректори, профессор Зоҳиджон Исламов Ўзбекистон мусулмонлари идораси раиси, муфтий Нуриддин домла ҳазратлари ҳақларида ёзилган тавсифномани ўқиб эшиттирди.
Ўзбекистон халқаро ислом академияси Илмий кенгаши аъзолари бир овоздан муфтий Нуриддин домла ҳазратларига “Фахрий доктори” илмий унвони бериш қарорини қўллаб-қувватладилар.
Табрик сўзида Дин ишлари бўйича қўмита раисининг биринчи ўринбосари, тарих фанлари доктори Давронбек Мақсудов муфтий ҳазратларини қўмита раҳбарияти томонидан илмий унвон билан қутлаб, у кишининг бир қатор фазилатларига алоҳида тўхталди. Хусусан, муфтий ҳазратларининг маърузалари ва чиқишлари кенг жамоатчилик, аҳли илмлар ҳамда мўмин-мусулмонлар томонидан юқори баҳоланаётгани ҳамда у кишининг халқаро анжуманларда, нуфузли тадбирлардаги нутқлари халқаро доирада ҳам юксак эътироф этилаётганини қайд этди.
Шундан сўнг, Ўзбекистон мусулмонлари идораси раиси ўринбосари Иброҳимжон домла Иномов муфтий ҳазратларига берилган ушбу унвон барча диний соҳа ходимлари жуда ҳам мамнун этганини билдирди.
Ўзбекистон мусулмонлари идораси бўлим мудири Муҳаммадайюбхон домла Ҳомидов Ислом динида илм эгаларига берилган фазилат, уларнинг даражалалари доимо юқори бўлгани ҳақида сўз юритиб, ояту ҳадислардан иқтибос келтирди. Шунингдек, бундай эътибор ва эҳтиром Юртбошимиз ва ҳукуматимиз томонидан бутун дин пешволари-ю илм аҳлларига эътиборнинг бир намунаси эканини таъкидлади. Шундан сўнг муфтий ҳазратларига Ўзбекистон мусулмонлари идораси Уламолар Кенгашининг совғалари тақдим этилди.
Йиғилиш сўнггида Ўзбекистон мусулмонлари идораси раиси, Халқаро ислом академияси “Фахрий доктори”, муфтий Нуриддин домла ҳазратлари камтарона хизматлари учун мана шундай юксак эътибор берилганига миннатдорлик билдирдилар. Албатта, бундай эътироф Ўзбекистон мусулмонлари идораси тизимида меҳнат қилаётган уламолар, имом-хатиблар, мударрислар, отинойилар ва барча диний соҳа ходимларининг меҳнат самараси эканини изҳор этдилар. Ўз навбатида, ушбу илмий унвон катта масъулият юклаши ва унга муносиб бўлишга бор куч-ғайратларини сарфлашларини билдирдилар.

Маълумот ўрнида, Муфтий Нуриддин домла ҳазратлари 1968 йил Андижон вилояти Асака шаҳрида зиёли оилада таваллуд топганлар. Маълумоти олий, Мир Араб ўрта махсус ислом билим юрти, Тошкент ислом институти ва Фарғона давлат университетини тамомлаганлар. Исломшунос, имом-хатиб ва тарихшунос мутахассисликларига эгалар.
Меҳнат фаолиятларини 1996 йилда Андижон вилояти Асака шаҳри “Аҳмадали Махдум” масжиди имом-хатиби вазифасидан бошлаганлар. 2004 йил Тошкент шаҳридаги “Оқ тепа” масжиди имом-хатиби вазифасида давом эттириб, бир вақтда пойтахтдаги “Кўкалдош” ўрта-махсус ислом билим юрти ўқитувчиси сифатида ҳам фаолият юритганлар. 2005 йилда Ўзбекистон мусулмонлар идорасининг Андижон вилояти вакили, вилоят бош имом-хатиби, 2019 йилда Тошкент шаҳар бош имом-хатиби лавозимларига тайинландилар.
Муфтий Нуриддин домла ҳазратларининг Ислом дини маърифатини кенг ёйиш ва мўмин-мусулмонлар эҳтиёжини таъминлаш борасидаги 30 йиллик самарали меҳнатлари инобатга олиниб, 2021 йил 19 октябрь куни Ўзбекистон мусулмонлари идораси раиси, муфтий лавозимига сайландилар. Ушбу хабар юртимиз мусулмонлари ва хорижлик ҳамкор диний ташкилотлар томонидан ижобий қабул қилинди.
Муфтий ҳазратлари Давлатимиз раҳбарининг ташаббуслари билан олиб борилаётган ислоҳотларни халқимиз орасида кенг тарғиб қилиш, ёшларимизни ёт ғоялардан асраш, муқаддас динимизнинг эзгу, умуминсоний ғояларини кенг жамоатчиликка етказишда доимий фаоллик ва ташаббускорлик кўрсатадилар.
Ижтимоий-маънавий муҳитни янада соғломлаштириш, динлараро тотувликни мустаҳкамлаш, ёш авлодни диний бағрикенглик руҳида тарбиялашда самарали фаолият кўрсатмоқдалар. Шунингдек, халқаро ташкилотлар ва хорижий мамлакатлар билан алоқаларни янада мустаҳкамлаш борасида ҳам ташаббус кўрсатиб келмоқдалар.
Муфтий ҳазратларининг руҳий тарбия, одоб-ахлоқ, илм-маърифат, фарзанд тарбияси, ота-онани эъзозлаш, Ватанга муҳаббат, шукроналик каби мавзулар ёритилган “Исломда ватан тушунчаси”, “Ихлос – амаллар зийнати”, “Ҳаж – буюк ибодат”, “Тасаддуқ, ё Расулаллоҳ” каби китоблари нашрга тайёрланган. Шунингдек, “Янги Ўзбекистон”, “Халқ сўзи”, “Ўзбекистон санъати ва адабиёти” каби марказий босма нашрларда ҳамда “Ҳидоят”, “Ислом нури” сингари диний-маърифий нашрларда муфтий Нуриддин Холиқназаровнинг долзарб мавзулардаги 100 дан зиёд мақолалари чоп этилган.
Муфтий ҳазратлари Ислом дини маърифатининг толмас тарғиботчиси ҳамдир. У киши юртимиз масжид ва мадрасалари диний таълим тизимида ислоҳотларни амалга ошириш, ўқув режалари ва дастурларини тайёрлаш ҳамда уларни ҳаётга татбиқ этиш ишларига бевосита бошчилик қилмоқдалар. Бундан ташқари, хорижий мамлакатларда бўлиб ўтадиган халқаро анжуманларда илмий асосланган мазмунли маърузалари билан ҳам мунтазам иштирок этмоқдалар.
Муфтий ҳазратлари хориж давлатларида ўтказилган халқаро илмий-амалий анжуманлар, нуфузли тадбирларда фаол қатнашиб, эътиқод эркинлиги кафолати, ислом маърифати, диний таълим масаласи, ёт оқимларга қарши курашнинг маънавий-маърифий асослари каби мавзуларда нутқлар билан қатнашиб келмоқдалар.
Нуриддин домла Холиқназаров Ўзбекистон мусулмонлари идораси раиси, муфтий сифатида кўплаб нуфузли миллий ва халқаро ташкилотларнинг раиси, ҳамраиси ва бошқарув кенгаши аъзоси сифатида ҳам хизмат қилмоқдалар.
Дарҳақиқат, Ислом динининг эзгу таълимотларини барчага гўзал шаклда етказиш савоби улуғ амаллардан ҳисобланади. Аллоҳ таоло Қуръони каримда Ўз динига хизмат қилувчиларни шундай ифода этади: “Эй, имон келтирганлар! Агар сизлар Аллоҳга ёрдам берсангиз (динининг ривожи учун ҳаракат қилсангиз), У ҳам сизларга ёрдам берур ва қадамларингизни собит (барқарор) қилур” (Муҳаммад, 7).
Ислом дини йўлида соч-соқоли оқарган мўйсафид одамлар ҳақида Ҳазрати Пайғамбаримиз соллаллоҳу алайҳи васаллам: “Ислом йўлида кимнинг сочига оқ тушган бўлса, Қиёмат куни унга нур бўлади”, дея марҳамат қилганлар (Имом Термизий ривояти).
Ислом дини равнақига салмоқли ҳисса қўшаёган, довруғи нафақат Ўзбекистон балки қўшни ва хориж мамлакатларида ҳам маълум бўлган Муфтий ҳазратларининг серқирра фаолиятлари барчамизнинг фахру ифтихоримиздир.

Ўзбекистон мусулмонлари идораси Уламолар Кенгаши аъзолари номидан муфтий Нуриддин домла ҳазратларини Халқаро ислом академияси “Фахрий доктори” илмий унвони берилгани муносабати билан муборакбод этамиз. Аллоҳ таборака ва таолодан у кишига дин, миллат ва Ватан йўлидаги хизматлари ва илмий-ижодларида муваффақиятлар бардавом бўлишини тилаймиз!

Ўзбекистон мусулмонлари идораси