масжидлар – Alhidoya.uz

Муборак ойга тайёргарлик (видео)

Alhidoya.uz таҳририяти — Sun, 15 Feb 2026 09:58:57 +0000

Фарғона вилояти вакиллиги Матбуот хизмати

Жомеларда муборак ойга тайёргарлик бошланди (фото)

Alhidoya.uz таҳририяти — Sun, 15 Feb 2026 09:31:08 +0000

Фарғона вилоятида муборак Рамазон ойини муносиб кутиб олиш мақсадида кенг кўламли тайёргарлик ишлари қизғин паллага кирди. Вилоят бўйлаб фаолият юритаётган масжидларда ободонлаштириш ва тозалов ишларига алоҳида эътибор қаратилмоқда. Ибодатга келувчилар учун янада қулай, шинам ва файзли муҳит яратиш йўлида кўплаб ишлар амалга оширилмоқда.

Мазкур ишлар Ўзбекистон мусулмонлари идораси ҳамда Фарғона вилояти вакиллиги ташаббуси ва назорати остида олиб борилмоқда. Масжид бинолари ва ҳовлиларида кенг қамровли тозалик ишлари бажарилиб, электр ва ёритиш тизимлари пухта кўздан кечирилмоқда, зарур жойларда янгиланмоқда. Таҳоратхоналарда сув таъминоти, иситиш ва шамоллатиш тизимлари тартибга келтирилиб, санитария-гигиена талабларига тўлиқ риоя этилиши таъминланмоқда.

Айниқса, таровеҳ намозлари чоғида катта жамоат йиғиладиган жомеларда қўшимча шароитлар яратишга алоҳида аҳамият берилмоқда. Хавфсизлик чоралари кучайтирилиб, ёнғин хавфсизлиги ва фавқулодда ҳолатларнинг олдини олиш бўйича зарур тадбирлар амалга оширилмоқда.

Рамазон – меҳр-оқибат, саховат ва маънавий покланиш ойи. Шу боис масжидларда нафақат ибодат учун, балки маърифий ва хайрли тадбирлар учун ҳам муносиб шароит яратилмоқда. Бу саъй-ҳаракатлар аҳолига қулайлик яратиш, юртдошларимизнинг муборак ойни кўтаринки руҳ ва юқори кайфиятда кутиб олишларига хизмат қилади.

***

Farg‘ona viloyatida muborak Ramazon oyini munosib kutib olish maqsadida keng ko‘lamli tayyorgarlik ishlari qizg‘in pallaga kirdi. Viloyat bo‘ylab faoliyat yuritayotgan masjidlarda obodonlashtirish va tozalov ishlariga alohida e’tibor qaratilmoqda. Ibodatga keluvchilar uchun yanada qulay, shinam va fayzli muhit yaratish yo‘lida ko‘plab ishlar amalga oshirilmoqda.

Mazkur ishlar O‘zbekiston musulmonlari idorasi hamda Farg‘ona viloyati vakilligi tashabbusi va nazorati ostida olib borilmoqda. Masjid binolari va hovlilarida keng qamrovli tozalik ishlari bajarilib, elektr va yoritish tizimlari puxta ko‘zdan kechirilmoqda, zarur joylarda yangilanmoqda. Tahoratxonalarda suv ta’minoti, isitish va shamollatish tizimlari tartibga keltirilib, sanitariya-gigiyena talablariga to‘liq rioya etilishi ta’minlanmoqda.

Ayniqsa, taroveh namozlari chog‘ida katta jamoat yig‘iladigan jomelarda qo‘shimcha sharoitlar yaratishga alohida ahamiyat berilmoqda. Xavfsizlik choralari kuchaytirilib, yong‘in xavfsizligi va favqulodda holatlarning oldini olish bo‘yicha zarur tadbirlar amalga oshirilmoqda.

Ramazon – mehr-oqibat, saxovat va ma’naviy poklanish oyi. Shu bois masjidlarda nafaqat ibodat uchun, balki ma’rifiy va xayrli tadbirlar uchun ham munosib sharoit yaratilmoqda. Bu sa’y-harakatlar aholiga qulaylik yaratish, yurtdoshlarimizning muborak oyni ko‘tarinki ruh va yuqori kayfiyatda kutib olishlariga xizmat qiladi.

Масжидлар атрофида 33 мингга яқин кўчат экилди

Alhidoya.uz таҳририяти — Mon, 17 Nov 2025 04:21:46 +0000

Муҳтарам Президентимиз Шавкат Мирзиёевнинг ташаббуслари билан “Яшил макон” умуммиллий лойиҳаси доирасида Ўзбекистон мусулмонлари идораси тасарруфидаги вакилликлар, масжидлар ва уларга яқин ҳудудларда мевали ва манзарали дарахт кўчатлари ўтқазилди.

Иқлим ўзгаришининг салбий оқибатларига бефарқ бўлмаслик, табиатни асраб-авайлаш мақсадида кузги дарахт экиш ишлари жадаллик билан амалга оширилди. Мазкур хайрли ишлар соҳа ходимлари ўртасида «Табиат – Аллоҳ таолонинг омонатидир» шиори остида ўтказилди. Зотан, халқимизда минг йиллардан бери давом этиб келаётган гўзал анъаналар, урф-одатларимиз борки, улар динимиз бизга таълим берган гўзал ахлоқ, одамийлик, ўзаро муҳаббат, ҳамжиҳатлик, ободонлаштириш каби олийжаноб ишларни ўз ичига олади.

Динимиз Исломда ҳам дарахт экиш жуда катта савобли, баракали ва пайғамбарлар суннатларига мувофиқ амаллиги кўп бора айтилган. Қуръон ва ҳадисларда бу амалнинг фазилатлари баён қилинган. Жумладан: “Бирор мусулмон дарахт экса ёки экин экса, ундан одам, ҳайвон ёки қуш еса, бу унинг учун садақа бўлади” дейилади (Имом Бухорий ривояти).

Мазкур савобли амалнинг ижроси учун бел боғлаган Қорақалпоғистон Республикаси қозиёти, Тошкент шаҳри ва вилоятлар вакилликлари ўз ҳудудлари ҳамда Республикамиздаги 2147 та масжид ҳудудида бош имом-хатиблар бошчилигида жойлардаги маҳалла фаоллари томонидан жами 32 минг 670 туп дарахт кўчатлари экилди. Шундан 22 минг 775 таси манзарали, 9 минг 632 таси мевали кўчат ҳисобланади.

Маълумот ўрнида айтиб ўтиш мумкинки, кўчат экиш муддати навдан, иқлимдан ва кўчатнинг туридан келиб чиқиб фарқланади. Бироқ, одатда кўчат экиш учун энг яхши вақт куздан баҳоргача бўлган оралиқ ҳисобланади. Чунки бу даврда кўчатлар яхши томирлаган ҳолда тупроққа обдон ўрнашиб, ёзги иссиқларга чидамли бўлиб етишади.

***

Muhtaram Prezidentimiz Shavkat Mirziyoyevning tashabbuslari bilan “Yashil makon” umummilliy loyihasi doirasida O‘zbekiston musulmonlari idorasi tasarrufidagi vakilliklar, masjidlar va ularga yaqin hududlarda mevali va manzarali daraxt ko‘chatlari o‘tqazildi.

Iqlim o‘zgarishining salbiy oqibatlariga befarq bo‘lmaslik, tabiatni asrab-avaylash maqsadida kuzgi daraxt ekish ishlari jadallik bilan amalga oshirildi. Mazkur xayrli ishlar soha xodimlari o‘rtasida «Tabiat – Alloh taoloning omonatidir» shiori ostida o‘tkazildi. Zotan, xalqimizda ming yillardan beri davom etib kelayotgan go‘zal an’analar, urf-odatlarimiz borki, ular dinimiz bizga ta’lim bergan go‘zal axloq, odamiylik, o‘zaro muhabbat, hamjihatlik, obodonlashtirish kabi oliyjanob ishlarni o‘z ichiga oladi.

Dinimiz Islomda ham daraxt ekish juda katta savobli, barakali va payg‘ambarlar sunnatlariga muvofiq amalligi ko‘p bora aytilgan. Qur’on va hadislarda bu amalning fazilatlari bayon qilingan. Jumladan: “Biror musulmon daraxt eksa yoki ekin eksa, undan odam, hayvon yoki qush yesa, bu uning uchun sadaqa bo‘ladi” deyiladi (Imom Buxoriy rivoyati).

Mazkur savobli amalning ijrosi uchun bel bog‘lagan Qoraqalpog‘iston Respublikasi qoziyoti, Toshkent shahri va viloyatlar vakilliklari o‘z hududlari hamda Respublikamizdagi 2147 ta masjid hududida bosh imom-xatiblar boshchiligida joylardagi mahalla faollari tomonidan jami 32 ming 670 tup daraxt ko‘chatlari ekildi. Shundan 22 ming 775 tasi manzarali, 9 ming 632 tasi mevali ko‘chat hisoblanadi.

Ma’lumot o‘rnida aytib o‘tish mumkinki, ko‘chat ekish muddati navdan, iqlimdan va ko‘chatning turidan kelib chiqib farqlanadi. Biroq, odatda ko‘chat ekish uchun eng yaxshi vaqt kuzdan bahorgacha bo‘lgan oraliq hisoblanadi. Chunki bu davrda ko‘chatlar yaxshi tomirlagan holda tuproqqa obdon o‘rnashib, yozgi issiqlarga chidamli bo‘lib yetishadi.

Обод бўлаётган масжидлар: «Қўшкечик» жоме масжидидан лавҳа

Alhidoya.uz таҳририяти — Tue, 15 Oct 2024 06:06:52 +0000

Масжидда иккинчи жамоат бўлиши мумкинми?

Alhidoya.uz таҳририяти — Fri, 06 Sep 2024 04:00:01 +0000

Савол: Ассалому алайкум!

— Жамоат намозига кеч қолган кишилар ўзаро келишиб, иккинчи жамоат бўлиб ўқишлари мумкинми?

Жавоб: Ва алайкум ассалом!

— Бисмиллаҳир Роҳманир Роҳийм. Имом ва муаззини тайин қилинган ҳамда қавми бўлган масжидларда жамоат намози адо қилингач, бошқа одамлар иккинчи жамоат бўлиб, аввалги имомнинг меҳробида, азон ва такбир айтиб намозни адо қилишлари макруҳдир.

Имом Сарахсийнинг “Мабсут” номли китобларида қуйидагича келтирилган: “Бир қавм (имом билан) намоз ўқилган масжидга кирса, улар учун у ерда азон ва иқомат айтиб, жамоат бўлиб намоз ўқиш макруҳ бўлади. Шунинг учун улар азон ва иқоматсиз ёлғиз-ёлғиз намоз ўқишади”.

Бу мавзуда Аллома ибн Обидийн бундай ёзадилар: “Имом Абу Юсуфдан нақл қилинади: “Агар кейинги жамоат олдинги жамоатнинг кўринишида бўлмаса, макруҳ саналмайди. Акс ҳолда эса, макруҳ саналади. Саҳиҳ гап шудир. Кейинги жамоатнинг имоми меҳробдан ташқарида туриши билан ҳайъат (кўриниш) ўзгарган бўлади. (“Баззозийя”). “Татархонийя” китобида “Валволижийя”дан нақл қилинишича, “Биз ушбу фатвони оламиз, дейилган” (“Раддул-муҳтор” китоби).

Мазкур ва бошқа китоблар ибораларига кўра, бир четда, кўпчиликни йиғиш учун бир-бирини чақирмасдан, азон ва такбир айтмасдан иккинчи жамоат бўлиши кароҳиятсиз жоиздир.

Муайян бир имом ва муаззини йўқ ҳамда қавми бўлмаган, йўловчилар учун қурилган масжид, шунингдек, аэропорт, вокзал, меҳмонхоналарда ташкил этилган намозхоналарда азон ва такбир билан иккинчи, учинчи жамоат бўлиб намоз ўқиш жоиз. “Роддул Муҳтор” китобида шундай бундай келган: “Маҳалла масжидида азон ва иқомат билан иккинчи жамоат бўлиб намоз ўқиш макруҳ. Йўл бўйидаги масжидлар ҳамда муайян имоми ва муъаззини бўлмаган масжидларда макруҳ эмас”.

Ҳар бир мўмин имкон қадар намозларни масжидда асосий жамоат билан ўқишга ҳаракат қилиши лозим. Биринчиси бўлмаса, кейинги жамоатга улгураман, деган нотўғри тушунчадан узоқ бўлиш керак. Бу тушунча суннатга мутлақо хилофдир. Зеро, жамоат қанчалик катта бўлса, унинг савоби ҳам шунча улуғ бўлади. Валлоҳу аълам.

Ўзбекистон мусулмонлари идораси
Фатво маркази.

***

Savol: Assalomu alaykum!

— Jamoat namoziga kech qolgan kishilar o‘zaro kelishib, ikkinchi jamoat bo‘lib o‘qishlari mumkinmi?

Javob: Va alaykum assalom!

— Bismillahir Rohmanir Rohiym. Imom va muazzini tayin qilingan hamda qavmi bo‘lgan masjidlarda jamoat namozi ado qilingach, boshqa odamlar ikkinchi jamoat bo‘lib, avvalgi imomning mehrobida, azon va takbir aytib namozni ado qilishlari makruhdir.

Imom Saraxsiyning “Mabsut” nomli kitoblarida quyidagicha keltirilgan: “Bir qavm (imom bilan) namoz o‘qilgan masjidga kirsa, ular uchun u yerda azon va iqomat aytib, jamoat bo‘lib namoz o‘qish makruh bo‘ladi. Shuning uchun ular azon va iqomatsiz yolg‘iz-yolg‘iz namoz o‘qishadi”.

Bu mavzuda Alloma ibn Obidiyn bunday yozadilar: “Imom Abu Yusufdan naql qilinadi: “Agar keyingi jamoat oldingi jamoatning ko‘rinishida bo‘lmasa, makruh sanalmaydi. Aks holda esa, makruh sanaladi. Sahih gap shudir. Keyingi jamoatning imomi mehrobdan tashqarida turishi bilan hay’at (ko‘rinish) o‘zgargan bo‘ladi. (“Bazzoziyya”). “Tatarxoniyya” kitobida “Valvolijiyya”dan naql qilinishicha, “Biz ushbu fatvoni olamiz, deyilgan” (“Raddul-muhtor” kitobi).

Mazkur va boshqa kitoblar iboralariga ko‘ra, bir chetda, ko‘pchilikni yig‘ish uchun bir-birini chaqirmasdan, azon va takbir aytmasdan ikkinchi jamoat bo‘lishi karohiyatsiz joizdir.

Muayyan bir imom va muazzini yo‘q hamda qavmi bo‘lmagan, yo‘lovchilar uchun qurilgan masjid, shuningdek, aeroport, vokzal, mehmonxonalarda tashkil etilgan namozxonalarda azon va takbir bilan ikkinchi, uchinchi jamoat bo‘lib namoz o‘qish joiz. “Roddul Muhtor” kitobida shunday bunday kelgan: “Mahalla masjidida azon va iqomat bilan ikkinchi jamoat bo‘lib namoz o‘qish makruh. Yo‘l bo‘yidagi masjidlar hamda muayyan imomi va mu’azzini bo‘lmagan masjidlarda makruh emas”.

Har bir mo‘min imkon qadar namozlarni masjidda asosiy jamoat bilan o‘qishga harakat qilishi lozim. Birinchisi bo‘lmasa, keyingi jamoatga ulguraman, degan noto‘g‘ri tushunchadan uzoq bo‘lish kerak. Bu tushuncha sunnatga mutlaqo xilofdir. Zero, jamoat qanchalik katta bo‘lsa, uning savobi ham shuncha ulug‘ bo‘ladi. Vallohu a’lam.

O‘zbekiston musulmonlari idorasi
Fatvo markazi.

ЙҲХХ масжидлар атрофида жамоат тартибини сақлаш мақсадида қатор тавсиялар билан чиқди

Alhidoya.uz таҳририяти — Fri, 10 May 2024 13:17:24 +0000

ИИВ Жамоат хавфсизлиги департаменти Йўл ҳаракати хавфсизлиги хизмати жума намози ўқилиши вақтида масжидлар атрофида жамоат тартибини сақлаш ҳамда ҳаракат хавфсизлигини таъминлаш мақсадида фуқароларга қатор тавсия билан чиқди. Бу ҳақда Kun.uz маълум қилмоқда.

Улар қуйидагилар:

– масжидларга жамоат транспортларидан фойдаланган ҳолда ташриф буюриш;
– шахсий транспорт воситасида ташриф буюрганда йўл ҳаракати қоидаларига риоя этган ҳолда белгиланган жойларда тўғри тўхтатиш ва жойлаштириш;
– транспорт воситасини йўлларда бетартиб жойлаштириб қолган ҳаракат иштирокчилари учун ноқулайликларни келтириб чиқармаслик;
– ҳайдовчилар пиёдаларга эътиборли бўлиб ҳаракатланиш;
– пиёдалар йўлларни белгиланган жойлардан тўғри кесиб ўтиш;
– тартибга солувчиларнинг, светофорлар ҳамда йўл белгилари ва чизиқларининг талабларига қатъий риоя этган ҳолда ҳаракатланиш.

“Қоидаларни бузган ҳолда ҳаракатланиб ёки хатти-ҳаракатлар содир этиб, бошқа иштирокчилар учун ноқулайликларни юзага келтирманг. Йўл ҳаракати қоидаларига риоя этинг”, дейилади ЙҲХХ хабарида.

***

IIV Jamoat xavfsizligi departamenti Yo‘l harakati xavfsizligi xizmati juma namozi o‘qilishi vaqtida masjidlar atrofida jamoat tartibini saqlash hamda harakat xavfsizligini ta’minlash maqsadida fuqarolarga qator tavsiya bilan chiqdi. Bu haqda Kun.uz ma’lum qilmoqda.

Ular quyidagilar:

– masjidlarga jamoat transportlaridan foydalangan holda tashrif buyurish;
– shaxsiy transport vositasida tashrif buyurganda yo‘l harakati qoidalariga rioya etgan holda belgilangan joylarda to‘g‘ri to‘xtatish va joylashtirish;
– transport vositasini yo‘llarda betartib joylashtirib qolgan harakat ishtirokchilari uchun noqulayliklarni keltirib chiqarmaslik;
– haydovchilar piyodalarga e’tiborli bo‘lib harakatlanish;
– piyodalar yo‘llarni belgilangan joylardan to‘g‘ri kesib o‘tish;
– tartibga soluvchilarning, svetoforlar hamda yo‘l belgilari va chiziqlarining talablariga qat’iy rioya etgan holda harakatlanish.

“Qoidalarni buzgan holda harakatlanib yoki xatti-harakatlar sodir etib, boshqa ishtirokchilar uchun noqulayliklarni yuzaga keltirmang. Yo‘l harakati qoidalariga rioya eting”, deyiladi YHXX xabarida.

МАСЖИДЛАР БИЛАН ИШЛАШ ВА ИМОМ-ХАТИБЛАР ФАОЛИЯТИ ЙЎНАЛИШИ

Alhidoya.uz таҳририяти — Fri, 23 Dec 2022 05:51:42 +0000

Хушхабар: Масжидлар сони 2100 тага етди! Қорақалпоғистонда яна бир масжид ўз фаолиятини бошлади.

Alhidoya.uz таҳририяти — Mon, 06 Dec 2021 12:42:16 +0000

Қорақалпоғистон мусулмонлари қозиёти хабарига кўра, Қорақалпоғистон Республикасида масжидлар сони биттага кўпайди. Бугун Қорақалпоғистон Республикаси Қанликўл тумани «Қос жап» овул фуқаролари йиғини ҳудудида «Атажан хўжа» жоме масжиди давлат рўйхотидан ўтказилиб, ўз фаолиятини бошлади.

«Қос жап» фуқаролар йиғини аҳолисининг истак ва мурожаатлари натижасида «Атажан хўжа» жоме масжидига Қорақалпоғистон Республикаси Адлия вазирлиги масжид гувоҳномасини топширди.

52 мингдан зиёд аҳоли сонига эга Қанликўл туманида бугунги кунгача битта масжид аҳолига хизмат кўрсатиб келди. У ҳам бўлса туман марказида бўлгани боис, кўпчилик айниқса, катта ёшдаги нуронийларнинг масжидга келиб кетишларида қийинчилик туғилар эди.

Масжид маҳаллий тадбиркор ва аҳолининг яқиндан берган кўмаги билан барча қўлайликларга эга шинам ҳолатда қуриб битказилди. Катта намозхонаси шарқ оймакорлик саънати билан безатилган. Масжид туман марказига 35 км, Нукус шаҳрига эса 55 км оралиқда жойлашган.

Президентимиз таъкидлаб ўтканидек масжид чин маънода маънавият ўчоғи сифатига хизмат қилади. Ушбу янгиликдан аҳолининг қувончи чексиз. Тиллари, қалблари шукроналикда, дуода. Аҳолининг кўп йиллик дуолари бугун ижобат бўлди.

Шунинг билан Қорақалпоғистон Республикасида масжидлар сони 57 га етди. Бундан олдинги 56-масжид эса Тахтакўпир тумани «Мулк» овул фуқаролари йиғинидан «Айимбет эшон» номи билан жорий йил август ойида иш бошлаган эди.

«Атажан хўжа» масжидининг очилиш маросимига Қорақалпоғистон Республикаси Вазирлар Кенгаши Раиси ўринбосари Р.Сапарбаев, Қорақалпоғистон мусулмонлари қозиёти қозиси Ш.Бауатдинов, Қанликўл тумани ҳокими А.Ибрагимов, Қорақалпоғистон Республикаси Адлия вазири С.Мамбетқадиров, туман нуронийлари ва «Қос жап» овули аҳолиси иштирок этди.

Янгидан иш бошлаётган масжидларимизни Аллоҳ таоло халқимизга муборак қилсин. Қиёмат кунигача мўмин-мусулмонлар учун хизмат қилишини насиб қилсин.

Ўзбекистон мусулмонлари идораси Матбуот хизмати

Масжидлар тизимидаги хайрли ишлар

Alhidoya.uz таҳририяти — Tue, 05 Oct 2021 12:45:16 +0000

Ўзбекистон мусулмонлари идораси тизимида бугунги 2094 та масжид фаолият олиб бормоқда. Шундан, бугунги кунда 245 та масжидда қурилиш ишлари жадал суратларда олиб борилмоқда ва бутунлай янгидан барпо этилмоқда. Бундан ташқари 44 та масжиднинг проект – смета лойиҳалари тайёрланиб, яқин кунларда уларда ҳам қурилиш ишлари амалга оширилади, иншааллоҳ. Шунда, жами 289 та масжидда қурилиш ишлари давом этади.

Жумладан, Фарғона вилоятида 200 та масжид фаолият олиб бораётган бўлиб, 2021 йилги дастурга кўра 12 та масжид қайта қуришга киритилган. Умумий ҳисобда вилоятда 29 та масжидда қурилиш ишлари олиб борилмоқда. Бу эса бугунги кунда масжидларимизга, ибодатга келувчи мўмин-мусулмонлар учун барча қулайликларни ҳозирлашга қаратилаётган эътиборнинг бир мисолидир.

Ушбу мавзуга оид, бугун Ўзбекистон мусулмонлари идораси Масжидлар бўлими ва барча вилоят бош имом-хатибларининг (ZOOM платформаси орқали) онлайн йиғилиши бўлиб ўтди. Барча вилоят қозиларининг янгидан қурилаётган масжидлар бўйича ахбороти тингланди ва йиғилиш якунида зарурий тавсия ва кўрсатмалар берилди.

Аллоҳ таоло масжидларимизда амалга оширилаётган барча хайрли ишларга ўзи кўмакчи бўлсин!

Ўзбекистон мусулмонлари идораси
масжидлар бўлими

Диний идора кўмагида Фарғонадаги икки масжид қайта бунёд этилмоқда

Alhidoya.uz таҳририяти — Sun, 02 May 2021 09:14:06 +0000

Бугун, Давлатимиз раҳбари ташаббуслари билан кўплаб ислоҳотлар амалга оширилмоқда. Диний-маърифий соҳада ҳам бу борада эътиборли ишлар олиб борилмоқда. Жумладан, диёримиз масжидлари қиёфаси, унда мўмин-мусулмонлар учун яратилаётган шарт-шароитларни кўриб дилингиз яйрайди. Ана шундай янгиланишлар ифори нафақат шаҳарлар, балки қишлоқларда ҳам сезилмоқда.

Қувасой шаҳрининг Сўфон қишлоғида жойлашган “Сўфон” жомеъ масжидининг илк биноси 1989-1990 йилларда қурилган. Масжиднинг бино ва иншоотлари ўша вақт учун муносиб бўлсада, бироқ бугунги кунга келиб замонавий архитектура талабларига жавоб бермас, қолаверса намозхонлар учун ҳам шарт-шароитлар айтарлик даражада эмас эди.

Масжид янгитдан – замонавий архитектура талаблари асосида, намозхонлар учун хавфсиз ва қулай имкониятларни эътиборга олган ҳолда қуриб битказиш ҳақидаги қарорини Ўзбекистон мусулмонлари идораси қўллаб-қувватлаши натижасида ҳозирда “Сўфон” жомеъ масжиди қайта бунёд этилмоқда.

Қайд этиш лозимки, масжидда амалга оширилаётган бунёдкорлик ишлари Ўзбекистон мусулмонлари идораси раиси, муфтий Усмонхон Алимов ҳазратларининг бевосита ташаббуслари ва Диний идора кўмагида амалга оширилмоқда.

Жорий йил 1 май куни Ўзбекистон мусулмонлари идораси масъул ходими Искандар домла Халилов олиб борилаётган қурилиш ишлари билан танишиш мақсадида “Сўфон” жомеъ масжидига ташриф буюрди.

Ўзбекистон мусулмонлари идораси томонидан ҳомийларни жалб қилган ҳолда ҳозирга қадар қиймати ярим миллиарддан ортиқ қурилиш маҳсулотлари, жумладан, 300 миллионн сўмдан ортиқ 500 минг донага яқин ғишт, 200 миллон сўмлик темир, 30 миллион сўмлик цемент, 25 миллион сўмлик гипсокартон етказиб берилди. Шунингдек, 20 миллиондан ортиқ шипоклофка ва бошқа қурилиш маҳсулотлари олиб бериш режа қилинган.

Бундан ташқари, Олтиариқ туманидаги “Оқ дўппи эшон” жомеъ масжидида ҳам айни кунларда қурилиш ишлари олиб борилмоқда. Искандар домла Халилов мазкур масжидда ҳам олиб борилаётган қурилиш ва ободонлаштириш ишлари билан ҳам танишди. Шунингдек, Искандар домла Халилов таровеҳ намозида иштирок этиб, жамоатга муфтий ҳазратларининг саломлари ва табрикларини етказди ҳамда қурилиш учун ажратилган маблағларнинг махсус сертификатини топширди.

Ушбу эътибордан масжид аҳли ҳам мамнун бўлиб, ушбу хайрли ишга ҳисса қўшаётганлар ҳамда юртимиз тинчлигини сўраб дуо қилдилар.

Фарғона вилояти вакиллиги Матбуот хизмати