Қайси жамиятларда аҳиллик, биродарлик, ўзаро ҳамжиҳатлик жорий бўлса, тараққиёт, равнақ ва эл осойишталиги-ю халқ фаровонлиги ҳукм сурган. Аксинча, қай бир жамиятда муросасизлик, ўзаро хусумат кучайса, бундай жамиятларда уруш ва можаролар авж олган, юрт вайрон, эл пароканда бўлган. Аллоҳ таоло бандаларини урушишга, бир-бирларининг қонини тўкишга, можаролар чиқаришга эмас, қандай дин ва эътиқодда бўлишдан қатъий назар аҳилликда, бир-бирларига бағрикенгликда, ўзгаларнинг ҳақ-ҳуқуқларини ҳурматлаган ҳолда яшашга буюрган.

Давлатимиз раҳбарининг «Муборак Рамазон ойини муносиб тарзда ўтказиш тўғрисида»ги қарорига биноан бу йилги қутлуғ ой «Рамазон – саховат, бирдамлик ва бағрикенглик ойи» шиори остида ўтказиляпти.

Фарғона вилояти ҳокимлиги ҳамда Фарғона вилояти бош имом-хатиб Убайдуллоҳ домла Абдуллаев бошчилигида Фарғона шаҳридаги ногирон, боқувчисини йўқотган, кам таъминланган, ижтимоий ҳимояга муҳтож ўзга дин ва миллатга мансуб кишилар ҳолидан хабар олиниб, уларга мурувват кўрсатилди.

***

«Ramazon — saxovat, birdamlik va bag‘rikenglik oyi» shiori ostida o‘tkazilayotgan tadbirda o‘zga din vakillari holidan xabar olindi

Qaysi jamiyatlarda ahillik, birodarlik, o‘zaro hamjihatlik joriy bo‘lsa, taraqqiyot, ravnaq va el osoyishtaligi-yu xalq farovonligi hukm surgan. Aksincha, qay bir jamiyatda murosasizlik, o‘zaro xusumat kuchaysa, bunday jamiyatlarda urush va mojarolar avj olgan, yurt vayron, el parokanda bo‘lgan. Alloh taolo bandalarini urushishga, bir-birlarining qonini to‘kishga, mojarolar chiqarishga emas, qanday din va e’tiqodda bo‘lishdan qat’iy nazar ahillikda, bir-birlariga bag‘rikenglikda, o‘zgalarning haq-huquqlarini hurmatlagan holda yashashga buyurgan.

Davlatimiz rahbarining «Muborak Ramazon oyini munosib tarzda o‘tkazish to‘g‘risida»gi qaroriga binoan bu yilgi qutlug‘ oy «Ramazon – saxovat, birdamlik va bag‘rikenglik oyi» shiori ostida o‘tkazilyapti.

Farg‘ona viloyati hokimligi hamda Farg‘ona viloyati bosh imom-xatib Ubaydulloh domla Abdullayev boshchiligida Farg‘ona shahridagi nogiron, boquvchisini yo‘qotgan, kam ta’minlangan, ijtimoiy himoyaga muhtoj o‘zga din va millatga mansub kishilar holidan xabar olinib, ularga muruvvat ko‘rsatildi.

Барча мўмин-мусулмонларимиз, гўзал одоб-ахлоқ билан ўзимизни безаш, бир-биримизга меҳр-оқибатли бўлиш, одоб-ахлоқда Пайғамбаримиз алайҳиссаломга муносиб уммат бўлишимиз лозим.

2022 йил 29 сентябрь куни Ўзбекистон Республикаси Миллий гвардияси Фарғона вилояти Қўриқлаш бошқармасида ташкил этилган маърифий тадбир айни шу мавзуда бўлиб ўтди. Унда Фарғона шаҳар «Нур» масжиди имом-хатиби Хусниддин домла Турсунзода иштирок этди.

Тадбир сўнгида ходимлар турли хил саволлар бериб, жавобларини олишди.

Фарғона вилоятида фаолият юритаётган имом-хатиблар иштирокида таълим даргоҳларида маърифий тадбирлар ташкил қилинмоқда. Тадбирда қатнашаётган ёшлар имом-хатибларнинг «Исломда илмга бўлган эътибор», «Вақтни ғанимат билинг», «Жаҳолат тўрига илиниб қолманг», «Ёшлар ўртасида ҳуқуқбузарлик ва жиноятчиликни олдини олиш: муаммо ва ечимлар» мавзулардаги маърузаларидан баҳра олмоқдалар.

«Фарғона ихтисослаштирилган олимпия захиралари мактаб-интернати»да ўтказилган тадбирда «Аҳмаджон қори» масжиди имом-хатиби Ф.Абдураҳмонов иштирок этди.

— Аллоҳ таоло бутун инсониятни зулмат ва жаҳолатдан фақат илму маърифатгина халос этишини баён этган. Пайғамбаримиз Муҳаммад Мустафо соллаллоҳу алайҳи васаллам ўзларининг ҳадиси муборакларида марҳамат қилиб айтадилар: “Илм ўрганишга интилиш ва уни талаб қилиш ҳар бир мусулмон эркак ва муслимага фарздир” (Ибн Можа ривояти). Шундай экан, ҳар бир мўмин ва мусулмон дунёга келар экан илм талаб қилиши, касб-ҳунар эгаллаши лозим, — дея таъкидлади имом-хатиб.

Худди шунингдек, шаҳардаги 21-сонли умумтаълим мактабида ташкил этилган маърифий тадбирда «Муҳаммад авлиё» масжиди имом-хатиби Н.Охунов иштирок этиб, «Ёшлар ўртасида ҳуқуқбузарлик ва жиноятчиликни олдини олиш: муаммо ва ечимлар» мавзусида маъруза қилди.

Тадбир якунида ўқувчилар ўзларини қизиқтирган масалаларда маърузачиларга саволлар билан мурожаат қилиб, саволларига жавоб олдилар.